កម្មវិធីនេះគឺសំដៅតភ្ជាប់ជាយុទ្ធសាស្ត្ររវាងសាកលវិទ្យាល័យវៀតណាមជាមួយសាកលវិទ្យាល័យអាមេរិក គាំទ្រ សាកលវិទ្យាល័យពីភាគីទាំងពីរដើម្បីកសាងផែនការសហប្រតិបត្តិការជាក់ស្តែង ប្រកបដោយប្រសិទ្ធភាព និងនិរន្តរភាព។

នាយករដ្ឋមន្ត្រីវៀតណាម លោក ហ្វាម មិញជីញ បានទទួលជួបគណៈប្រតិភូនៃសាកលវិទ្យាល័យល្បីៗចំនួន ២១ នៅសហរដ្ឋអាមេរិក។ (រូបថត៖ VOV)

ថ្លែងមតិជាមួយគណៈប្រតិភូ លោកនាយករដ្ឋមន្ត្រី ហ្វាម មិញជីញ បានស្នើថា សាកលវិទ្យាល័យនៃប្រទេសទាំងពីរសម្របសម្រួលកសាងគម្រោង ផែនការសហ ប្រតិបត្តិការរយៈពេលវែង ជាក់ស្តែង ប្រកបដោយប្រសិទ្ធភាពនិងនិរន្តរភាព ជាមួយ នឹងទម្រង់សម្បូរបែប មានភាពច្នៃប្រឌិត និងភាពបត់បែន ហើយផ្ដោតលើវិស័យថ្មី ដើម្បីជួយវៀតណាមទាញយកសក្ដានុពលពីលំហសមុទ្រ លំហអាកាស និងលំហ ក្រោមដី។ ដោយសង្កត់ធ្ងន់ថា ថ្មីៗនេះ សាជីវកម្មធំៗរបស់អាមេរិក ដូចជា Intel, NVIDIA, Apple... បានមកស្វែងយល់ និងវិនិយោគ ពង្រីកប្រព័ន្ធអេកូឡូស៊ីនោះ លោកនាយករដ្ឋមន្ត្រីបានស្នើឱ្យសាកលវិទ្យាល័យនៃភាគីទាំងពីរពិភាក្សាយ៉ាងសកម្មលើកម្មវិធីកិច្ចសហប្រតិបត្តិការជាក់លាក់ ជាពិសេសលើវិស័យបច្ចេកវិទ្យាខ្ពស់ AI semiconductor ជីវបច្ចេកវិទ្យា សុខភាព កសិកម្ម ភាសាបរទេស ការបណ្តុះបណ្តាល ធនធានមនុស្សប្រកបដោយគុណភាពខ្ពស់ តាមតម្រូវការរបស់សាជីវកម្ម និងសហ គ្រាសនៃប្រទេសទាំងពីរ និងកិច្ចសហប្រតិបត្តិការស្រាវជ្រាវនិងអភិវឌ្ឍន៍។ លោក នាយករដ្ឋមន្ត្រីបានស្នើឱ្យថ្នាក់ដឹកនាំសាលានិយាយទៅកាន់រដ្ឋបាលប្រធានាធិបតីលោក Donald Trump ដើម្បីទទួលស្គាល់វៀតណាមជាសេដ្ឋកិច្ចទីផ្សារក្នុងពេលឆាប់ៗនេះ; លុបចោលការរឹតត្បិតលើការនាំចេញបច្ចេកវិទ្យាខ្ពស់ចំពោះវៀតណាម; បង្កើតលក្ខ ខណ្ឌសម្រាប់វៀតណាមបន្តអភិវឌ្ឍន៍។

ចំណែកខាងអាមេរិកវិញ ឯកអគ្គរដ្ឋទូតអាមេរិកប្រចាំនៅវៀតណាម លោក Marc E. Knapper និងតំណាងសាកលវិទ្យាល័យអាមេរិកបានវាយតំលៃខ្ពស់ចំពោះយុទ្ធ សាស្ត្រអភិវឌ្ឍន៍របស់វៀតណាម ជាពិសេសលើវិស័យអប់រំបណ្តុះបណ្តាល ហើយ និយាយថា ត្រៀមខ្លួនជាស្រេចសហប្រតិបត្តិការ និងប្រកៀកស្មាជាមួយវៀតណាម ដើម្បីអនុវត្តន៍យុទ្ធសាស្ត្រអភិវឌ្ឍន៍សេដ្ឋកិច្ចសង្គម ជាពិសេសក្នុងវិស័យអប់រំ បណ្តុះ បណ្តាល វិទ្យាសាស្ត្រ បច្ចេកវិទ្យា និងនវានុវត្តន៍ លើកកំពស់គុណភាពធនធានមនុស្ស រួមចំណែកធ្វើឱ្យស៊ីជម្រៅនូវភាពជាដៃគូយុទ្ធសាស្ត្រគ្រប់ជ្រុងជ្រោយវៀតណាម-អាមេរិក៕