(ພາບປະກອບ)

ໃນບັນດາກອງປະຊຸມເຈລະຈາກັບ ອາເມລິກາ ຫວ່າງແລ້ວນີ້, ປັກກິ່ງ ໄດ້ສະແດງໃຫ້ເຫັນທັດສະນະທີ່ຈະແຈ້ງກັບ ວໍຊິງຕັນ ວ່າ ສິ່ງຈຳເປັນເພື່ອບັນລຸໄດ້ຂໍ້ຕົກລົງສະບັບສຸດທ້າຍແມ່ນ ອາມາລິກາ ຕ້ອງຢຸດຕິເລື່ອງເພີ່ມອັດຕາພາສີສຳລັບສິນຄ້າທີ່ມີມູນຄ່າ 200 ຕື້ USD ຂອງ ຈີນ. ກ່ອນໜ້ານັ້ນ, ໜັງສືພິມ Wall Street Joural ຕີລາຄາວ່າ ປັດຈຸບັນ ອາເມລິກາ ແລະ ຈີນ ໄດ້ເຈລະຈາ ຂໍ້ຕົກລົງດ້ານການຄ້າສຳເລັດເກືອບທັງໝົດ. ລະອຽດແມ່ນ, ຈີນ ໄດ້ເຫັນດີເປັນເອກະພາບຫລຸດຜ່ອນພາສີ ຫຼື ຜ່ອນຜັນການຈຳກັດສຳລັບຜະລິດຕະພັນກະເສດ, ທາດເຄມີ, ລົດໂອໂຕ ແລະ ບັນດາຜະລິດຕະພັນອື່ນໆຂອງ ອາເມລິກາ. ນອກນັ້ນ, ຈີນ ກໍ່ໃຫ້ຄຳໝັ້ນສັນຍາວ່າ ຈະຍູ້ແຮງເລື່ອງຍົກເລີກບັນດາສິ່ງຈຳກັດກ່ຽວກັບກຳມະສິດຂອງຕ່າງປະເທດສຳລັບບັນດາໂຄງການລົດໂອໂຕ ແລະ ຫລຸດຜ່ອນອັດຕາພາສີສຳລັບລົດໂອໂຕນຳເຂົ້າລົງຕ່ຳກ່ວາລະດັບພາສີ 15% ຄືໃນປັດຈຸບັນ.