ພາຍຫຼັງສັບປະດາທີ່ເຕັມໄປດ້ວຍການຜັນແປ, ຕອນຄ່ຳວັນທີ 12 ຕຸລາ ວັງ Élysée (ທຳນຽບປະທານາທິບໍດີ ຝລັ່ງ ໄດ້ປະກາດບັນຊີລາຍຊື່ລັດຖະບານຊຸດໃໝ່ຢ່າງເປັນທາງການໂດຍທ່ານນາຍົກລັດຖະມົນຕີ Sébastien Lecornu ນຳໜ້າ ເຊິ່ງໄດ້ສ້າງຂີດໝາຍແຫ່ງການກັບຄືນມາຂອງທ່ານພາຍຫຼັງພຽງແຕ່ 2 – 3 ວັນ, ເມື່ອຄະນະ ລັດຖະບານຊຸດທຳອິດຂອງທ່ານ ຕ້ອງລາອອກຈາກຕຳແໜ່ງ.
ລັດຖະບານຊຸດໃໝ່ລວມມີສະມາຊິກ 34 ທ່ານ, ໄດ້ຮັບການພັນລະນາວ່າແມ່ນ ການປະສົມປະສານລະຫວ່າງບົດຮຽນປະສົບການທາງການເມືອງ ແລະ ສັງຄົມພົນລະເຮືອນ”, ດ້ວຍເປົ້າໝາຍນຳມາເຊິ່ງພາບພົດທີ່ປອງດອງ ແລະ ມີສະຖຽນລະພາບໃນສະພາບການແບ່ງແຍກທີ່ລົງເລິກລະຫວ່າງບັນດາພັກຝ່າຍ. ທ່ານ Sébastien Lecornu ໄດ້ສ້າງໝູ່ຄະນະປະສົມປະສານລະຫວ່າງບັນດານັກຊ່ຽວຊານເຕັກນິກປົກຄອງ, ສະມາຊິກລັດຖະສະພາປອງດອງ ແລະ ຜູ້ທີ່ມາຈາກງສັງຄົມພົນລະເຮືອນຄະນະ. ລັດຖະບານລວມມີ 34 ທ່ານໃນນັ້ນມີຍິງ 16 ທ່ານ, ເຊິ່ງໄດ້ຮັບຖືວ່າແມ່ນຄວາມມານະພະຍາຍາມໃນການຮັກສາຫຼັກການຄວາມສະເໝີພາບລະຫວ່າງຍິງຊາຍ.
