ຕອນຄ່ຳວັນທີ 13 ເມສາ, ຢູ່ຫໍວາງແຜນກຳນົດ, ງານຕະຫຼາດນັດ ແລະ ງານວາງສະແດງແຂວງ ກ໋ວາງນິງ, ໄດ້ດຳເນີນພິທີອັດງານມະໂຫລານກະຈາຍສຽງທົ່ວປະເທດ 2026. ເຫດການໄດ້ສິ້ນສຸດບັນດາການເຄື່ອນໄຫວພົ້ນເດັ່ນໃນວັນບຸນຂອງຜູ້ເຮັດວຽກງານກະຈາຍສຽງທົ່ວປະເທດທີ່ຈັດຂຶ້ນແຕ່ວັນທີ 11 – 13 ເມສາ ຢູ່ແຂວງກວ໋າງນິງ.
ງານມະໂຫລານກະຈາຍສຽງທົ່ວປະເທດຄັ້ງທີ XVII ໄດ້ຮັບບົດປະພັນເຂົ້າຮ່ວມການແຂ່ງຂັນເກືອບ 350 ບົດ. ທີ່ພິທີອັດ, ຄະນະຈັດຕັ້ງໄດ້ເຊີດຊູບັນດານັກປະພັນ ແລະ ມອບລາງວັນຄຳ 24 ລາງວັນ, ລາງວັນເງິນ 37 ລາງວັນ, ລາງວັນທອງ 71 ລາງວັນ, ລາງວັນຊົມເຊີຍ 60 ລາງວັນ ໃຫ້ແກ່ບັນດາບົດປະພັນປະເພດຄື: ລາຍການກະຈາຍສຽງຖ່ຍທອດສົດສົດ, ສາລະຄະດີ, ສາລະຄະດີສືບສວນ, ລາຍການກະຈາຍສຽງພາສາຊົນເຜົ່າ, podcast…. ຕີລາຄາສູງຄຸນນະພາບຂອງບັນດາລາຍການເຂົ້າຮ່ວມການແຂ່ງຂັນໃນປີນີ້, ນັກຂ່າວ ຟ້າມແມັ້ງຮຸ່ງ, ຮອງຜູ້ອຳນວຍການໃຫຍ່ ວິທະຍຸກະຈາຍສຽງ ຫວຽດນາມ, ຫົວໜ້າຄະນະຈັດຕັ້ງງານມະໂຫລານກະຈາຍສຽງທົ່ວປະເທດຄັ້ງທີ XVII ໃຫ້ຮູ້ວ່າ ບັນດາບົດປະພັນທີ່ເຂົ້າຮ່ວມການແຂ່ງຂັນປີນີ້ສະແດງໃຫ້ເຫັນວ່າ ຄຸນນະພາບເນື້ອໃນ ແລະ ຮູບການສະແດງໄດ້ຮັບການຍົກລະດັບຢ່າງຈະແຈ້ງ, ມຸ່ງໄປເຖິງຄວາມໃກ້ຊິດ, ແທ້ຈິງ, ເຕັມໄປດ້ວຍຄວາມຮູ້ສຶກ ແລະ ຕິດແທດກັບຊີວິດປະຈຳວັນ. ບັນດາຫົວໜ່ວຍເຂົ້າຮ່ວມການແຂ່ງຂັນລ້ວນແຕ່ຄົ້ນຄ້ວາ, ກະກຽມຢ່າງລະອຽດ ແລະ ຄັດເລືອກບັນດາຫົວຂໍ້ທີ່ຮ້ອນເຮັງ, ຕິດພັນກັບບັນດາເຫດການສຳຄັນຍິ່ງຂອງປະເທດ, ບັນດາບັນຫາສັງຄົມ ທີ່ພວມໄດ້ຮັບຄວາມສົນໃຈເປັນພິເສດ ແລະ ສະແດງໃຫ້ເຫັນສີສັນຂອງແຕ່ລະທ້ອງຖິ່ນແຕ່ລະເຂດພາກ. ຫົວຂໍ້ອຸດດົມສົມບູນ, ເປັນຫຼາຍຮູບຫຼາຍແບບ ແລະ ມີບັນດາເລື່ອງລາວທີ່ເຕັມໄປດ້ວຍຄວາມສະເທືອນໃຈກ່ຽວກັບການດຳລົງຊີວິດອອກແຮງງານຂອງປະຊາຊົນ, ເຂົ້າເຖິງຫົວໃຈຂອງຜູ້ຟັງຜ່ານບັນດາວຽກງານ ແລະ ການກະກຽມຢ່າງລະອຽດຂອງວິທະຍຸກະຈາຍສຽງແຫ່ງຕ່າງໆ.
