 ຄະນະຜູ້ແທນ ຢູແກຼນ ເຂົ້າຮ່ວມການເຈລະຈາກັບ ລັດເຊຍ ຢູ່ Istanbul ເມື່ອເດືອນ ພຶດສະພາ (ພາບ: Reuters) |
ຕາມແຫຼ່ງຂ່າວ ຕວັກກີ ໂດຍສຳນັກຂ່າວສານ RIA Novosti ໄດ້ຄັດສະເໜີ, ຮອບເຈລະຈາຕໍ່ໄປລະຫວ່າງ ລັດເຊຍ ແລະ ຢູແກຼນ ຄາດວ່າຈະຈັດຂຶ້ນໃນຕອນຄ່ຳວັນທີ 23 ກໍລະກົດ ຢູ່ນະຄອນ Istanbul, ຕວັກກີ. ເຖິງຢ່າງໃດກໍຕາມ, ບັນດາຝ່າຍທີ່ກ່ຽວຂ້ອງຍັງບໍ່ທັນຢັ້ງຢືນວັນເວລາ ແລະ ສະຖານທີ່ຢ່າງເປັນທາງການເທື່ອ.
ການເລືອກສະຖານທີ່ເລີ່ມມາຈາກຄວາມສາມາດຕອບສະໜອງຄວາມຮຽກຮ້ອງຕ້ອງການດ້ານພະລາທິການ ກໍຄືຄວາມເຫັນດີຈາກທັງສອງຝ່າຍ. ຕາມການຕີລາຄາໃນເບື້ອງຕົ້ນ, ການເຈລະຈາຄັ້ງນີ້, ຄາດວ່າແມ່ນຮອບທີ 3 ທີ່ໄດ້ດຳເນີນໃນຂອບເຂດໜຶ່ງວັນ.
ຫ້ອງວ່າການປະທານາທິບໍດີ ຕວັກກີ Recep Tayyip Erdogan ຢັ້ງຢືນວ່າ ຕວັກກີ ສືບຕໍ່ສວມບົດບາດເປັນກາງໄກ່ເກ່ຍ, ຮັບປະກັນຄວາມປອດໄພໃຫ້ແກ່ບັນດາຝ່າຍເຂົ້າຮ່ວມ, ພ້ອມທັງຫວັງວ່າ ການພົບປະຄັ້ງນີ້ ໄດ້ນຳມາເຊິ່ງໝາກຜົນອັນຕັ້ງໜ້າ, ປະກອບສ່ວນຊຸກຍູ້ການເຈລະຈາ ແລະ ຊອກຫາມາດຕະການຍາວນານໃຫ້ແກ່ການປະທະກັນ.
ນັກຂ່າວ VOV ປະຈຳ ລັດເຊຍ
