ການລົງທຶນລະຫວ່າງສອງຝ່າຍ (ພາບ: VOV)

ວັນທີ 20 ມັງກອນ, ກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ ຫວຽດນາມ ແລະ ອາເມລິກາ ຫາກໍ່ບັນລຸໄດ້ຂໍ້ຕົກລົງໃນການແກ້ໄຂການຂັດແຍ້ງກັນກ່ຽວກັບພາສີຕ້ານການຂາບບຸກລາຄາປາຈາ ແລະ ບາຊາ ຢູ່ ອົງການການຄ້າໂລກ (WTO). ວັນທີ 17 ມັງກອນ ທີ່ຜ່ານມາ, ຢູ່ນະຄອນຫຼວງ ວໍຊິງຕັນ (ອາເມລິກາ), ກະຊວງອຸດສາຫະກຳ ແລະ ການຄ້າ ໄດ້ລົງນາມຂໍ້ຕົກລົງສອງຝ່າຍກ່ຽວກັບຄຳສັ່ງຈັດວາງອັດຕາພາສີຕ້ານການຂາບບຸກລາຄາສຳລັບສິນຄ້າປະເພດປາຟີເລ ຈາກຫວຽດນາມ ສຳລັບອົງການຕາງໜ້າການຄ້າ ອາເມລິກາ (USTR). ເປັນອັນວ່າ, ສອງຝ່າຍບັນລຸໄດ້ວິທີການສອງຝ່າຍເພື່ອຢຸດຕິບັນດາບັນຫາຂັດແຍ້ງກັນໃນເຫດການດັ່ງກ່າວຢູ່ WTO. ເລື່ອງ ຫວຽດນາມ ແລະ ອາເມລິກາ ບັນລຸໄດ້ວິທີການສອງຝ່າຍເພື່ອແກ້ໄຂເຫດຮ້ອງຟ້ອງປາ ຈາ ແລະ ບາຊາແມ່ນໝາກຜົນຂອງເຈັດຕະນາດີ ແລະ ຄວາມມານະພະຍາຍາມຊອກຫາວິທີການແກ້ໄຂສອງຝ່າຍຂອງ ອາເມລິກາ, ພິເສດແມ່ນກະຊວງການຄ້າ ອາເມລິກາ(DOC)  ແລະອົງການຕາງໜ້າການຄ້າ ອາເມລິກາ(USTR).