(vovworld) - ວັນທີ 25/03, ສຳນັກຂ່າວສານ Interfax ຂອງລັດເຊຍ ໄດ້ຄັດຄຳເວົ້າຊອງທ່ານລັດຖະມົນຕີຊ່ວຍວ່າການກະຊວງການຕ່າງປະເທດລັດເຊຍ Sergei Ryabkov ເຊິ່ງໃຫ້ຮູ້ວ່າ, ປະເທດນີ້ ແລະ ອາເມລິກາ ໄດ້ເຫັນດີຕໍ່ທັດສະນະທີ່ວ່າ ອະນາຄົດຂອງປະທານາທິບໍດີຊີຣີ Bashar al Assad ບໍ່ຄວນຍົກອອກມາເພື່ອປຶກສາຫລືໃນຈຸດເວລານີ້. ກ່າວຄຳເຫັນເມື່ອຕີລາຄາໝາກຜົນການຢ້ຽມຢາມລັດເຊຍ ຫວ່າງແລ້ວນີ້ຂອງທ່ານລັດຖະມົນຕີວ່າການກະຊວງການຕ່າງປະເທດອາເມລິກາ John Kerry, ທ່ານ Sergei Ryabkov ໃຫ້ຮູ້ວ່າ, ສັງເກດລວມແລ້ວ, ວິວັດທະນາການການເມືອງຢູ່ຊີຣີ ມີຄວາມເປັນໄປໄດ້ກວ່າ. ໃນໄລຍະຍາວ, ມົດສະກູ ໄດ້ຊອກເຫັນຄວາມເຫັນດີເຫັນພ້ອມຂອງວໍຊິງຕັນ ກ່ຽວກັບບັນດາທັດສະນະພື້ນຖານໂດຍຕັດສິນວ່າ ບັນຫາອະນາຄົດຂອງປະທານາທິບໍດີຊີຣີ ຈະບໍ່ນອນໃນໂຄງການດຳເນີນງານໃນໄລຍະນີ້.