(ພາບ:tamnhin.net)
(VOV)- ວັນທີ 16/11, ຂ່າວສານຊີນຮົວ ໄດ້ຄັດສະເໜີຄຳປາໄສຂອງທ່ານຫົງເລີຍ ໂຄສົກກະຊວງການຕ່າງປະເທດຈີນ ໂດຍຊີ້ແຈງວ່າ: ຈີນ ແລະ ອາຊຽນ ຈະສືບຕໍ່ຮ່ວມມືກັນເພື່ອສ້າງຫຼັກການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC). ການກ່າວຄຳປາໄສກ່ຽວຂ້ອງເຖິງວິວັດການປຶກສາຫາລືກ່ຽວກັບ COC, ທ່ານຫົງເລີຍ ເນັ້ນໜັກວ່າ ຈີນ ແລະ ອາຊຽນ ໄດ້ເຫັນດີເປັນເອກະສັນນຳກັນຈະຮັກສາການໂອ້ລົມສົນທະນາກ່ຽວກັບພື້ນຖານການປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ຢ່າງມີປະສິດທິຜົນ. ຕາມທ່ານແລ້ວ, ສອງຝ່າຍຈະສ້າງເງື່ອນໄຂຊຸກຍູ້ການເຈລະຈາ ແລະ ເຫັນດີເຫັນພ້ອມເພື່ອບັນລຸໄດ້ຫຼັກການປະພຶດ. ກ່ອນໜ້ານັ້ນ, ໃນ ທ້າຍເດືອນ 7/2012 ຜ່ານມາ, ອາຊຽນ ໄດ້ປະກາດ “ຫຼັກການ 6 ຂໍ້ກ່ຽວກັບບັນຫາທະເລຕາເວັນອອກ“ ໃນນັ້ນໄດ້ຢືນຢັນຄືນໃໝ່ຄຳໝັ້ນສັນຍາຂອງບັນດາປະເທດສະມາຊິກເພື່ອປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ ແລະ ຈະບັນລຸຫຼັກການຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກໄດ້ໂດຍໄວ.