ກອງປະຊຸມສະຫລຸບ 3 ປີ ແຫ່ງການປະຕິບັດຂໍ້ຕົກລົງຂອງນາຍົກລັດຖະມົນຕີ ກ່ຽວກັບວັນບຸນວັດທະນະທຳບັນດາຊົນເຜົ່າ
|
(vovworld) - ຕອນເຊົ້າວັນທີ 18/4 ຢູ່ ໝູ່ບ້ານວັດທະນະທຳ - ທ່ອງທ່ຽວບັນດາຊົນເຜົ່າ ຫວຽດນາມ ຢູ່ Dong Mo, Ha Noi ໄດ້ດຳເນີນກອງປະຊຸມສະຫລຸບ 3 ປີ ແຫ່ງການປະຕິບັດຂໍ້ຕົກລົງຂອງນາຍົກລັດຖະມົນຕີກ່ຽວກັບວັນບຸນວັດທະນະທຳບັນດາຊົນເຜົ່າ ຫວຽດນາມ. ທີ່ກອງປະຊຸມ, ການນຳກະຊວງວັດທະນະທຳ ກິລາ ແລະ ທ່ອງທ່ຽວ ໄດ້ຢືນຢັນວ່າ: ພາຍຫລັງ 3 ປີ ແຫ່ງການປະຕິບັດ, ວຽກງານຈັດຕັ້ງວັນບຸນວັດທະນະທຳບັນດາຊົນເຜົ່າ ຫວຽດນາມ ຄືວັນທີ 19/4 ໄດ້ນຳເຫດການນີ້ກາຍເປັນວັນບຸນຂອງທົ່ວປວງຊົນ. ຢູ່ທ້ອງຖິ່ນຕ່າງໆ, ວັນບຸນວັດທະນະທຳບັນດາຊົນເຜົ່າ ຫວຽດນາມ ໄດ້ຮັບການຈັດຕັ້ງຂຶ້ນດ້ວຍຫລາຍຮູບການ, ອຸດົມສົມບູນ. ທ່ານ Hoang Duc Hau, ຫົວຫນ້າກົມວັດທະນະທຳຊົນເຜົ່າ, ສັງກັດກະຊວງວັດທະນະທຳ, ກິລາ ແລະ ທ່ອງທ່ຽວ ໃຫ້ຮູ້ວ່າ:
“ນັບແຕ່ເມື່ອມີຂໍ້ຕົກລົງຂອງນາຍົກລັດຖະມົນຕີກ່ຽວກັບການຈັດຕັ້ງວັນບຸນວັດທະນະທຳບັນດາຊົນເຜົ່າ ຫວຽດນາມ ໄດ້ສ້າງບັນຍາກາດເບິກບານມ່ວນຊຶ່ນໃນຊີວິດທາງດ້ານວັດທະນະທຳຂອງປະຊາຊົນຊົນເຜົ່າ ແລະ ຕອບສະຫນອງຄວາມຕ້ອງການຊົມໃຊ້ວັດທະນະທຳໃຫ້ແກ່ປະຊາຊົນຊົນເຜົ່ານັບມື້ນັບຫລາຍ. ນອກນັ້ນ ປະຊາຊົນຊົນເຜົ່າມີຄວາມຮັບຮູ້ກວ່າໃນການອະນຸລັກຮັກສາວັດທະນະທຳທີ່ເປັນມູນເຊື້ອຂອງຊົນເຜົ່າຕົນ.”