ជារៀងរាល់រសៀលថ្ងៃអាទិត្យ តំបន់បឹង Van នៅក្នុងបរិវេណកេរ្តិ៍ដំណែលជាតិពិសេស Van Mieu – Quoc Tu Giam (ហាណូយ) បានក្លាយជាកន្លែងជួបជុំគ្នានៃវប្បធម៌ ដែលសិល្បៈករសិល្បៈការិនីមកពីមជ្ឈមណ្ឌលសិល្បៈប្រពៃណីយូណេស្កូ ឧទ្ទេសនាមដល់សាធារណជនអំពីទម្រង់សិល្បៈប្រជាប្រិយដ៏វិសេសវិសាលរបស់វៀតណាម។
បទភ្លេងប្រពៃណីបានទាក់ទាញប្រជាជន និងភ្ញៀវទេសចរអន្តរជាតិមួយចំនួនធំមកទស្សនា។ សកម្មភាពនេះមិនត្រឹមតែរួមចំណែកដល់ការអភិរក្ស និងលើកកម្ពស់តម្លៃនៃសិល្បៈប្រពៃណីប៉ុណ្ណោះទេ ថែមទាំងក្លាយជាស្ពានមួយដែលនាំវប្បធម៌វៀតណាមឱ្យកាន់តែខិតជិតមកមិត្តភក្តិអន្តរជាតិទៀតផង។
យោងតាមសិល្បៈការិនី Ta Hanh ការនាំយកទម្រង់បេតិកភណ្ឌវប្បធម៌អរូបីមកសម្តែងនៅបឹង Van មិនត្រឹមតែជាផែនការការងារប៉ុណ្ណោះទេ ប៉ុន្តែជា "និស្ស័យ" មួយដែលបង្កើតឡើងពី ការជក់ចិត្តរបស់អ្នកស្រឡាញ់វិជ្ជាជីវៈនេះ។ (នៅក្នុងរូបថត៖ សិល្បៈការិនី Ta Hanh)
សិល្បៈករសិល្បៈការិនីមកពីមជ្ឈមណ្ឌលសិល្បៈប្រពៃណីយូណេស្កូ ត្រៀមរៀបចំសំលៀកបំពាក់ប្រពៃណីមុនពេលសម្តែង។
សិល្បៈការិនី Ta Hanh បានចែករំលែកថា ដើម្បីរក្សាភាពទាក់ទាញនៃការសម្តែងរយៈពេលពីរម៉ោងនេះ នាងនិងសហការី បានខិតខំដោយអស់ពីសមត្ថភាពក្នុងការងារត្រៀមរៀបចំ ចាប់ពីបុគ្គលិក ស្គ្រីប រហូតដល់ការរចនាឆាកសម្ដែង។
មានមុខមាត់វ័យក្មេង អ្នកខ្លះមានអាយុតែ ២០ ឆ្នាំប៉ុណ្ណោះ…
…ហើយក៏មានសិល្បៈករជើងចាស់ផងដែរ។ (នៅក្នុងរូបថត៖ សិល្បៈករប្រជាជន Xuan Hoach (ស្តាំ) និងសិល្បៈការិនី Ta Hanh)
មនុស្សម្នាក់ៗនាំមកនូវរបៀបសម្ដែងផ្ទាល់ខ្លួន ប៉ុន្តែទាំងអស់គ្នាចែករំលែកគោលដៅរួមមួយ៖ រក្សាបេតិកភណ្ឌឱ្យរស់នៅក្នុងជីវភាពប្រចាំថ្ងៃ។
ជាពិសេស ដោយមានស្គ្រីបដែលផ្លាស់ប្តូរជាបន្តបន្ទាប់ កម្មវិធីនេះនឹងផ្តល់ជូននូវទស្សនៈចម្រុះលើសិល្បៈប្រពៃណីដល់សាធារណជន និងភ្ញៀវទេសចរអន្តរជាតិ។ នេះបើយោងតាមសិល្បៈការិនី Ta Hanh។
សិល្បៈករសិល្បៈការិនីសម្តែងបទចម្រៀងប្រជាប្រិយប្រពៃណី។
ទស្សនិកជនបានទស្សនាកម្មវិធីនេះដោយយកចិត្តទុកដាក់ ខណៈដែលមនុស្សជាច្រើនបានថតការសម្ដែងដោយស្មាតហ្វូន។
​​​​ដោយយកឈ្នះលើឧបសគ្គភាសា តន្ត្រីប្រពៃណីនៅបឹង Van បានក្លាយជាស្ពានតភ្ជាប់ព្រលឹងដែលស្រឡាញ់វប្បធម៌មកពីជុំវិញពិភពលោក។