(ພາບປະກອບ)
(vovworld) - ດ້ວຍຫົວຂໍ້ວ່າ “ນັກສຶກສາຫວຽດນາມ ທີ່ພວມຮໍ່າຮຽນຢູ່ຕ່າງປະເທດ ກັບປີຊາວໜຸ່ມອາສາສະໝັກ 2014”, ກອງປະຊຸມໂດຍກົງຜ່ານເຄືອຂ່າຍອີນເຕີແນດຖືກດຳເນີນໄປໃນວັນທີ 12/04 ຢູ່ຮ່າໂນ້ຍ, ໄດ້ສຸມໃສ່ບັນດາບັນຫາສຳຄັນ ເຊິ່ງນັກສຶກສາຫວຽດນາມ ທີ່ພວມຮໍ່າຮຽນຢູ່ຕ່າງປະເທດມີຄວາມສົນໃຈ. ບັນດາຜູ້ແທນພ້ອມກັນເຮັດແຈ້ງບົດບາດຂອງສະມາຄົມນັກສຶກສາຫວຽດນາມ ທີ່ພວມຮໍ່າຮຽນຢູ່ຕ່າງປະເທດ ໃນການໜູນຊ່ວຍ, ສ້າງເງື່ອນໄຂຮໍ່າຮຽນ ກໍ່ຄືການດຳລົງຊີວິດໃຫ້ນັກສຶກສາຫວຽດນາມ ຢູ່ປະເທດປະຈຳຖິ່ນ. ພ້ອມທັງແບ່ງປັນບົດຮຽນການເຄື່ອນໄຫວຂອງສະມາຄົມນັກສຶກສາຫວຽດນາມ ທີ່ພວມຮໍ່າຮຽນຢູ່ຕ່າງປະເທດ, ບັນດາການເຄື່ອນໄຫວອາສາສະໝັກຂອງນັກສຶກສາຫວຽດນາມ ພວມຮໍ່າຮຽນຢູ່ຕ່າງປະເທດມຸ່ງໄປສູ່ບ້ານເກືອເມືອງນອນ. ບັນດານັກສຶກສາຫວຽດນາມ ພວມຮໍ່າຮຽນຢູ່ຕ່າງປະເທດຖືວ່າ ເພື່ອໃຫ້ຂະບວນການອາສາສະໝັກບັນລຸປະສິດທິຜົນສູງ, ບັນດາສະມາຄົມນັກສຶກສາ ຕ້ອງສ້າງລາຍການເຄື່ອນໄຫວດ້ວຍເນື້ອໃນແທດຈິງ, ພ້ອມທັງປາດຖະໜາວ່າ ສູນກາງສະມາຄົມນັກສຶກສາ ແລະ ບັນດາກະຊວງ, ຂະແໜງການທີ່ກ່ຽວຂ້ອງ ມີກົນໄກ, ນະໂຍບາຍຕ່າງໆ ເພື່ອແນໃສ່ສ້າງເງື່ອນໄຂສະດວກໃຫ້ນັກສຶກສາຫວຽດນາມ ພາຍຫຼັງຮຽນຈົບຢູ່ຕ່າງປະເທດໄດ້ອຸທິດສ່ວນຢູ່ຫວຽດນາມ.