 (ພິທີເປີດນຳໃຊ້ “ຫໍພິພິຕະພັນອາວະກາດ ຫວຽດນາມ”) |
ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ ທີ 2 ກັນຍາ (02 ກັນຍາ 1945 – 02 ກັນຍາ 2025) ແລະ 50 ປີແຫ່ງວັນສ້າງຕັ້ງສູນສະຖາບັນດິດວິທະຍາສາດ ແລະ ເຕັກໂນໂລຊີ ຫວຽດນາມ (1975 – 2025), ວັນທີ 21 ສິງຫາ, ສູນອາວະກາດ ຫວຽດນາມ ໄດ້ຈັດພິທີເປີດນຳໃຊ້ “ຫໍພິພິຕະພັນອາວະກາດ ຫວຽດນາມ” ຢູ່ເຂດອຸດສາຫະກຳເຕັກໂນໂລຊີສູງ ຮ່ວາລາກ (ຮ່າໂນ້ຍ).
ກິດຈະກຳດັ່ງກ່າວມີເນື້ອທີ່ກາງແຈ້ງກວ້າງກວ່າ 1.500 ຕາແມັດ ແລະ ໃນຮົ່ມກວ່າ 1.600 ຕາແມັດ, ລວມມີ 2 ຊັ້ນ ໄດ້ອອກແບບຕາມຄວາມຮູ້ສຶກທີ່ກ້ວາງໃຫຍ່ຂອງອາວະກາດ. ການຈັດແບ່ງໄດ້ຊັບຊ້ອນຈາກອະດີດການກຳເນີດຂອງອາວະກາດ ຕະຫຼອດຮອດບັນດາຜົນສຳເລັດໃນປະຈຸບັນ ແລະ ອະນາຄົດ. ທ່ານ ເລຊວັນຮຸຍ, ຮອງຜູ້ອຳນວຍການໃຫຍ່ສູນອາວະກາດ ຫວຽດນາມ, ແບ່ງປັນວ່າ:
“ຈຸດພົ້ນເດັ່ນຂອງຫໍພິພິຕະພັນອາວະກາດ ຫວຽດນາມ ແມ່ນຕິດພັນກັບການພັດທະນາເຕັກໂນໂລຊີອາວະກາດຂອງ ຫວຽດນາມ. ຜ່ານນັ້ນ, ພວກຂ້າພະເຈົ້າກໍ່ຢາກສົ່ງສານເຖິງເພື່ອນໜຸ່ມມີຄວາມເມົາມົວໃນຂົງເຂດວິທະຍາສາດເຕັກໂນໂລຊີອາວະກາດວ່າ, ຫວຽດນາມ ໄດ້ມີການເຄື່ອນໄຫວກ່ຽວກັບວິທະຍາສາດເຕັກໂນໂລຊີພັດທະນາ, ໃນນັ້ນມີວິທະຍາສາດເຕັກໂນໂລຊີອາວະກາດ. ສະນັ້ນ, ຫວັງວ່າ ພວກເພື່ອນໜຸ່ມຈະປຸກລຸກຄວາມເມົາມົວ, ອຸທິດສ່ວນໃຫ້ແກ່ວິທະຍາສາດ ຫວຽດນາມ”.
ກ່າວຄຳເຫັນທີ່ພິທີເປີດນຳໃຊ້, ທ່ານ ຫງວຽນຈິຢຸງ, ຮອງນາຍົກລັດຖະມົນຕີ ຫວຽດນາມ ເນັ້ນໜັກວ່າ, ສູນອາວະກາດ ຫວຽດນາມ ແມ່ນພື້ນຖານເພື່ອພັດທະນາເຕັກໂນໂລຊີ ແລະ ຜະລິດດາວທຽມແຖວໜ້າຂອງ ຫວຽດນາມ, ກາຍເປັນຫົວໜ່ວຍຄົ້ນຄວ້າແຖວໜ້າຢູ່ພາກພື້ນ ແລະ ໃນໂລກເທື່ອລະກ້າວ.
