ជំនួបទ្វេភាគីរវាងក្រសួងកសិកម្មអាមេរិកនៃរដ្ឋ Ohio និងក្រសួងកសិកម្ម និងបរិស្ថានវៀតណាម (រូបថត៖ Pham Huan/VOV-Washington)

រដ្ឋ Ohio គឺជាចំណតទីពីរក្នុងដំណើរបំពេញទស្សនកិច្ចការងារនៅសហរដ្ឋ អាមេរិកចាប់ពីថ្ងៃទី ១ ដល់ថ្ងៃទី ៧ ខែមិថុនា របស់គណៈប្រតិភូក្រសួងកសិកម្មនិងបរិស្ថាន និងសមាគម អាជីវកម្មកសិកម្ម ដឹកនាំដោយរដ្ឋមន្ត្រីក្រសួងកសិកម្ម និងបរិស្ថាន លោក Do Duc Duy។

ក្នុងប៉ុន្មានថ្ងៃខាងមុខ គណៈប្រតិភូវៀតណាមនឹងធ្វើដំណើរទៅកាន់ទីក្រុងវ៉ាស៊ីនតោនឌីស៊ី ដើម្បីបន្តពិភាក្សាអំពីបញ្ហាពាណិជ្ជកម្មនិងពន្ធគយ។ មុននោះ នាថ្ងៃទី ២ មិថុនា អង្គភាពអាជីវកម្ម និងសមាគមមកពីវៀតណាមនិងរដ្ឋ Iowa របស់អាមេរិក បានចុះហត្ថលេខាលើអនុស្សរណៈយោគយល់ចំនួន ៥ ដែលមានតម្លៃសរុបប្រមាណ ៨០០ លានដុល្លារអាមេរិកក្នុងរយៈពេល ៣ ឆ្នាំ។ តាមគម្រោង គណៈប្រតិភូធុរកិច្ចកសិកម្មវៀតណាម អមដំណើរ រដ្ឋមន្ត្រី Do Duc Duy ទៅកាន់សហរដ្ឋអាមេរិកនាពេលនេះ នឹងចុះហត្ថលេខាលើ អនុស្សរណៈនៃការយោគយល់គ្នា ដើម្បីទិញកសិផលពីអាមេរិកជាមួយតម្លៃសរុបជាង ២ពាន់លានដុល្លារ៕