សេចក្តីប្រកាសស្តីពី AI គឺជាសេចក្តីប្រកាសលម្អិតបំផុតមិនធ្លាប់មានដោយមេដឹកនាំ G7; សន្យាពី "វិធីសាស្រ្តផ្តោតលើមនុស្ស" ដើម្បីអនុវត្តបច្ចេកវិទ្យាទំនើប "សំដៅបង្កើនភាពរុងរឿង នាំមកនូវផលប្រយោជន៍ដល់សង្គម និងដោះស្រាយបញ្ហាប្រឈមជាសកល" ជាពិសេសការជំរុញប្រសិទ្ធភាពសេដ្ឋកិច្ច និងលើកកម្ពស់សន្តិសុខជាតិ។ ក្រុម G7 ក៏បានឯកភាពលើ "ចក្ខុវិស័យរួម" សម្រាប់បច្ចេកវិទ្យាកង់ទិច (quantum) ដែលកំពុងរីកចម្រើន ដោយសន្យាថា នឹងជំរុញការវិនិយោគរដ្ឋ-ឯកជន នៅក្នុងវិទ្យាសាស្ត្រ និងបច្ចេកវិទ្យាកង់ទិច។

លើសពីនេះ កិច្ចព្រមព្រៀងមួយហៅថា "ធម្មនុញ្ញភ្លើងឆេះព្រៃ Kanaskis" ត្រូវបានបង្កើតឡើង ដោយបង្ហាញពីជំហានដែលប្រទេស G7 ទាំងអស់ និងប្រទេសទាំងប្រាំដែលត្រូវបានអញ្ជើញ រួមមាន អូស្ត្រាលី ឥណ្ឌា ម៉ិកស៊ិក កូរ៉េខាងត្បូង និងអាហ្វ្រិកខាងត្បូង គ្រោងនឹងចាត់វិធានការការពារភ្លើងឆេះព្រៃ កិច្ចសហការស្រាវជ្រាវ និងកិច្ចខិតខំប្រឹងប្រែងកសាងសហគមន៍ឡើងវិញ។

មិនមានកិច្ចព្រមព្រៀងចុងក្រោយស្តីពីជម្លោះនៅអ៊ុយក្រែន ឬកិច្ចខិតខំប្រឹងប្រែងរួមគ្នាដើម្បីដាក់សម្ពាធលើភាគីពាក់ព័ន្ធឱ្យធ្វើការចរចាបទឈប់បាញ់នោះទេ។ ប្រទេសកាណាដា និងសម្ព័ន្ធមិត្តផ្សេងទៀតបានប្រកាសដាក់ទណ្ឌកម្មថ្មីប្រឆាំងនឹងរុស្ស៊ី និងបានសន្យាផ្តល់ជំនួយដល់អ៊ុយក្រែន ប៉ុន្តែសហរដ្ឋអាមេរិកបានប្រកាសមិនធ្វើតាមនោះទេ៕