(vovworld)-ຕົ້ນໄມ້ກິນໝາກແມ່ນຮູບແບບການຜະລິດມີທ່າແຮງຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ດ້ວຍເງື່ອນໄຂທີ່ດິນ, ອາກາດສະດວກທີ່ສຸດ. ແຕ່ເພື່ອໃຫ້ການຜະລິດ ແລະ ສົ່ງອອກໝາກໄມ້ບັນລຸປະສິດທິຜົນດ້ານເສດຖະກິດສູງ, ການຍົກສູງຄຸນນະພາບໝາກໄມ້ ຕິດພັນກັບການສ້າງເຄື່ອງໝາຍ ໄດ້ແລະ ພວມໄດ້ຮັບຄວາມເອົາໃຈໃສ່ຈາກຂະແຫນງກະສິກຳ ແລະ ປະຊາຊົນຢູ່ເຂດນີ້.
ໝາກມ່ວງ ກາດລົກ
ພາບ:chotot.vn
|
ເຂດທົ່ງພຽງແມ່ນ້ຳຂອງ ໄດ້ຮັບຖືວ່າ ແມ່ນອູ່ໝາກໄມ້ຂອງທັງປະເທດ ດ້ວຍເນື້ອທີ່ກວ່າ 295.000 ເຮັກຕາ, ໃນນັ້ນ ມີໝາກໄມ້ຫລາຍປະເພດແມ່ນຜົນຜະລິດພິເສດຂອງທ້ອງຖິ່ນ. ເຖິງຢ່າງໃດກໍຕາມ ໃນໄລຍະຜ່ານມາ, ຄຸນນະພາບ ແລະ ລາຄາສົ້ນອອກຂອງໝາກໄມ້ຫລາຍປະເພດບໍ່ເປັນປົກກະຕິ, ມູນຄ່າການສົ່ງອອກບໍ່ທັນສູງ. ເພື່ອແກ້ໄຂສະພາບການນີ້, ເລື່ອງສ້າງເຄື່ອງໝາຍການຄ້າ ເພື່ອຍູ້ແຮງການສົ່ງອອກ ພວມໄດ້ຮັບການກຳນົດຈາກຂະແຫນງກະສິກຳເຂດທົ່ງພຽງແມ່ນ້ຳຂອງວ່າ ແມ່ນທິດກ້າວເດີນທີ່ແນ່ນອນ.
ເມື່ອທຽບໃສ່ບັນດາທ້ອງຖິ່ນໃນເຂດ, ແຂວງ ຕຽນຢາງ ແມ່ນແຂວງ ມີເນື້ອທີ່ປູກຕົ້ນໄມ້ກິນໝາກຢືນອັນດັບຫນຶ່ງຂອງເຂດທົ່ງພຽງແມ່ນ້ຳຂອງ ດ້ວຍເນື້ອທີ່ເກືອບ 60.000 ເຮັກຕາ ລວມມີໝາກໄມ້ຫລາຍປະເພດທີ່ມີຊື່ສຽງຄື: ໝາກມ່ວງ ຮວ່າລົກ ກາຍແບ່, ໝາກນ້ຳນົມ ລໍ່ແຣ່ນຫວີງກີມ, ໝາກທຸລຽນ ຫງູຮຽບ, ໝາກມັງກອນ ເຈີ້ກ້າວ, …. ດ້ວຍບັນດາທ່າໄດ້ປຽບ ແລະ ຄວາມສາມາດບົ່ມຊ້ອນຄືດັ່ງກ່າວ, ແຕ່ມູນຄ່າການສົ່ງອອກບໍ່ທັນສູງ, ສາຍເຫດຕົ້ນຕໍ ຍ້ອນຂາດຂໍ້ມູນຂ່າວສານກ່ຽວກັບຕະຫລາດສົ່ງອອກ, ເປັນຕົ້ນແມ່ນການຮ່ວມສຳພັນຢ່າງແຫນ້ນແຟ້ນລະຫວ່າງຜູ້ຜະລິດ, ຂອດຈຳຫນ່າຍ ແລະ ໃຊ້ສອຍ. ເພື່ອແກ້ໄຂສະພາບການນີ້, ຂະແຫນງກະສິກຳແຂວງຕຽນຢາງ ໄດ້ວາງແຜນນະໂຍບາຍສ້າງບັນດາຮູບແບບຜະລິດໝາກໄມ້ຕາມມາດຖານ VietGap(ມາດຕະຖານປະຕິບັດການຜະລິດກະສິກຳດີຢູ່ຫວຽດນາມ) ແລະ Glubal Gap(ມາດຕະຖານກ່ຽວກັບຟາມໄດ້ຮັບການຮັບຮອງຈາກສາກົນ). ທ່ານ ຫວໍລອກຢຽບ ເຈົ້າຂອງຟາມປູກຕົ້ນໝາກມັງກອນ ຢູ່ ຕາແສງ ເລືອງຮ່ວາລາກ, ເມືອງ ເຈີ້ກ້າວ ແມ່ນກະສິກອນນຳຫນ້ານຳໃຊ້ວິວັດການຜະລິດປອດສານພິດ, ປອດໄພດ້ານຊີວະສາດ. ຍ້ອນເຫດນັ້ນ ສົ້ນອອກຂອງໝາກມັງກອນຂອງທ່ານ ລ້ວນແຕ່ດຶງດູດວິສາຫະກິດມາເກັບຊື້ເພື່ອສົ່ງອອກ ດ້ວຍລາຄາສູງກວ່າບັນດາຮູບແບບອື່ນ ແຕ່ 5-10%. ທ່ານ ຢຽບໃຫ້ຮູ້ວ່າ:
“ໝາກໄມ້ຜະລິດຕາມມາດຕະຖານ VietGap ສະແດງໃຫ້ເຫັນຜົນປະໂຫຍດສູງທີ່ສຸດ. ເພື່ອໃຫ້ໝາກໄມ້ສົ່ງອອກໄປຍັງຕ່າງປະເທດ, ຕ້ອງຜະລິດຕາມທິດປອດໄພ. ໃນຈຳນວນໝາກໄມ້ 7 ປະເພດຕົ້ນຕໍຂອງແຂວງ ຕຽນຢາງ, ຂ້າພະເຈົ້າເຫັນວ່າ ພຽງໝາກມັງກອນແມ່ນມີປະສິດທິຜົນ.”
ຢູ່ແຂວງ ເບນແຈ, ນອກຈາກໝາກສົ້ມໂອຂຽວ, ບັນດາປະເພດໝາກໄມ້ອື່ນ ກໍເລີ່ມຕົ້ນແຊກຊືມເຂົ້າຕະຫລາດຕ້ອງການຄຸນນະພາບສູງຄື: ອາເມລິກາ, ຍີ່ປຸ່ນ, ສເກົາຫລີ. ຮຽກຮ້ອງຕ້ອງຜະລິດໃຫ້ບັນດາມາດຕະຖານ GAP ສະນັ້ນຈຳນວນໝາກໄມ້ບັນລຸມາດຕະຖານສົ່ງອອກ ຢູ່ທີ່ນີ້ ບໍ່ທັນມີຫລາຍ, ແຕ່ຂະແຫນງກະສິກຳ ແລະ ຊາວກະສິກອນທ້ອງຖິ່ນ ຍັງຄົງກຳນົດວ່າ ນີ້ແມ່ນທິດພັດທະນາແບບຍືນຍົງ, ຍາວນານ. ທ່ານ ຫງວຽນຫືວເຕີມ, ເຈົ້າຂອງສວນປູກຕົ້ນໄມ້ກິນໝາກຢູ່ ຕາແສງ ຕຽນລອງ ເມືອງ ເຈົາແທ່ງ ແບ່ງປັນວ່າ:
ໝາກມັງກອນ
ພາບ:internet
|
“ຂ້າພະເຈົ້າເຫັນວ່າ ເພື່ອຮັບປະກັນການສົ່ງອອກໄປຍັງຕະຫລາດຕ້ອງການຄຸນນະພາບສູງ ກ່ອນອື່ນໝົດ ຕົນເອງຕ້ອງປະຕິບັດຕາມມາດຕະຖານ VietGap, ຕາມການແນະນຳຂອງບັນດາອົງການ, ຂະແຫນງກະສິກຳຫວຽດນາມ. ປະຈຸບັນ ໝາກໄມ້ສົ່ງໄປຂາຍຢູ່ຕ່າງປະເທດ ນອກຈາກມາດຕະຖານທຳອິດ ພໍ່ແມ່ປະຊາຊົນຕ້ອງຜະລິດແນວໃດໃຫ້ໝາກໄມ້ມີຄວາມປອດໄພໃຫ້ແກ່ຜູ້ໃຊ້ສອຍຕ່າງປະເທດ, ປົກປັກຮັກສາສິ່ງແວດລ້ອມ, ມີຕົ້ນກຳເນີດ ແລະ ຄວາມປອດໄພໃຫ້ແກ່ຜູ້ຜະລິດ.”
ໂດຍປະຕິບັດການຊີ້ນຳຂອງລັດຖະບານ, ບັນດາທ້ອງຖິ່ນພວມປະຕິບັດແຜນຮ່າງສ້າງໂຄງປະກອບຂະແຫນງກະສິກຳຄືນໃຫມ່. ສຳລັບໝາກໄມ້, ຫລາຍທ້ອງຖິ່ນ ປະຕິບັດວຽກງານວາງແຜນກຳນົດເຂດປູກສະເພາະຕົ້ນໄມ້ກິນໝາກໃຫ້ເໝາະສົມກັບເງື່ອນໄຂດິນຟ້າອາກາດ. ໃນນັ້ນ ເອົາໃຈໃສ່ເປັນພິເສດເຖິງຂອດສ້າງເຄື່ອງໝາຍໝາກມໄມ້ພິເສດຕິດພັນກັບທ້ອງຖິ່ນ. ທ່ານ ເຈີນກວກຕວນ, ຫົວຫນ້າພະແນກອຸດສາຫະກຳ ແລະ ການຄ້າ ແຂວງ ຈາວີງ ໃຫ້ຮູ້ວ່າ:
“ໄລຍະຈະມາເຖິງ ພວກຂ້າພະເຈົ້າສືບຕໍ່ສົມທົບກັບບັນດາພະແນກ, ຂະແຫນງການສຳຫລວດບັນດາປະເພດໝາກໄມ້ອື່ນ ທີ່ມີທ່າແຮງຂອງແຂວງ ເພື່ອສ້າງເຄື່ອງໝາຍ, ກາໝາຍສິນຄ້າ. ສ່ວນໝາກໄມ້ທີ່ມີເຄື່ອງໝາຍແລ້ວ ພວກຂ້າພະເຈົ້າພວມຊີ້ນຳພາກສ່ວນສົ່ງເສີມການຄ້າຊອກຫາຕະຫລາດ ເພື່ອຈຳຫນ່າຍໝາກໄມ້ໃຫ້ຊາວກະສິກອນ.”
ປະຈຸບັນ, ຢູ່ບັນດາແຂວງເຂດທົ່ງພຽງແມ່ນ້ຳຂອງ ຍັງມີຫລາຍເຂດປູກໝາກໄມ້ພິເສດ ສາມາດນຳມາເຊິ່ງມູນຄ່າສົ່ງອອກສູງ. ເລື່ອງສົ່ງເສີມ ແລະ ສ້າງເງື່ອນໄຂໃຫ້ແກ່ເຈົ້າຂອງສວນປູກຕົ້ນໄມ້ກິນໝາກ ຕາມມາດຕະຖານ GAP ເພື່ອເພີ່ມທະວີການສົ່ງອອກ ພວມຢືນຢັນແມ່ນທິດກ້າວເດີນທີ່ແນ່ນອນ. ບັນດາຮູບແບບສຳເລັດຜົນໃນເບື້ອງຕົ້ນນີ້ ໄດ້ ແລະ ພວມສ້າງກຳລັງຂະຫຍາຍເພື່ອໃຫ້ການສົ່ງອອກໝາກໄມ້ຢູ່ເຂດທົ່ງພຽງແມ່ນ້ຳຂອງເວົ້າສະເພາະ ແລະ ການສົ່ງອອກໝາກໄມ້ ຫວຽດນາມ ເວົ້າລວມ ພັດທະນາ.