(vovworld) – ວັນທີ 23/7, ຢູ່ນະຄອນຫຼວງ ວໍຊິງຕັນ ແຫ່ງ ສະຫະລັດ ອາເມລິກາ, ສະຖານທູດຫວຽດນາມ ໄດ້ສົມທົບກັບຄະນະປະຕິບັດງານຂອງແຂວງ ຫວິງຟຸກ ຈັດຕັ້ງເວທີປາໄສ “ກໍ່ສ້າງສະພາບແວດລ້ອມແຫ່ງການລົງທຶນ ເພື່ອແນໃສ່ພັດທະນາເຕັກໂນໂລຢີສູງ”. ເວທີປາໄສໄດ້ແນະນຳສະພາບແວດລ້ອມແຫ່ງການລົງທຶນ ທີ່ໄດ້ດຶງດູດຄວາມສົນໃຈຂອງບັນດາວິສາຫະກິດ ອາເມລິກາ, ບັນດາທີ່ປຶກສາ, ນັກຮຽນຮູ້ ແລະ ບັນດາວິສາຫະກິດຂອງຊາວຫວຽດນາມ ອາໄສຢູ່ອາເມລິກາ ເຂົ້າຮ່ວມ. ທີ່ເວທີປາໄສ, ທ່ານເລຂາຄະນະພັກແຂວງຫວິງຟຸກ Pham Van Vong ໄດ້ແນະນຳກ່ຽວກັບບັນດາຄວາມສາມາດບົ່ມຊ້ອນ ແລະ ທ່າແຮງຂອງແຂວງ, ສະພາບແວດລ້ອມແຫ່ງການລົງທຶນຢູ່ແຂວງ ກໍຄືບັນດາເງື່ອນໄຂພື້ນຖານໂຄງລ່າງທີ່ມີຢູ່ແລ້ວ. ແຜນນະໂຍບາຍຂອງແຂວງ ຫວິງຟຸກ ແມ່ນສຸມໃສ່ດຶງດູດບັນດານັກລົງທຶນທັງຢູ່ພາຍໃນ ແລະ ຕ່າງປະເທດ. ທ່ານເລຂາຄະນະພັກແຂວງຫວິງຟຸກ Pham Van Vong ໃຫ້ຮູ້ວ່າ:
“ຍັງບໍ່ທັນມີວິສາຫະກິດ ອາເມລິກາ ແຫ່ງໃດເຂົ້າມາລົງທຶນຢູ່ແຂວງ ຫວິງຟຸກ, ດັ່ງນັ້ນ ຂ້າພະເຈົ້າເຫັນວ່າ ນີ້ແມ່ນໜຶ່ງ ໃນບັນດາຄວາມສາມາດບົ່ມຊ້ອນອັນໃຫຍ່ຫຼວງທີ່ສຸດ ເຊິ່ງ ແຂວງ ຫວິງຟຸກຄວນເອົາໃຈໃສ່ ເພື່ອສຸມໃສ່ດຶງດູດບັນດານັກລົງທຶນ ອາເມລິກາ ລົງທຶນເຂົ້າຫວຽດນາມ. ດັ່ງນັ້ນ, ພວກຂ້າພະເຈົ້າ ໄປ ອາເມລິກາ ຄັ້ງນີ້ເພື່ອປະຕິບັດວຽກງານສົ່ງເສີມການລົງທຶນ, ແລະ ພິເສດແມ່ນໃນການລົງທຶນ, ພວກຂ້າພະເຈົ້າເອົາໃຈໃສ່ບັນດາຂົງເຂດເຕັກໂນໂລຢີສູງຄື: ເອເລັກໂຕນິກ, ສາທາລະນະສຸກ, ການສຶກສາ, ແລະ ບັນດາຂົງເຂດອື່ນໆຄືຜະລິດເຄື່ອງກົນຈັກ...”