ປະທານາທິບໍດີອາເມລິກາ Barack Obama ຢ້ຽມຢາມມຽນມາ
(ພາບ: google.com.vn)
(vovworld) - ພາຍຫຼັງການພົບປະກັບທ່ານນາງນາຍົກລັດຖະມົນຕີໄທ ຍິງຣັກຊິນນະວັດ ໃນວັນທີ 18/11, ດ້ວຍຄຳໝັ້ນສັນຍາຊຸກຍູ້ການພົວພັນຮ່ວມມືມິດຕະພາບສອງຝ່າຍ. ວັນທີ 19/11, ປະທານາທິບໍດີອາເມລິກາ Barack Obama ໄດ້ເດີນທາງໄປຢ້ຽມຢາມມຽນມາ. ນີ້ຖືກຖືວ່າແມ່ນການຢ້ຽມຢາມຄັ້ງປະຫວັດສາດ ແລະ ຈະປະກອບສ່ວນພໍສົມຄວນເຂົ້າໃນການປັບປຸງການພົວພັນລະຫວ່າງສອງປະເທດ, ເພາະວ່າ, ນີ້ແມ່ນການຢ້ຽມຢາມທຳອິດຂອງປະທານາທິບໍດີອາເມລິກາ ເຖິງປະເທດອາຊີນີ້.
ໃນການຢ້ຽມຢາມຄັ້ງນີ້, ທ່ານ Obama ປະກາດບ້ວງຊ່ວຍເຫຼືອທີ່ມີມູນຄ່າ 170 ລ້ານ USD ໃນຮອບເວລາ 2 ປີຕໍ່ໜ້າ, ເພື່ອສົ່ງເສີມລັດຖະບານມຽນມາສືບຕໍ່ປະຕິບັດການປະຕິຮູບປະຊາທິປະໄຕ, ພ້ອມທັງຮຽກຮ້ອງລັດຖະບານແກ້ໄຂຄວາມບໍ່ລົງລອຍກັນ ທີ່ກ່ຽວຂ້ອງເຖິງຄວາມເຄັ່ງຕຶງລະ ຫວ່າງເຊື້ອຊາດຜີວພັນທີ່ພວມເກີດຂຶ້ນຢູ່ Rekhine ບ່ອນທີ່ມີຊາວມຸດສະລີນ ກວ່າ 100.00 ຄົນຕ້ອງອົບພະຍົບ. ໂອກາດນີ້ທ່ານຈະມີການພົບປະກັບປະທານາທິບໍດີມຽນມາ Thein Sein, ຜູ້ທີ່ມີຄວາມມານະພະຍາຍາມປະຕິຮູບດ້ານການເມືອງ ແລະ ເສດຖະກິດ ນັບແຕ່ໄດ້ຮັບຕຳແໜ່ງເມື່ອເດືອນ 3 ປີກາຍນີ້.