ພັດທະນາບັນດາໝູ່ບ້ານອາຊີບຢູ່ແຂວງ ຟູທໍ້

ບັນດາໝູ່ບ້ານອາຊີບ ຢູ່ ແຂວງ ຟູທໍ້ ໄດ້ແບ່ງເປັນ 7 ໝວດຕົ້ນຕໍ: ຊ່າງໄມ້, ຈັກສານ, ປຸງແຕ່ງຊາ, ປຸງແຕ່ງຜະລິດຕະພັນກະເສດ ອາຫານ, ກຸບ ແລະຜະລິດແຜ່ນແພພື້ນເມືອງ, ກໍ່ສ້າງ, ຜະລິດວັດສະດຸກໍ່ສ້າງ, ອາຊີບປູກແນວພັນ ແລະ ດຳເນີນທຸກລິດ, ສັດ ແລະ ຕົ້ນໄມ້ປະດັບ..

ໃນໄລຍະຜ່ານມາ, ການພັດທະນາຂະແຫນງອາຊີບ, ໝູ່ບ້ານອາຊີບ ໄດ້ຮັບການກຳນົດຈາກແຂວງ ຟູທໍ້ວ່າ ແມ່ນການພັດທະນາຜະລິດປອດກະສິກຳຕິດພັນກັບຕະຫລາດຈຳຫນ່າຍ ແລະ ເຄື່ອງໝາຍການຄ້າ, ຫັນປ່ຽນອົງປະກອບເສດຖະກິດຊົນນະບົດຕາມທິດອຸດສາຫະກຳ, ສ້າງວຽກເຮັດງານທຳຕື່ມອີກ, ຂຸດຄົ້ນຄວາມສາມາດບົ່ມຊ້ອນທ່າໄດ້ປຽບຂອງແຂວງ, ຮັກສາ ແລະ ເສີມຂະຫຍາຍສີສັນວັດທະນະທຳຊົນເຜົ່າໃນວິວັດການຫັນອຸດສາຫະກຳ ກະສິກຳ, ຊົນນະບົດເປັນທັນສະໄຫມ, ກໍ່ສ້າງເຂດຊົນນະບົດໃຫມ່. ທ່ານ ຫວູກວັກຕວນ, ຫົວຫນ້າກົມພັດທະນາຊາວກະສິກອນສາຂາແຂວງ ຟູທໍ້ ຢືນຢັນວ່າ:

“ຂ້າພະເຈົ້າຖືວ່າ ໃນໄລຍະຜ່ານມາ ແຂວງ ຟູທໍ້ ເບື້ອງຕົ້ນໄດ້ປະສົບຜົນສຳເລັດໃນການສຳຜັດກັບຕະຫລາດຈຳຫນ່າຍຜະລິດຕະພັນຂອງໝູ່ບ້ານອາຊີບ, ຍົກສູງລາຍຮັບ, ປະກອບສ່ວນພັດທະນາເສດຖະກິດໝູ່ບ້ານອາຊີບກໍ່ຄືເສດຖະກິດສັງຄົມຂອງທ້ອງຖິ່ນ. ປະຈຸບັນ ບັນດາໝູ່ບ້ານອາຊີບ ເພື່ອຮັບປະກັນພັດທະນາການຜະລິດ ມີຫລາຍວິທີການເພື່ອຈຳຫນ່າຍຜະລິດຕະພັນ.”

ຜັນຂະຫຍາຍແຜນການພັດທະນາໝູ່ບ້ານອາຊີບ ໄລຍະ 2016 – 2020, ພ້ອມກັບການໂຄສະນາ, ເຊື່ອມຕໍ່ທ່ອງທ່ຽວ, ຮ່ວມສຳພັນການຜະລິດ, ຈຳຫນ່າຍຜະລິດຕະພັນ, ແຂວງ ຟູທໍ້ ພວມສົ່ງເສີມຮັບຮອງໝູ່ບ້ານອາຊີບຕື່ມອີກຫລາຍແຫ່ງ, ອາລັກຂາເຄື່ອງໝາຍການຄ້າຜະລິດຕະພັນ ເຮັດໃຫ້ປະຊາຊົນມີຄວາມອຸ່ນອ່ຽນໃຈໃນການຜະລິດ, ຍົກສູງສະມັດຕະພາບ. ທ່ານ ກາວດັງຢູຍ, ຫົວຫນ້າໝູ່ບ້ານຜະລິດເຂົ້າປຸ້ນ ຮຸ່ງໂລ, ນະຄອນ ຫວຽດຈີ ແຂວງ ຟູທໍ້ ໃຫ້ຮູ້ວ່າ:

“ຊຸມປີມໍ່ໆມານີ້ ໝູ່ບ້ານຜະລິດເຂົ້າປຸ້ນ ມີສັນຍານຟື້ນຕົວ ແລະ ພັດທະນາ. ທີຫນຶ່ງ ນັບແຕ່ມື້ສ້າງຕັ້ງສະຫະກອນ, ທີສອງ ນັບແຕ່ມື້ຈົດທະບຽນເຄື່ອງໝາຍການຄ້າເຂົ້າປຸ້ນຮຸ່ງໂລ ຈາກນັ້ນ ພໍ່ແມ່ປະຊາຊົນມີຄວາມອຸ່ນອ່ຽນໃຈໃນວິວັດທະນາການຜະລິດດຳເນີນທຸລະກິດກວ່າ. ຜະລິດຕະພັນເຂົ້າປຸ້ນ ຮຸ່ງໂລ ປີ 2017 ໄດ້ຮັບການອາລັກຂາ ແລະ ຈົດທະບຽນຍີ່ຫໍ້, ມີເລກລະຫັດ. ປະຈຸບັນ ຜະລິດຕະພັນໄດ້ນຳໄປຂາຍຢູ່ທົ່ວປະເທດ ແລະ ປາດຖະຫນາວ່າໄລຍະຈະມາເຖິງຈະສົ່ງໄປຂາຍຢູ່ຕ່າງປະເທດ.”

ໃນວິວັດການພັດທະນາ, ບັນດາໝູ່ບ້ານອາຊີບເອງກໍ່ພວມນັບມື້ນັບໄປທັດທຽມກັບທ່າອ່ຽງ, ປະກອບສ່ວນເພີ່ມລາຍຮັບ, ຍົກສູງຊີວິດການເປັນຢູ່ຂອງປະຊາຊົນ, ຫັນປ່ຽນອົງປະກອບເສດຖະກິດຢູ່ບໍລິເວນແຂວງ. ຕໍ່ຫນ້າການພັດທະນາຂອງວິທະຍາສາດເຕັກນິກ, ມີຫລາຍຄອບຄົວຢູ່ບັນດາໝູ່ບ້ານອາຊີບໄດ້ຮູ້ຈັກຍາດແຍ່ງກາລະໂອກາດລົງທຶນເຂົ້າໃນການຜະລິດ ດ້ວຍເຄື່ອງຈັກທັນສະໄຫມ, ຍົກສູງປະສິດທິຜົນການຜະລິດ ແລະ ລາຍຮັບໃຫ້ແກ່ປະຊາຊົນ. ອ້າຍ ເລແທ່ງຈູງ, ປະຊາຊົນໝູ່ບ້ານຊ່າງໄມ້ ເວີນຢູ, ເມືອງ ດວານຮຸ່ງ ແຂວງ ຟູທໍ້ ຖືວ່າ:

“ນັບແຕ່ເມື່ອສ້າງຕັ້ງໝູ່ບ້ານອາຊີບ, ບັນດາຄົນງານ, ປະຊາຊົນ ຄືພວກຂ້າພະເຈົ້າມີວຽກເຮັດງານທຳ ແລະ ມີລາຍຮັບເປັນປົກກະຕິ, ຮັບປະກັນລະດັບເງິນເດືອນ ຈາກ 4,5 – 5 ລ້ານດົງ/ເດືອນ, ຊີວິດການເປັນຢູ່ນັບມື້ນັບດີຂຶ້ນ.”

ແຕ່ລະປີ ແຂວງ ຟູທໍ້ ໄດ້ຜັນຂະຫຍາຍບັນດາຊຸດອົບຮົມ, ບຳລຸງບັນດາຂໍ້ກຳນົດຂອງກົດໝາຍທີ່ກ່ຽວຂ້ອງເຖິງການຜະລິດດຳເນີນທຸລະກິດໃຫ້ແກ່ບັນດານາຍບ້ານອາຊີບ. ພະແນກວິທະຍາສາດເຕັກໂນໂລຊີ ສົມທົບກັບພະແນກກະສິກຳ ແລະ ພັດທະນາຊົນນະບົດ ແຂວງ ຈັດຕັ້ງບັນດາຊຸດອົບຮົມໃນແຕ່ລະປີ, ພ້ອມກັບບັນດາຄູ່ຮ່ວມມືຕ່າງປະເທດ, ຊ່ວຍບັນດາຄອບຄົວໃນໝູ່ບ້ານອາຊີບ ສຳຜັດກັບເຕັກໂນໂລຊີຂໍ້ມູນຂ່າວສານ. ຜ່ານນັ້ນ ຍົກສູງຄຸນນະພາບການຜະລິດຕະພັນສົ້ນອອກ. ທ່ານ ຫງວຽນຫືວຮົ່ງ, ນາຍບ້ານອາຊີບ, ຜູ້ອຳນວຍການສະຫະກອນປຸ້ງແຕ່ງຊາ ຟູທິ້ງ ແຂວງຟູທໍ້ ແບ່ງປັນວ່າ:

“ໂດຍໄດ້ຮັບຄວາມເອົາໃຈໃສ່ສ້າງເງື່ອນໄຂຈາກອຳນາດການປົກຄອງ, ພວກຂ້າພະເຈົ້າໄດ້ສ້າງຕັ້ງສະຫະກອນເມື່ອປີ 2016 ແລະ ໄດ້ຮັບການຫນູນຊ່ວຍຈາກສະຫະພັນສະຫະກອນເຢຍລະມັນກ່ຽວກັບດ້ານເຕັກນິກ, ຝຶກອົບຮົມຍົກສູງກຳລັງຄວາມສາມາດໃນການປຸງແຕ່ງຊາ. ພວກຂ້າພະເຈົ້າກໍ່ໄດ້ຮັບການຫນູນຊ່ວຍຈາກສະຖາບັນວິທະຍາສາດສັງຄົມກະສິກຳປ່າໄມ້ເຂດພູດອຍທາງພາກເຫນືອ ເພື່ອລົງເລິກການບົວລະບັດ, ປຸງແຕ່ງຊາ, ປະຈຸບັນ ໂດຍໄດ້ຮັບຄວາມເອົາໃຈໃສ່ຈາກພະແນກກະສິກຳ ແລະ ສູນສົ່ງເສີມກະສິກຳແຂວງ ຟູທໍ້ ຫນູນຊ່ວຍ, ຮ່ວມສຳພັນ, ສ້າງຂັ້ນຕອນການຜະລິດປຸງແຕ່ງຊາປອດສານພິດ, ຊາປອດໄພ ແລະ ປະຈຸບັນ ເຄື່ອງໝາຍການຄ້າຊາ ຟູທິ້ງ ໄດ້ ແລະ ພວມໄດ້ຮັບການອາລັກຂາ, ພໍ່ແມ່ປະຊາຊົນມີຄວາມອຸ່ນອ່ຽນໃຈຜະລິດບັນດາຜະລິດຕະພັນຊາ ຮັບປະກັນມາດຕະຖານຄຸນນະພາບ.”

ສຳລັບແຂວງ ຟູທໍ້, ເລື່ອງອະນຸລັກຮັກສາ ແລະ ພັດທະນາບັນດາໝູ່ບ້ານອາຊີບ ໄດ້ຮັບການຮັບຮອງ ປະກອບສ່ວນສ້າງວຽກເຮັດງານທຳ ແລະ ເພີ່ມລາຍຮັບໃຫ້ຄົນງານຊົນນະບົດ, ເສີມຂະຫຍາຍສີສັນວັດທະນະທຳຂອງຊາດໃນວິວັດການຫັນກະສິກຳ, ຊົນນະບົດເປັນອຸດສາຫະກຳ ແລະ ທັນສະໄຫມ, ປະກອບສ່ວນກໍ່ສ້າງແຂວງ ຟູທໍ້ ໃຫ້ພັດທະນາແບບຍືນຍົງໃນທ່າອ່ຽງເຊື່ອມໂຍງລວມຂອງປະເທດຊາດ.