ຂັດສະເໜີຄຳເຫັນຂອງທ່ານຜູ້ຟັງແລະຕອບບາງຄຳຖາມຂອງທ່ານຜູ້ຟັງ

ວັນພະຫັດ ທີ 4 ມິຖຸນາ ຄ.ສ. 2015 | 11:07:32

ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຂັດສະເໜີຄຳເຫັນຂອງທ່ານຜູ້ຟັງ ແລະ ຕອບບາງຄຳຖາມເຊິ່ງທ່ານຜູ້ຟັງຝາກມາລາຍການໃນອາທິດຜ່ານມາ.

ໃນອາທິດ, ພວກເຮົາໄດ້ຮັບ ອີແມວຂອງທ່ານ ຫງວຽນວັນແຕ້ວ, ຈາກໄທຝາກມາ. ໃນອີແມວທ່ານ ແຕ້ວ ໃຫ້ຮູ້ວ່າ: “ຂ້າພະເຈົ້າແມ່ນຊາວ ໄທ ເຊື້ອຊາດ ຫວຽດນາມ, ເຖິງວ່າໄດ້ດຳລົງຊີວິດຢູ່ໄທ ແຕ່ຄາວຍັງນ້ອຍບໍ່ໄດ້ຮຽນພາສາ ໄທ, ສ່ວນພາສາ ຫວຽດຮູ້ບໍ່ເລິກເຊິ່ງປານໃດ, ມີແຕ່ພໍໃຊ້ເທົ່ານັ້ນ. ແຕ່ຂ້າພະເຈົ້າພັດແມ່ນຜູ້ຟັງທີ່ສະໜິດສະໜົມຂອງວິທະຍຸກະຈາຍສຽງ ຫວຽດນາມ ເວົ້າລວມ ແລະ ລາຍການກະຈາຍສຽງພາກພາສາ ລາວ ເວົ້າສະເພາະ, ປະຈຸບັນຂ້າພະເຈົ້າພວມພະຍາຍາມແຕ່ງບົດເພື່ອເຂົ້າຮ່ວມການເສັງ “ເພື່ອນຮູ້ຫຍັງແດ່ກ່ຽວກັບ ຫວຽດນາມ” ປີ 2015 ໂດຍ ວິທະຍຸກະຈາຍສຽງ ຫວຽດນາມ ປຸກລະດົມ. ຂ້າພະເຈົ້າໄດ້ຊອກຫາຂໍ້ມູນທາງ ອີນເຕີເນັດແຕ່ຫຍຸ້ງຍາກຫຼາຍ ແລະ ຄິດວ່າມັນບໍ່ຊັດເຈນ ແລະ ບໍ່ຄົບຖ້ວນເທື່ອ. ແຕ່ຜ່ານບັນດາບົດຂຽນທີ່ກ່ຽວຂ້ອງຂອງວິທະຍຸກະຈາຍສຽງຫວຽດນາມເຊິ່ງອອກອາກາດໃນວັນພະຫັດທຸກໆອາທິດ ໄດ້ຊ່ວຍຂ້າພະເຈົ້າແຕ່ງບົດເສັງສຳເລັດໄດ້. ຂໍຂອບໃຈລາຍການທີ່ໄດ້ມີການແນະນຳຢ່າງລະອຽດຄືແນວນັ້ນ.”

ຂອບໃຈທ່ານ ແຕ້ວ ທີ່ໄດ້ຝາກຈົດໝາຍປະກອບຄຳເຫັນໃຫ້ລາຍການ. ເມື່ອພວກຂ້າພະເຈົ້າແນະນຳບັນດາບົດຂຽນກ່ຽວຂ້ອງເຖິງ 5 ຄຳຖາມຂອງການເສັງ “ເພື່ອນຮູ້ຫຍັງແດ່ກ່ຽວກັບ ຫວຽດນາມ” ນັ້ນ ພວກຂ້າພະເຈົ້າກໍ່ປາດຖະໜາຢາກໃຫ້ທ່ານຜູ້ຟັງເອົາໃຈໃສ່ເຖິງການເສັງ ແລະ ອີງໃສ່ບັນດາຂໍ້ມູນຂ່າວນັ້ນເພື່ອເຮັດໃຫ້ບົດເສັງຂອງຕົນດີທີ່ສຸດ. ປະຈຸບັນ, ບັນດາບົດທີ່ກ່ຽວຂ້ອງເຖິງການເສັງຍັງຖືກຮັກສາໄວ້ໃນລາຍການ “ຕິດຕໍ່ພົວພັນກັບຜູ້ຟັງ” ໃນເວັບໄຊ vovworld.vn, ຖ້າຜູ້ຟັງທ່ານໃດມີຄວາມສົນໃຈສາມາດເຂົ້າອ່ານໄດ້. ກຳນົດເວລາຮັບບົດເສັງແມ່ນຮອດວັນທີ 30/6/2015 (ໄລ່ຕາມກາໄປສະນີບ່ອນຝາກ), ຫວັງວ່າບັນດາທ່ານຜູ້ຟັງຈະຝາກບົດເສັງຖືກກັບເວລາກຳນົດ.

ຂັດສະເໜີຄຳເຫັນຂອງທ່ານຜູ້ຟັງແລະຕອບບາງຄຳຖາມຂອງທ່ານຜູ້ຟັງ - ảnh 1

ໃນອາທິດ, ພວກຂ້າພະເຈົ້າໄດ້ຮັບຈົດໝາຍຈາກເພື່ອນ ຕູຕີ ອິນທະວົງ, ແຂວງ ຫຼວງພະບາງ, ເພື່ອນຖາມວ່າ: “ທິດກ່ອນຂ້າພະເຈົ້າໄດ້ຮັບຂອງຂວັນຈາກເພື່ອນ ຫວຽດນາມ ຜູ້ໜຶ່ງ. ໃນນັ້ນສິ່ງທີ່ສ້າງຄວາມປະທັບໃຈທີ່ສຸດນັ້ນແມ່ນຊາຖົງໜຶ່ງ, ເພາະວ່າຊານີ້ທັງມີລົດແຊບສະເພາະ, ທັງມີກິນຫອມຂອງດອກບົວ. ຂ້າພະເຈົ້າຫວັງວ່າທາງລາຍການຈະແນະນຳໃຫ້ຮູ້ກ່ຽວກັບຊາຊະນິດນີ້?”

ເພື່ອນ ຕູຕີ ທີ່ຮັກແພງ, ຢູ່ ຮ່າໂນ້ຍ ມີຊາຫຼາຍຊະນິດ, ໃນນັ້ນໂດ່ງດັງກວ່າໝູ່ແມ່ນຊາທີ່ກັບດອກບົວໃນໜອງ ໂຮ່ໄຕ. ບາງເທື່ອທ່ານຈະຄິດເລີຍວ່າ, ດອກບົວຢູ່ແຫ່ງໃດກໍ່ຄືກັນ, ແຕ່ຄວາມເຈິງພັດບໍ່ແມ່ນແນວນັ້ນ, ດອກບົວຢູ່ໜອງ ໂຮ່ໄຕ ຫຼື ເອີ້ນວ່າດອກບົວຮ້ອຍກີບ ມີກິ່ນຫອມພິເສດຕ່າງກັບດອກບົວຢູ່ບ່ອນອື່ນ ຍ້ອນເງື່ອນໄຂດິນຟ້າອາກາດສະເພາະຢູ່ໜອງ ໂຮ່ໄຕ, ຖ້າຫາກນຳແນວພັນດອກບົວຢູ່ທີ່ນີ້ໄປປູກຢູ່ບ່ອນອື່ນ ມັນກໍ່ບໍ່ມີກິ່ນຫອມຄືດອກບົວທີ່ປູກຢູ່ໜອງ ໂຮ່ໄຕ ໄດ້. ໃນເດືອນ 6 ຫາ ເດືອນ 8 ດອກບົວບານຫຼາຍທີ່ສຸດ, ດັ່ງນັ້ນ ນີ້ກໍ່ແມ່ນຈຸດເວລາທີ່ເຂົາເຈົ້າ ເອືອບຊາ. ວິທີເອືອບຊາລະອຽດລະອໍ ແລະ ຕ້ອງເຮັດດ້ວຍມື. ຊາທີ່ເອົາມາເອືອບຕ້ອງແມ່ນຊາຊະນິດແຊບທີ່ສຸດ ແລະ ມີຊື່ສຽງໂດ່ງດັງຂອງ ຫວຽດນາມ ຄືຊາ: ຕາສົ່ວ, ຊາ ເຕີນເກືອງ… ດອກບົວຢູ່ໜອງ ໂຮ່ໄຕ ຕ້ອງເກັບດອກບໍ່ທັນບານໃນຍາມຕາເວັນບໍ່ທັນຂຶ້ນ, ຖ້າຫາກເກັບເອົາດອກທີ່ບານແລ້ວ ເມື່ອເອືອບຊາ ມັນຈະບໍ່ມີກິ່ນຫອມ. ວິທີເອືອບກໍ່ຕ້ອງລະອຽດລະອໍ, ພາຍຫຼັງເອົາເກສອນດອກບົວອອກແລ້ວແມ່ນຕ້ອງຍັດຊາເຂົ້າໃນທັນທີ ແລະ ເອືອບເກສອນນັ້ນກັບຊາໃນເວລາ 2 ຫາ 3 ວັນ. ຕ້ອງເອືອບຄືແນວນັ້ນ 3 ເທື່ອຊາຈຶ່ງຫອມ ແລະ ແຊບທີ່ສຸດ.

+++

ທ່ານ ໝອນແກ້ວ, ແຂວງ ອັດຕະປື ໄດ້ໂທລະສັບມາຫາລາຍການໂດຍແບ່ງປັນວ່າ: “ອາທິດຜ່ານມາ, ແຂວງ ອັດຕະປື ໄດ້ເປີດສະຫຼອງສະໜາມບິນສາກົນດ້ວຍການຊ່ວຍເຫຼືອຂອງ ຫວຽດນາມ ພິເສດ, ກຸ່ມບໍລິສັດ ຮ່ວາງແອງຢາລາຍໄດ້ອຸປະຖຳ ດ້ວຍຍອດຈຳນວນເງິນ 36 ຕື້ USD, ພາຍຫຼັງໄດ້ຮັບການກໍ່ສ້າງມາເປັນເວລາ 24 ເດືອນ ເຊິ່ງເລີ່ມແຕ່ເດືອນ 5/2013 ມາຮອດປະຈຸບັນໄດ້ກໍ່ສ້າງສຳເລັດ. ນີ້ແມ່ນຄວາມເອກອ້າງທະນົງໃຈໃຫ້ແກ່ປະຊາຊົນແຂວງ ອັດຕະປື ເວົ້າສະເພາະ ແລະ ຂອງປະຊາຊົນ ລາວ ເວົ້າລວມ. ຂ້າພະເຈົ້າເຊື່ອໝັ້ນຢ່າງແນ່ວແນ່ວ່າ ສະໜາມບິນແຫ່ງໃໝ່ນີ້ມີຄວາມໝາຍດ້ານການເມືອງ ແລະ ເສດຖະກິດສັງຄົມອັນໃຫຍ່ຫຼວງ, ແມ່ນຂົວເຊື່ອມຕໍ່ຄົມມະນາຄົມ, ເສດຖະກິດ, ການເມືອງ, ປ້ອງກັນຊາດປ້ອງກັນຄວາມສະຫງົບລະຫວ່າງ ຫວຽດນາມ ແລະ ລາວ”

ສະໜາມບິນສາກົນ ອັດຕະປື ໄດ້ຮັບການເປີດສະຫຼອງເມື່ອວັນທີ 30/5, ເຂົ້າຮ່ວມພິທີມີທ່ານເລຂາທິການໃຫຍ່, ປະທານປະເທດ ສປປ ລາວ ຈູມມາລີ ໄຊຍະສອນ ແລະ ທ່ານປະທານປະເທດ ສສ ຫວຽດນາມ ເຈືອງເຕີນຊາງ. ໃນບົດກ່າວປາໄສທີ່ພິທີເປີດສະຫຼອງ, ທ່ານເລຂາທິການໃຫຍ່, ປະທານປະເທດ ຈູມມາລີ ໄຊຍະສອນ ໄດ້ຕີລາຄາສູງກຸ່ມບໍລິສັດ ຮ່ວາງແອງຢາລາຍ ໄດ້ຜັນຂະຫຍາຍການລົງທຶນ ແລະ ສ້າງສຳເລັດໂຄງການສະໜາມບິນ ສາກົນ ອັດຕະປື, ເຊິ່ງແມ່ນກິດຈະກຳມີຄວາມໝາຍດ້ານການເມືອງ - ເສດຖະກິດສຳຄັນ, ຊ່ວຍເພີ່ມທະວີການເຊື່ອມຕໍ່ ບໍ່ພຽງແຕ່ລະຫວ່າງບັນດາທ້ອງຖີ່ນຂອງ ລາວ ເທົ່ານັ້ນ ຫາກຍັງລະຫວ່າງ ລາວ ກັບ ຫວຽດນາມ ແລະ ບັນດາປະເທດອື່ນໃນພາກພື້ນອີກດ້ວຍ. ສ່ວນທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ເລື່ອງເປີດສະຫຼອງສະໜາມບິນສາກົນ ອັດຕະປື ຕາມຮູບແບບກໍ່ສ້າງ ແລະ ມອບສົ່ງໄດ້ສະແດງເຖິງລັກສະນະປະສິດທິຜົນ, ແທດຈິງ ແລະ ອຸດົມສົມບູນໃນການພົວພັນຮ່ວມມືເສດຖະກິດລະຫວ່າງ 2 ປະເທດເວົ້າລວມ ແລະ ລະຫວ່າງບັນດາວິສາຫະກິດ 2 ປະເທດເວົ້າສະເພາະ.

ທ່ານຜູ້ຟັງທີ່ເຄົາລົບ, ລາຍການໂອ້ລົມກັບເພື່ອນລາວຂອງພວກເຮົາຂໍ້ສິ້ນສຸດລົງພຽງເທົ່ານີ້. ຖ້າຫາກຜູ້ໃດມີຄວາມສົນໃຈ ແລະ ຢາກປະກອບຄຳເຫັນໃຫ້ລາຍການກະລຸນາສົ່ງຈົດໝາຍມາຍັງລາຍການໂດຍຈ່າໜ້າຊອງວ່າ: ວິທະຍຸກະຈາຍສຽງຫວຽດນາມ-ພາກພາສາລາວ-ເຮືອນເລກທີ 45 ຖະໜົນບາຈ້ຽວ-ຮ່າໂນ້ຍ ຫຼືໂທລະສັບມາໂດຍກົງຕາມເບີໂທ: 0084.43.8256631, ອີແມວ: Laovov@yahoo.com ຫຼື laovov5@gmail.com. ພວກເຮົາຍິນດີຕ້ອນຮັບ ແລະ ພ້ອມແລ້ວຈະຕອບຄຳຖາມຂອງທ່ານທຸກປະການ. ຂໍຂອບໃຈທ່ານທີ່ໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ.