ໃນໜອງທີ່ກວ້າງໃຫຍ່ກໍ່ມີເກາະດອນ 21 ໜ່ວຍພົ້ນຂຶ້ນໜ້ານ້ຳ

    ຈາກນະຄອນແທັງຮວ໊າ ຂີ່ລົດລຽບຕາມທາງຫຼວງ 45 ເປັນເວລາກວ່າໜຶ່ງຊົ່ວໂມງ, ແຂກທ່ອງທ່ຽວຈະໄປຮອດປ່າສະຫງວນແຫ່ງຊາດ ເບ໊ນແອນ ເພື່ອຈະເລີ່ມຕົ້ນການເດີນທາງຄົ້ນຫາເຂດປ່າທີ່ກວ້າງໃຫຍ່ໄພສານ, ບັນດາສາຍພູສະຫຼັບສັບຊ້ອນ ແລະ ບັນດາເກາະດອນທີ່ພົ້ນຂຶ້ນຈາກໜ້ານ້ຳ. ປ່າສະຫງວນແຫ່ງຊາດ ເບ໊ນແອນ ມີເນື້ອທີ່ຫຼາຍກວ່າ 14.000 ເຮັກຕາ ຈາກເມືອງ ຍືແທັງ ຫາເມືອງ ຍືຊວັນ ແຂວງ ແທັງຮວ໊າ, ສ່ວນຫຼາຍແມ່ນປ່າດົງດິບທີ່ມີສັດ ພຶກສາຊາດຫາຍາກຫຼາຍປະເພດ. ໂດຍຖືກຕັ້ງຢູ່ໃຈກາງປ່າສະຫງວນແຫ່ງຊາດ ເບ໊ນແອນ, ໜອງ ຊົງມຶກ ມີເນື້ອທີ່ກວ້າງກວ່າ 4.000 ເຮັກຕາ ບ່ອນເລິກກວ່າໝູ່ເຖິງ 30 ແມັດ ຖືກສ້າງຂຶ້ນຈາກຫ້ວຍ 4 ສາຍ ໄຫຼລົງຈາກບັນດາສາຍພູສູງຢູ່ອ້ອມໜອງ. ນ້ຳໃນໜອງກໍ່ຂຽວເຢັນຕະຫຼອດປີ. ທ່ານ ເລກົງເກື່ອງ ຜູ້ອຳນວຍການປ່າສະຫງວນແຫ່ງຊາດ ເບ໊ນແອນ ໃຫ້ຮູ້ວ່າ:       “                     “ປ່າສະຫງວນແຫ່ງຊາດ ເບ໊ນແອນໄດ້ຮັບການສ້າງຕັ້ງ ຂຶ້ນເມື່ອປີ 1992 ມາຮອດປັດຈຸບັນແມ່ນກວ່າ 30 ປີແລ້ວ. ພວກຂ້າພະເຈົ້າມີຄວາມຫວັງຢາກຊຸກຍູ້ການເຄື່ອນໄຫວປົກປັກຮັກສາປ່າ, ຊ່ວຍປະຊາຊົນຫາເງິນລ້ຽງຊີບ ພັດທະນາການທ່ອງທ່ຽວທຳມະຊາດ, ອະນຸລັກຮັກສາທຳມະຊາດຕິດພັນກັບການຫາເງິນລ້ຽງຊີບຂອງປະຊາຊົນ”.

       ທຳມະຊາດໄດ້ດົນບັນດານໃຫ້ ເບ໊ນແອນ ມີທັດຊະນີຍະພາບງົດງາມເປັນເອກະລັກທີ່ສຸດ. ໃນໜອງທີ່ກວ້າງໃຫຍ່ກໍ່ມີເກາະດອນ 21 ໜ່ວຍພົ້ນຂຶ້ນໜ້ານ້ຳດ້ວຍຮູບຮ່າງແປກປະຫຼາດ ອັນໄດ້ສ້າງເປັນທິວທັດທຳມະຊາດທີ່ເປັນໜ້າຈັບໃຈ. ແຕ່ລະລະດູໃນປີ, ເບ໊ນແອນ ກໍ່ມີຄວາມງາມພິເສດສະເພາະປຽບເໝືອນຮູບພາບງົດງາມດ້ວຍສີຂຽວຂອງທ້ອງຟ້າ, ນ້ຳໃນໜອງ ແລະ ກຸ່ມເມກຕົ້ນໄມ້ໃບຫຍ້າ. ລຸງ ຈ້ອງຖັງ ນັກຖ່າຍຮູບແບ່ງປັນວ່າ:

     “ມາຮອດ ເບ໊ນແອນ ຂ້າພະເຈົ້າຮູ້ສຶກທິວທັດທຳມະຊາດສວຍສົດງົດງາມເຮັດໃຫ້ຈິດໃຈຂອງເຮົາເພີດເພີນຂຶ້ນ. ເຂົ້າຮ່ວມລາຍການທ່ອງທ່ຽວ ເບ໊ນແອນ ຂ້າພະເຈົ້າຮູ້ສຶກປະທັບໃຈທີ່ສຸດ. ພິເສດຢູ່ແຫ່ງນີ້ກໍ່ມີເກາະດອນຫຼາຍໜ່ວຍທີ່ງົດງາມ, ລະບົບຊີວະພາບອຸດົມສົມບູນຫຼາຍຮູບຫຼາຍສີ”.

     ມາທ່ຽວຢູ່ ເບ໊ນແອນ ແຂກທ່ອງທ່ຽວຈະໄດ້ຂີ່ເຮືອນ້ອຍບົນໜ້າໜອງ. ໄດ້ຊີມບັນດາເຍື່ອງອາຫານພິເສດຖືກປຸງແຕ່ງຈາກປ່າໃນໜອງທີ່ຫາກໍ່ຫາມາໃນທ່າມກາງທຳມະຊາດທີ່ກວ້າງໃຫຍ່ໄພສານ, ພ້ອມກັນນັ້ນກໍ່ມີເຍື່ອງອາຫານພື້ນບ້ານທີ່ເປັນເອກະລັກຫຼາຍເຍື່ອງ ອັນໄດ້ສ້າງຄວາມປະທັບໃຈໃຫ້ແກ່ແຂກທ່ອງທ່ຽວ.

      “ຢູ່ແຫ່ງນີ້ ທິວທັດທຳມະຊາດງົດງາມທີ່ສຸດ. ຂ້າພະເຈົ້າເຄີຍມານີ້ພ້ອມກັບຄອບຄົວ ແລະ ໝູ່ເພື່ອນ. ພາຍຫຼັງຊຸມວັນເຮັດວຽກດ້ວຍຄວາມອິດເມື່ອຍ ມານີ້ຂ້າພະເຈົ້າຮູ້ສຶກສະຫວາດສະເຫວີຍ ແລະ ສະບາຍໃຈ”

    “ພວກຂ້າພະເຈົ້າໄດ້ຮັບປະທານເຍື່ອງອາຫານໄກ່ ເຊິ່ງແມ່ນສິນພິເສດຂອງດິນແດແຫ່ງນີ້, ຊີ້ນໄກ່ແຊບ ແລະ ຫອມທີ່ສຸດ”.

     ປັດຈຸບັນຄະນະຄຸ້ມຄອງ ປ່າສະຫງວນແຫ່ງຊາດ ເບ໊ນແອນ ໄດ້ສ້າງບັນດາລາຍການທ່ອງທ່ຽວດ້ວຍເຮືອ ເພື່ອຢ້ຽມຊົມທິວທັດໃນໜອງ ພ້ອມທັງໄດ້ຂຶ້ນເກາະໜ່ວຍຕ່າງໆ ເພື່ອຢ້ຽມຊົມລະບົບຊີວະພາບ. ທ່ານ ນາງ ເລຫງອກຮວາ ຮອງປະທານຄະນະກຳມະການປະຊາຊົນເມືອງ ຍືແທັງ ໃຫ້ຮູ້ວ່າ:

      “ປ່າສະຫງວນແຫ່ງຊາດ ເບ໊ນແອນ ໃນປັດຈຸບັນ ພວມສົມທົບກັບກຸ່ມບໍລິສັດ ຊັນກຣັບ ເພື່ອຍູ້ໄວລະດັບການປະຕິບັດບັນດາລາຍການພັດທະນາການທ່ອງທ່ຽວ ໃນນັ້ນມີ ປ່າສະຫງວນແຫ່ງຊາດ ເບ໊ນແອນ. ໃນໄລຍະທີ່ຈະມາເຖິງ ພວກຂ້າພະເຈົ້າຈະຊຸກຍູ້ການທ່ອງທ່ຽວຊຸມຊົນຢູ່ບັນດາຕາແສງໃກ້ຄຽງກັບເຂດ ປ່າສະຫງວນແຫ່ງຊາດ ເບ໊ນແອນ”