ທ່ານຫງວຽນຊິງຮຸ່ງ ເຮັດວຽກກັບສູນກາງ ຊາວໜຸ່ມກອມມູນິດ ໂຮ່ຈິມິນ
(ພາບປະກອບ: tinhdoannghean.vn)
(vovworld)- ຕອນບ່າຍວັນທີ 27/3, ທ່ານປະທານສະແຫ່ງຊາດຫງວຽນຊິງຮຸ່ງ ເຮັດວຽກກັບສູນກາງຊາວໜຸ່ມກອມມູນິດໂຮ່ຈິມິນ ກ່ຽວກັບໝາກຜົນການປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ ແລະ ໝາກຜົນການເຂົ້າຮ່ວມການກໍ່ສ້າງຊົນນະບົດໃໝ່. ນະການເຮັດວຽກ, ທ່ານປະທານສະແຫ່ງຊາດຫງວຽນຊິງຮຸ່ງ ຊີ້ແຈງວ່າ: ພັກ, ລັດຫວຽດນາມ ປາດຖະໜາວ່າ: ລັດຖະທຳມະນູນສະບັບນີ້ຈະແມ່ນລັດຖະທຳມະນູນໂດຍປະຊາຊົນສ້າງຂຶ້ນຢ່າງແທ້ຈິງ ກ່ອນທີ່ຈະຍື່ນສະເໜີຕໍ່ສະພາແຫ່ງຊາດຮັບຮອງເອົາ, ຕ້ອງໄດ້ຄັດເລືອກມາຈາກພູມປັນຍາຂອງປະຊາຊົນ, ໃນນັ້ນມີຊາວໜຸ່ມ ສະມາຊິກຊາວໜຸ່ມກ່ວາ 26 ລ້ານຄົນ. ສູນກາງຊາວໜຸ່ມກອມມູນິດໂຮ່ຈິມິນ ຕ້ອງສືບຕໍ່ຍູ້ແຮງການໂຄສະນາ, ຂົນຂວາຍເພື່ອໃຫ້ຈຳນວນຊາວໜຸ່ມ ສະມາຊິກຊາວໜຸ່ມເຂົ້າຮ່ວມການປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງເພີ່ມຂຶ້ນ:
“ຂ້າພະເຈົ້າຫວັງວ່າ, ບັນດາສະຫາຍຕ້ອງເສີມຂະຫຍາຍຈິດໃຈໃນຫວ່າງແລ້ວນີ້, ສືບຕໍ່ເຕົ້າໂຮມ, ໂຄສະນາ, ຖອດຖອນບົດຮຽນ, ທັງໂຄສະນາ, ທັງຂົນຂວາຍໃນທົ່ວປວງຊົນ, ທັງປະກອບສ່ວນຢ່າງຕັ້ງໜ້າເພື່ອເພີ່ມເຕີມ, ປັບປຸງບັນດາເນື້ອໃນໃນຮ່າງລັດຖະທຳມະນູນສະບັບປັບປຸງ. ຍ້ອນມີພູມປັນຍາ, ຄວາມຮູ້ ແລະ ຄວາມສາມາດ, ບັນດາສະຫາຍອາດຈະປະຕິບັດວຽກງານີ້ເປັນຢ່າງດີ ເພື່ອໃຫ້ມີຫຼາຍຄົນເຂົ້າໃຈເລິກເຊິ່ງກ່ຽວກັບລັດຖະທຳມະນູນ“