ក្នុងត្រីមាសទី១ ការនាំចេញផលិតផលកសិកម្ម រុក្ខាប្រមាញ់ និងនេសាទ បានកើនឡើងជាង ១៣%
(VOVWORLD) - ក្រសួងកសិកម្មនិងបរិស្ថាននាថ្ងៃទី ១ ខែមេសា បានឲ្យដឹងថា តម្លៃនៃការនាំចេញផលិតផលកសិកម្ម រុក្ខាប្រមាញ់ និងនេសាទ ត្រូវបានប៉ាន់ប្រមាណមានចំនួន ៦,១៤ ពាន់លានដុល្លារ ដែលនាំឱ្យការនាំចេញផលិតផលកសិកម្ម រុក្ខាប្រមាញ់ និងនេសាទសរុបក្នុងត្រីមាសទី ១ កើនឡើងជាង ១៥,៧ ពាន់លានដុល្លារ កើនឡើងជាង ១៣% បើធៀបនឹងរយៈពេលដូចគ្នាកាលពីឆ្នាំមុន។
ក្នុងនោះ តម្លៃនាំចេញកសិផលសម្រេចបានជាង ៨,៥ ពាន់លានដុល្លារអាមេរិក កើនឡើងជាង ១២%; ផ្នែកវប្បកម្មបានកើនឡើង ១៨,៥% ឡើងដល់ជាង ១៣១ លានដុល្លារ; ផ្នែកជលផលសម្រេចបានជិត ២,៣ ពាន់លានដុល្លារអាមេរិក កើនឡើងជាង ១៨%; រុក្ខាផលសម្រេចបាន ៤,២ ពាន់លានដុល្លារ កើនឡើង ១១,២% ។
 ទ្វីបអាស៊ីជាទីផ្សារនាំចេញធំបំផុតសម្រាប់ផលិតផលកសិកម្ម រុក្ខាប្រមាញ់ និងនេសាទរបស់វៀតណាម ។ រូបថត៖ Vu Sinh / TTXVN |
បើនិយាយពីទីផ្សារ ទ្វីបអាស៊ីជាទីផ្សារនាំចេញធំបំផុតសម្រាប់ផលិតផលកសិកម្ម រុក្ខាប្រមាញ់ និងនេសាទរបស់វៀតណាម ដែលមានចំណែកទីផ្សារ ៤២%។ ទីផ្សារធំជាងគេចំនួនពីរបន្ទាប់ទៀតគឺអាមេរិក និងអឺរ៉ុបដែលមានចំណែកទីផ្សារ ២២,៥% និង ១៦,៦% ៕