ວັນທີ 13 ເມສາ, ທ່ານລັດຖະມົນຕີກະຊວງພະລັງງານ ອາເມລິກາ Chris Wright, ໃຫ້ຮູ້ວ່າ ອາເມລິກາ ແລະ ອາຣັບບີ ຊະອຸດີ ຈະລົງນາມໃນຂໍ້ຕົກລົງເບື້ອງຕົ້ນກ່ຽວກັບການພັດທະນານິວເຄຼຍພົນລະເຮືອນໃຫ້ແກ່ປະເທດເຂດອ່າວ. ແຫຼ່ງຂໍ້ມູນທີ່ໄດ້ປະກາດຕໍ່ວົງການສື່ມວນຊົນຢູ່ນະຄອນຫຼວງ Riyadh ຂອງ ອາຣັບບີ ຊະອຸດີ, ພາຍຫຼັງການພົບປະລະຫວ່າງທ່ານ Chris Wright ແລະ ທ່ານລັດຖະມົນຕີກະຊວງພະລັງງານ ອາຣັບບີ ຊະອຸດີ, ສະເດັດເຈົ້າ Abdulaziz bin Salman. ທ່ານ Chris Wright, ກໍ່ໃຫ້ຮູ້ວ່າ, ລາຍລະອຽດຂອງຂໍ້ຕົກລົງນິວເຄຼຍພົນລະເຮືອນນີ້ອາດຈະໄດ້ປະກາດໃນທ້າຍປີນີ້.
ອົງມົງກຸດລາຊະກຸມມານ ອາຣັບບີ ຊະອຸດີ Mohammed bin Salman ແມ່ນການນຳຕ່າງປະເທດທຳອິດໂອ້ລົມທາງໂທລະສັບກັບທ່ານປະທານາທິບໍດີ ອາເມລິກາ Donald Trump, ພາຍຫຼັງທ່ານກັບຄືນທຳນຽບຂາວໃນວັນທີ 20 ມັງກອນ 2025. ໃນການໂອ້ລົມທາງໂທລະສັບ, ອົງມົງກຸດລາຊະກຸມມານ ອາຣັບບີ ຊະອຸດີ Mohammed bin Salman ໄດ້ໃຫ້ຄຳໝັ້ນສັນຍາລົງທຶນຢ່າງໜ້ອຍສຸດ 600 ຕື້ USD ເຂົ້າ ອາເມລິກາ ໃນໄລຍະຈະມາເຖິງ.
