ប្រធានាធិបតីប្រេស៊ីល លោក Luiz Inácio Lula da Silva បានមកដល់ទីក្រុងហាណូយ ដោយចាប់ផ្តើមដំណើរទស្សនកិច្ចផ្លូវរដ្ឋនៅវៀតណាម។ រូបថត៖ Pham Kien/VNA

លោកប្រធានាធិបតី Lula da Silva គឺជាប្រមុខរដ្ឋបរទេសដំបូងគេដែលមកបំពេញទស្សនកិច្ចផ្លូវរដ្ឋនៅវៀតណាមក្នុងឆ្នាំ ២០២៥។ នេះក៏ជាលើកទីពីរហើយ ដែលលោកប្រធានាធិបតី Lula da Silva បានអញ្ជើញមកបំពេញទស្សនកិច្ចនៅវៀតណាមក្នុងឋានៈជាប្រមុខរដ្ឋប្រេស៊ីល បន្ទាប់ពីលើកទី១ក្នុងឆ្នាំ២០០៨។ ដំណើរទស្សនកិច្ចនេះបានប្រព្រឹត្តិទៅក្នុងបរិបទដែលទំនាក់ទំនងវៀតណាម-ប្រេស៊ីលត្រូវបានលើកកំពស់ទៅភាពជាដៃគូយុទ្ធសាស្ត្រក្នុងឱកាសដែលនាយករដ្ឋមន្ត្រីវៀតណាម លោក ហ្វាម មិញជីញ អញ្ជើញចូលរួមកិច្ចប្រជុំកំពូល G20 នៅទីក្រុង Rio de Janeiro កាលពីខែវិច្ឆិកា ឆ្នាំ ២០២៤។ ការលើកកម្ពស់ទំនាក់ទំនងនេះ បានបង្ហាញពីការអភិវឌ្ឍដ៏ខ្លាំងក្លា ជាក់ស្តែង និងមានប្រសិទ្ធភាពនៃទំនាក់ទំនងទ្វេភាគី បង្ហាញពីការបោះជំហានខ្លាំងក្លា ក្នុងទំនាក់ទំនងនយោបាយនិងការបរទេសរវាងប្រទេសទាំងពីរ។ ដំណើរទស្សនកិច្ចរបស់លោកប្រធានាធិបតី Lula da Silva នឹងផ្តោតសំខាន់លើការបំពេញបន្ថែមគ្នាទៅវិញទៅមករវាងប្រទេសទាំងពីរ តួនាទីសំខាន់នៃខឿនសេដ្ឋកិច្ចទាំងពីរលើវិស័យសំខាន់ៗដូចជា កសិកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ហើយបានពង្រីកាណាលថ្មីនៃកិច្ចសហប្រតិបត្តិការលើវិស័យពាណិជ្ជកម្ម សេដ្ឋកិច្ច និងការវិនិយោគ៕