ព្រះបរមនាថ នរោត្តម សីហមុនី ព្រះរាជបន្ទូលជាការឆ្លើយតប ។ រូបថត៖ Viet Cuong/VOV១

មានព្រះរាជបន្ទូលជាការឆ្លើយតប ព្រះមហាក្សត្រ នរោត្តម សីហមុនី បានសង្កត់ធ្ងន់ថា ដំណើរព្រះរាជទស្សនកិច្ចលើកនេះ គឺជាដំណើរបន្តនៃដំណើរប្រវត្តិសាស្ត្រ ដែលអតីតព្រះមហាក្សត្រ នរោត្តម សីហនុ និងថ្នាក់ដឹកនាំជាន់ខ្ពស់បានចាក់គ្រឹះ ធ្វើជាស្ពានសម្រាប់ពង្រឹង និងពង្រីកចំណងមិត្តភាព និងកិច្ចសហប្រតិបត្តិការរវាងប្រទេសជិតខាងទាំងពីរ។ ព្រះបរមនាថ នរោត្តម សីហមុនី មានព្រះរាជបន្ទូលថា ការដែលភាគីទាំងពីរបានផ្លាស់ប្តូរទស្សនកិច្ចថ្នាក់ខ្ពស់ជាប្រចាំបានរួមចំណែកពង្រឹងនិងពង្រីកទំនាក់ទំនងមិត្តភាព និងសាមគ្គីភាពរវាងប្រទេសទាំងពីរ ក៏ដូចជាការបង្កើនកិច្ចសហប្រតិបត្តិការទ្វេភាគីលើគ្រប់វិស័យ ដើម្បីផលប្រយោជន៍រួមរបស់ប្រជាជនទាំងពីរ។ ក្នុងនាមប្រជាជនកម្ពុជា ព្រះមហាក្សត្របានសម្តែងការកោតសរសើរចំពោះជោគជ័យដ៏ធំធេងដែលវៀតណាមសម្រេចបានក្នុងរយៈពេលប៉ុន្មានឆ្នាំចុងក្រោយនេះ ដោយហេតុនេះបានជួយប្រទេសជាតិមានការអភិវឌ្ឍយ៉ាងខ្លាំងក្លាលើគ្រប់វិស័យ៕