(vovworld) - ຕອນເຊົ້າວັນທີ 23/01, ທ່ານນາຍົກລັດຖະມົນຕີ ຫງວຽນເຕີນຢຸງ ແລະ ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຮີ່ນດາມ ໄດ້ເປັນປະທານກອງປະຊຸມປະຈຳປີລະຫວ່າງລັດຖະບານ ແລະ ຄະນະກຳມະການສູນກາງແນວໂຮມປະເທດຊາດຫວຽດນາມ. ໜຶ່ງໃນບັນດາຈຸດສຸມໃນການສົມທົບວຽກງານລະຫວ່າງລັດຖະບານ ແລະ ຄະນະກຳມະການສູນກາງແນວໂຮມປະເທດຊາດຫວຽດນາມ ແມ່ນແກ້ໄຂຄຳຄິດຄຳເຫັນ, ຂໍ້ສະເໜີຂອງຜູ້ມີສິດເລືອກຕັ້ງ ແລະ ແກ້ໄຂຄຳຮ້ອງທຸກ, ກ່າວຟ້ອງຂອງພົນປະເມືອງ. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ສະເໜີວ່າ ໃນປີ 2013, ລັດຖະບານ ແລະ ແນວໂຮມປະເທດຊາດ ຈະສົມທົບກັນຢ່າງແໜ້ນແຟ້ນ ແລະ ມີປະສິດທິຜົນກວ່າອີກ ແນໃສ່ປະຕິບັດບັນດາຄາດໝາຍ, ພັດທະນາເສດຖະກິດສັງຄົມ, ຮັບປະກັນຊີວິດສັງຄົມ, ສະຫວັດດີການສັງຄົມຢ່າງມີໄຊ. ທ່ານນາຍົກລັດຖະມົນຕີຮຽກຮ້ອງໃຫ້ບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆ ເພີ່ມທະວີການສົມທົບກັນຢ່າງແໜ້ນແຟ້ນກັບແນວໂຮມປະເທດຊາດທຸກຂັ້ນ ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ສ້າງຄວາມເຫັນດີເຫັນພ້ອມ ກໍຄືສ້າງ ແລະ ປັບປຸງລະບອບກົນໄກ, ນະໂຍບາຍໃຫ້ແທດເໝາະກັບສະພາບຕົວຈິ່ງ ແລະ ປະຊາຊົນເປັນຈຳນວນຫຼວງຫຼາຍ. ທ່ານນາຍົກລັດຖະມົນຕີ ຊີ້ແຈ້ງວ່າ.
“ປະຈຸບັນ ຢາກສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ ກ່ອນອື່ນໝົດຕ້ອງຍົກອອກນະໂຍບາບໃຫ້ຖືກຕ້ອງກັບຈິດໃຈປະຊາຊົນ, ນຳມາເຊິ່ງຜົນປະໂຫຍດໃຫ້ແກ່ປະຊາຊົນ. ຖ້າຫາກບັນດາບັນຫາທີ່ຍົກອອກມາບໍ່ທັນເໝາະສົມກໍຫວັງວ່າແນວໂຮມ, ບັນດາກະຊວງ, ຂະແໜງການຂອງລັດຖະບານ, ກໍຄືຢູ່ທ້ອງຖິ່ນກວດກາຄືນ. ພວກເຮົາຕ້ອງສະເໜີເພື່ອຢຸດຕິ ຫຼື ປັບປຸງ, ເພີ່ມຕ່ືມໃນທັນທີ່”.