ຜະລິດຕະພັນໄດ້ຂາຍໃນເວັບໄຊ (ພາບ: ສະຫະກອນ ຫາຍດັງ )

      ຮູບແບບລ້ຽງປາຂອງສະຫະກອນສິນໃນນ້ຳ ຫາຍດັງ ຕາແສງ ແທັງເຊີນ, ເມືອງ ກີມບາງ ໄດ້ສ້າງຕັ້ງຂຶ້ນເມື່ອເດືອນພະຈິກ ປີ 2019, ພາຍຫຼັງເຄື່ອນໄຫວໄດ້ເປັນເວລາ 5 ປີ, ຮູບແບບນີ້ໄດ້ຢັ້ງຢືນຄຸນນະພາບຂອງປາລ້ຽງ ແລະ ບັນດາຜະລິດຕະພັນປຸງແຕ່ງຈາກປາ. ບັນດາປະລິດຕະພັນຂອງສະຫະກອນ ໄດ້ຮັບຄວາມນິຍົມຈາກລູກຄ້າ.

     ແຕ່ເຖິງແນວນັ້ນກໍ່ຕາມ, ໃນໄລຍະມໍ່ໆມານນີ້, ຍ້ອນໄດ້ໝູນໃຊ້ການຫັນເປັນດີຈີຕອນຜ່ານການຂາຍສິນຄ້າໃນຮ້ານຄ້າເອເລກໂຕນິກ, ບັນດາຜະລິດຕະພັນຂອງສະຫະກອນ ໄດ້ສຳຜັດກັບຫຼາຍຕະຫຼາດພາຍໃນປະເທດ. ແຕ່ລະເດືອນ, ສະຫະກອນໄດ້ຕ້ອນຮັບລູກຄ້າມາຢ້ຽມຊົມ, ຊື້ສິນຄ້າກ່ວາ 100 ເທື່ອຄົນ. ການດຳເນີນທຸລະກິດເປັນປົກກະຕິ, ລາຍຮັບເຕີບໂຕດີ ໄດ້ຊ່ວຍສ້າງວຽກເຮັດງານທຳໃຫ້ຜູ້ອອກແຮງງານຂອງທ້ອງຖິ່ນຫຼາຍຄົນ. ອ້າຍ ຫງວຽນວັນຮຽວ, ປະທານສະຫະກອນ ໃຫ້ຮູ້ວ່າ:

   ເມື່ອນຳສິນຄ້າໄປຂາຍໃນຮ້ານເອເລັກໂຕນິກ, ພວກຂ້າພະເຈົ້າໄດ້ສຳຜັດກັບລູກຄ້າຫຼາຍກ່ວາ, ຈຳນວນລູກຄ້າເພີ່ມຂຶ້ນຫຼາຍທີ່ສຸດ ແລະ ບັນດາຜະລິດຕະພັນຂາຍໄດ້ກໍ່ເພີ່ມຂຶ້ນຢ່າງຈະແຈ້ງ. ອຳນາດການປົກຄອງທ້ອງຖິ່ນ, ບັນດາພະແນກ, ຄະນະ, ຂະແໜງການ ໄດ້ເພີ່ມທະວີການໜູນຊ່ວຍການຫັນເປັນດີຈີຕອນ ຊ່ວຍບັນດາສະຫະກອນສຳຜັດກັບລູກຄ້າໄດ້ຫຼາຍກ່ວາ, ເພີ່ມລາຍຮັບ, ເພີ່ມຈຳນວນກຳມະກອນ, ປະກອບສ່ວນໜຶ່ງເຂົ້າໃນການພັດທະນາຂອງທ້ອງຖິ່ນ.

ຮ່ານາມ ມີ 2 ຮ້ານຄ້າເອເລກໂຕນິກ (ພາບ: Hanamtv)

       ຍ້ອນການໝູນໃຊ້ຮ້ານຄ້າເອເລກໂຕນິກ, ຮາກຖານການຜະລິດເຄື່ອງປັ້ນດິນເຜົາ ລຽນກຽມ, ໝູ່ບ້ານຜະລິດເຄື່ອງປັ້ນດິນເຜົາ ກວຽດແທັງ, ເທດສະບານ ເກວ, ເມືອງ ກີມບາງ, ແຂວງ ຮ່ານາມ ກໍ່ມີຈຸດຢືນທີ່ໝັ້ນແກ່ນໃນທ້ອງຕະຫຼາດ. ອ້າຍ ລາຍຕວັນເຊີນ, ເຈົ້າຂອງຮາກຖານ ແບ່ງປັນວ່າ:

  ຍ້ອນໄດ້ຍູ້ແຮງການເຄື່ອນໄຫວຂາຍສິນຄ້າ, marketing ຜ່ານສື່ສັງຄົມອອນລາຍ, ຮ້ານຄ້າເອເລັກໂຕນິກ, ເຄື່ອງປັ້ນດິນເຜົາ ລຽນກຽມ ກໍ່ມີລູກຄ້າໃໝ່ຫຼາຍຄົນ. ຄ່າໃຊ້ຈາຍຕ່າງໆໃນການຂາຍສິນຄ້າ, ຄ່າເຊົ່າສາງ, ການຄຸ້ມຄອງບໍລິຫານໄດ້ຫລຸດລົງຢ່າງຈະແຈ້ງ ເມື່ອທຽບກັບການຂາຍສິນຄ້າແບບທຳມະດາ.

   ຢູ່ບໍລິສັດການຢາສະໝູນໄພ ມິນດຶກ, ຕາແສງ ກົງຫຼີ, ເມຶອງ ຫຼີເຍິນ, ແຂວງ ຮ່ານາມ, ເຫັດຖັງເຊົ່າສີທອງ ໄດ້ປູກໃນຮົ່ມທີ່ປະກອບລະບົບແອເຢັນ. ການໝູນໃຊ້ເຕັກໂນໂລຊີດີຈີຕອນໃນການຄຸ້ມຄອງອັດຕະໂນມັດ ວິວັດການຂະຫຍາຍຕົວຂອງເຫັດ. ຮັບປະກັນຄຸນນະພາບທີ່ດີທີ່ສຸດ. ເຫັດຖັງເຊົ່າສີທອງ ຂອງບໍລິສັດໄດ້ຮັບໃບຢັງຢືນ OCOP (ໂຄງການໜຶ່ງຕາແສງ ໜຶ່ງຜະລິດຕະພັນ) ແລະ ໄດ້ຈັດອັນດັບ 3 ດາວ. ທ່ານ ເຈິ່ນງອກຕູ, ປະທານສະຫະກອນ ຢືນຢັນວ່າ:

  ພວກຂ້າພະເຈົ້າພວມໝູນໃຊ້ການຫັນເປັນດີຈີຕອນໃນບັນດາຜະລິດຕະພັນ ເວົ້າລວມ ກໍ່ຄືການໂຄສະນາ, ແນະນຳຂໍ້ມູນໃນບັນດາ fanpage,  Zalo, Facebook…ເພື່ອເຮັດແນວໃດຈະສາມາດແນະນຳຂໍ້ມູນກ່ຽວກັບແຫຼ່ງກຳເນີດຂອງຜະລິດຕະພັນ, ເຂດວັດຖຸດິບ, ການປູກຝັງ, ການຜະລິດປຸງແຕ່ງ… ລູກຄ້າສາມາດຊອກຮູ້ແຫຼ່ງກຳເນີດດ້ວຍລະຫັດ  QR Code ຫຼື ບາໂຄດ (barcode) ໄດ້ຢ່າງໄວວາ.

  ຢູ່ບັນດາ ໝູ່ບ້ານອາຊີບພື້ນເມືອງຢູ່ ຮ່ານາມ, ການໝູນໃຊ້ການຫັນເປັນດີຈີຕອນ ກໍ່ໄດ້ດຳເນີນໄປຢ່າງແຮງ. ຍ້ອນໄດ້ນຳໃຊ້ຜົນປະໂຫຍດຂອງສື່ສັງຄົມອອນລາຍຢ່າງສຸດຂີດ ເພື່ອແນະນຳ, ໂຄສະນາຜະລິດຕະພັນ, ສ້າງເວັບໄຊວິສາຫະກິດ ດ້ວຍຮູບແບບທີ່ງາມ, ດຶງດູດໃຈ, ມີເນື້ອໃນຂໍ້ມູນທີ່ອຸດົມສົມບູນ, ວິທີຊື້ສິນຄ້າ ແລະ ການຊຳລະທີ່ງ່າຍດາຍນັ້ນ, ເຕັກໂນໂລຊີດີຈີຕອນ ໄດ້ປະກອບສ່ວນຢ່າງຫຼວງຫຼາຍເຂົ້າໃນລາຍຮັບຂອງບັນດາຮາກຖານການຜະລິດໃນໝູ່ບ້ານອາຊີບ. ຫຼາຍຜະລິດຕະພັນຂອງໝູ່ບ້ານອາຊີບຂອງ ຮ່ານາມ ໄດ້ໄປຮອດມືຂອງ ປຊຊ ພາຍໃນ ແລະ ຕ່າງປະເທດ.

   ມາຮອດປະຈຸບັນ, ຂະແໜງກະສິກຳຂອງແຂວງ ຮ່ານາມ ໄດ້ສ້າງລະບົບຂໍ້ມູນແຫຼ່ງກຳເນີດຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳ, ສະບຽງອາຫານຄົບຖ້ວນພໍສົມຄວນ. ປະຈຸບັນ, ມີເກືອບ 300 ຜະລິດຕະພັນຂອງກ່ວາ 40 ຮາກຖານການຜະລິດ, ປຸງແຕ່ງຜະລິດຕະພັນກະເສດຂອງແຂວງ ໄດ້ນຳສົ່ງເຂົ້າລະບົບແລ້ວ. ແຂວງ ຮ່ານາມ ກໍ່ໄດ້ຜັນຂະຫຍາຍ 02 ຮ້ານຄ້າເອເລກໂຕນິກຕົ້ນຕໍ ຊື່ງໄດ້ດຶງດູດເກືອບ 70.000 ຄອບຄົວຜະລິດເຂົ້າຮ່ວມ. ທ່ານ ໂງແມັ້ງງອກ, ຮອງຫົວໜ້າພະແນກກະສິກຳ ແລະ ພັດທະນາຊົນນະບົດແຂວງ ຮ່ານາມ ໃຫ້ຮູ້ວ່າ:

   ພວກຂ້າພະເຈົ້າໄດ້ສ້າງເງື່ອນໄຂອຳນວຍຄວາມສະດວກໃຫ້ແກ່ບັນດາຮາກຖານ, ຄອບຄົວຜະລິດ, ວິສາຫະກິດ, ໜູນຊ່ວຍການຖ່າຍທອດຄວາມກ້າວໜ້າດ້ານວິທະຍາສາດເຕັກນິກ, ຜ່ານບັນດາໂຄງການຮ່ວມສຳພັນລະບົບໃນການຜະລິດກະສິກຳ. ຜ່ານນັ້ນ, ກໍ່ຍົກສູງລາຍຮັບໃຫ້ແກ່ຊາວກະສິກອນ, ສຳເລັດບັນດາໂຄງການກໍ່ສ້າງຊົນນະບົດໃໝ່ຂອງແຂວງໃນໄລຍະທີ່ຈະມາເຖິງ.

      ດ້ວຍການເປັນເຈົ້າການຈາກ ປຊຊ, ບັນດາສະຫະກອນ, ວິສາຫະກິດຢູ່ຊົນນະບົດ ພ້ອມດ້ວຍບັນດານະໂຍບາຍໜູນຊ່ວຍຂອງແຂວງ ຮ່ານາມ, ຄວາມຕັ້ງໜ້າຂອງບັນດາຂະແໜງທີ່ກ່ຽວຂ້ອງ, ການໝູນໃຊ້ເຕັກໂນໂລຊີດີຈີຕອນເຂົ້າການການຜະລິດ, ດຳເນີນທຸລະກິດ, ໂຄສະນາ, ຈຳໜ່າຍຜະລິດຕະພັນກະເສດ, ຜະລິດຕະພັນໝູ່ບ້ານເຂດຊົນນະບົດນັບມື້ນັບເຂັ້ມແຂງກ່ວາ. ຜ່ານນັ້ນ ກໍ່ໄດ້ຂຸດຄົ້ນກຳລັງຄວາມສາມາດດ້ານເສດຖະກິດຊົນນະບົດທາງອອນລາຍ, ການຫັນປ່ຽນເສດຖະກິດຊົນນະບົດ ພັດທະນາຕາມທິດ "ເສດຖະກິດດີຈີຕອນ" ໄດ້ຢ່າງສຸດຂີດ./.