(vovworld) - ຕາມແຈ້ງການຂອງກະຊວງການຕ່າງປະເທດ ຫວຽດນາມ ເມື່ອວັນທີ 21/4, ໂດຍໄດ້ຮັບຄຳເຊື້ອເຊີນຈາກກະສັດແຫ່ງລາຊະອານາຈັກ ບຣຸໄນ Hassanal Bolkiad, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ຈະນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມຂັ້ນສູງ ອາຊຽນ ຄັ້ງທີ 22, ຊຶ່ງໄດ້ຮັບການຈັດຕັ້ງຂຶ້ນຢູ່ ບຣຸໄນ ໃນລະຫວ່າງວັນທີ 24 – 25/4. ດ້ວຍຫົວຂໍ້ວ່າ “ອາຊຽນ - ປະຊາຊົນ ແລະ ອະນາຄົດຂອງພວກເຮົາ”, ກອງປະຊຸມຈະພິຈາລະນາກ່ຽວກັບ 4 ຫົວຂໍ້ຕົ້ນຕໍ່ຄື: ການກຳນົດທິດ ແລະ ບຸລິມະສິດຂອງ ອາຊຽນ ໃນປີ 2013, ກຳນົດທິດຂອງ ອາຊຽນ ແຕ່ນີ້ຮອດປີ 2015 ແລະ ຫຼັງປີ 2015, ຍູ້ໄວວິວັດການສ້າງປະຊາຄົມ ອາຊຽນ, ເສີມຂະຫຍາຍບົດບາດໃຈກາງຂອງ ອາຊຽນ ໃນບັນດາບັນຫາສຳຄັນຂອງພາກພື້ນ ແລະ ໂຄງປະກອບພາກພື້ນພວມສ້າງເປັນຮູບປະທຳ, ບັນດາບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ.