ຫວຽດນາມ - ຈີນ ຮັກສານ້ຳໃຈມິດຕະພາບ, ຄວາມສາມັກຄີ ລະຫວ່າງສອງປະເທດບ້ານໃກ້ເຮືອນຄຽງ

(VOVWORLD) - ຕອນເຊົ້າວັນທີ 17 ເມສາ, ຢູ່ ດ່ານຊາຍແດນສາກົນ ຫຶວງິ້ (ແຂວງ ລ້າງເຊີນ), ພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ເປັນເຈົ້າພາບພິທີຕ້ອນຮັບຄະນະຜູ້ແທນຂັ້ນສູງກະຊວງປ້ອງກັນປະເທດຈີນ ໂດຍພົນໂທ ຕຸງຈຽນ, ລັດຖະມົນຕີກະຊວງປ້ອງກັນປະເທດຈີນ ເປັນຫົວຫນ້າຄະນະ ມາເຂົ້າຮ່ວມບັນດາການເຄື່ອນໄຫວຢູ່ແຂວງ ລ້າງເຊິນ ໃນຂອບເຂດລາຍການພົບປະແລກປ່ຽນມິດຕະພາບທະຫານປ້ອງກັນຊາຍແດນ ຫວຽດນາມ - ຈີນ ຄັ້ງທີ 9.

ພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ເປັນເຈົ້າພາບພິທີຕ້ອນຮັບຄະນະຜູ້ແທນຂັ້ນສູງກະຊວງປ້ອງກັນປະເທດຈີນ ໂດຍພົນໂທ ຕຸງຈຽນ, ລັດຖະມົນຕີກະຊວງປ້ອງກັນປະເທດຈີນ ເປັນຫົວຫນ້າ. (ພາບ:vov5)

ພາຍຫລັງພິທີຕ້ອນຮັບ, ລັດຖະມົນຕີກະຊວງປ້ອງກັນປະເທດ ສອງປະເທດ ໄດ້ພ້ອມກັນປູກຕົ້ນໄມ້ມິດຕະພາບ, ຢ້ຽມຢາມສວນຕົ້ນໄມ້ມິດຕະພາບໂດຍຊາວຫນຸ່ມກອງທັບສອງປະເທດປູກໃນບໍລິເວນດ່ານຊາຍແດນ.

ແລະກໍ່ໃນຕອນເຊົ້າວັນດຽວກັນ, ຄະນະຜູ້ແທນຂັ້ນສູງກະຊວງປ້ອງກັນປະເທດສອງປະເທດ ໄດ້ລົງຢ້ຽມຢາມໂຮງຮຽນປະຖົມ ດົ່ງດັງ, ເຂົ້າຮ່ວມພິທີຕັດແຖບຜ້າສະຫລອງອາຄານຫລາຍສັບພະປະໂຫຍດ.

ຕໍ່ຈາກນັ້ນ ລັດຖະມົນຕີສອງທ່ານ ໄດ້ລົງຢ້ຽມຢາມປ້ອມປ້ອງກັນຊາຍແດນດ່ານຊາຍແດນສາກົນ ຫຶວງິ້ ແລະ ຢ້ຽມຢາມສວນສາທາລະນະ Logistics ຂອງ Viettel ຢູ່ ລ້າງເຊິນ.

ເນື່ອງໃນໂອກາດນີ້ ລັດຖະມົນຕີກະຊວງປ້ອງກັນປະເທດ ສອງປະເທດ ແລະ ບັນດາຜູ້ແທນ ໄດ້ພ້ອມກັນຊົມການແຂ່ງຂັນມິດຕະພາບບານສົ່ງລະຫວ່າງ ປ້ອມປ້ອງກັນຊາຍແດນ ດ່ານຊາຍແດນສາກົນ ຫຶວງິ້ ແລະ ປ້ອມໂຮ້ຍໂງ້ ເຈລະຈາທະຫານປ້ອງກັນຊາຍແດນ ຮວຍອູ ເຂດປົກຄອງ ຜິວຊຽງ.