ຕາມແຈ້ງການຂອງກະຊວງການຕ່າງປະເທດ ສ.ເກົາຫຼີ ທີ່ອອກໃນວັນທີ 15 ສິງຫາ ແລ້ວ, ບັນດາເຈົ້າໜ້າທີ່ຂັ້ນສູງເວທີປາໄສຮ່ວມມືເສດຖະກິດ ອາຊີ ປາຊີຟິກ (APEC) ໄດ້ເຫັນດີເປັນເອກະພາບຮັບຮອງເອົາແຜນການກະທຳເພື່ອເພີ່ມທະວີຄວາມສາມາດຂອງບັນດາພື້ນຖານເສດຖະກິດ ໂດຍສ.ເກົາຫຼີສະເໜີ. ຕາມນັ້ນແລ້ວ, ບັນດາຂໍ້ລິເລີ່ມຄວາມຕ້ອງການສ້າງຄວາມອາດສາມາດ (CBNI) ລວມມີ 5 ຂັ້ນຕອນໃຫ້ແກ່ບັນດາພື້ນຖານເສດຖະກິດພວມພັດທະນາ APEC ໄດ້ໃຫ້ສັດຕະຍາບັນຢູ່ກອງປະຊຸມບັນດາເຈົ້າໜ້າທີ່ຂັ້ນສູງຄັ້ງທີ 3 ຂອງAPEC 2025 (SOM3) ທີ່ໄດ້ດຳເນີນຢູ່ Incheon. ຢູ່ກອງປະຊຸມ ທີ່ໄດ້ດຳເນີນໃນສອງວັນ, ດ້ວຍການເຂົ້າຮ່ວມຂອງເຈົ້າໜ້າທີ່ປະມານ 5.800 ຄົນທີ່ມາຈາກ 21 ພື້ນຖານເສດຖະກິດສະມາຊິກ APEC, ບັນດາສະມາຊິກ APEC ໄດ້ຮຽກຮ້ອງໃຫ້ມານະພະຍາຍາມຮັກສາລະບົບການຄ້າຫຼາຍຝ່າຍອີງຕາມກົດໝາຍໃນສະພາບການລັດທິອາລັກຂາໃນການແລກປ່ຽນຄ້າຂາຍທົ່ວໂລກເພີ່ມຂຶ້ນ, ໃນຂະນະນັ້ນ ໄດ້ເນັ້ນໜັກວ່າ ການຫັນເປັນດີຈີຕອນ ແລະ ນະຕັດວັດກຳ ແມ່ນບັນດາກຳລັງໜູນຫຼັກແຫຼ່ງຂອງການເຕີບໂຕດ້ານເສດຖະກິດ.