 ເຫດການ “ພົບປະ ອາຊຽນ ຢູ່ດ່ານັ້ງປີ 2025” (ພາບ: VOV) |
ຕອນບ່າຍວັນທີ 9 ເມສາ, ຢູ່ນະຄອນ ດ່ານັ້ງ, ຄະນະກຳມະການປະຊາຊົນນະຄອນ ດ່ານັ້ງ ໄດ້ສົມທົບກັບກົມອາຊຽນ, ກະຊວງການຕ່າງປະເທດ ແລະ ບັນດາອົງການການຕ່າງປະເທດ ບັນດາປະເທດ ອາຊຽນ ປະຈຳຫວຽດນາມ ຈັດເຫດການ “ພົບປະ ອາຊຽນ ຢູ່ດ່ານັ້ງປີ 2025”.
ແຕ່ວັນທີ 9 – 11 ເມສາ, ເຫດການໄດ້ດຳເນີນບັນດາວາລະປຶກສາຫາລືເພື່ອແນໃສ່ເພີ່ມທະວີການຮ່ວມມືສາກົນ, ການຄ້າ, ການລົງທຶນ ແລະ ການທ່ອງທ່ຽວ ລະຫວ່າງ ດ່ານັ້ງ ກັບບັນດາຄູ່ຮ່ວມມືຂຶ້ນກັບພາກພື້ນ ອາຊຽນ. ນອກຈາກນັ້ນ ຍັງມີບັນດາກິດຈະກຳຄື: ງານວາງສະແດງພາບຖ່າຍການພົວພັນຕ່າງປະເທດ ດ່ານັ້ງ - ອາຊຽນ ແລະ ແນະນຳຜະລິດຕະພັນທ່ອງທ່ຽວດ່ານັ້ງ, ພົບປະແລກປ່ຽນສິລະປະບັນດາປະເທດ ອາຊຽນ… ທ່ານ ເລຈຸງຈິງ, ປະທານຄະນະກຳມະການປະຊາຊົນນະຄອນດ່ານັ້ງ ໃຫ້ຮູ້ວ່າ:
ນະຄອນດ່ານັ້ງ ປາດຖະໜາຢາກສືບຕໍ່ເພີ່ມທະວີການເຊື່ອມຕໍ່ເປີດກວ້າງການພົວພັນຮ່ວມມືກັບບັນດາຄູ່ຮ່ວມມືໃນພາກພື້ນ ອາຊຽນ. ເພື່ອພ້ອມກັນພັດທະນາແບບຍືນຍົງ, ທາງນະຄອນປາດຖະໜາຢາກສ້າງລະບົບນິເວດແຫ່ງການຮ່ວມມືທີ່ເລິກເຊິ່ງກວ້າງຂວາງກັບບັນດາອົງການຈັດຕັ້ງ, ທ້ອງຖິ່ນ, ວິສາຫະກິດໃນພາກພື້ນ ໂດຍອີງຕາມຄວາມໄວ້ເນື້ອເຊື່ອໃຈອັນໝັ້ນແກ່ນ, ຜົນປະໂຫຍດກົມກຽວ ແລະ ວິໄສທັດຍາວນານ.
