ການພົບປະລະຫວ່າງຄະນະຜູ້ແທນສະພາແຫ່ງຊາດຫວຽດນາມ ແລະ ສະວິດ

ທີ່ການພົບປະ, ທ່ານປະທານສະພາແຫ່ງຊາດເຈີ່ນແທງເໝີນສະເໜີໃຫ້ 2 ປະເທດເພີ່ມທະວີບັນດາການເຄື່ອນໄຫວຮ່ວມມືໂດຍຜ່ານສະພາແຫ່ງຊາດຄື: ເພີ່ມທະວີການແລກປ່ຽນຄະນະຜູ້ແທນຂັ້ນກຳມາທິການ. ທ່ານປະທານສະພາແຫ່ງຊາດສະເໜີໃຫ້ສະພາແຫ່ງຊາດສະວິດສ້າງຕັ້ງຄະນະສະມາຊິກລັດຖະສະພາມິດຕະພາບກັບຫວຽດນາມ ໂດຍໄວ; ຫວັງວ່າສະພາແຫ່ງຊາດສະວິດ ຈະແບ່ງປັນບັນດາປະສົບການໃນການກໍ່ສ້າງລັດແຫ່ງກົດໝາຍ, ລະບົບກົດໝາຍໃຫ້ສົມບູນແບບ ແລະ ຍົກສູງບົດບາດຂອງສະພາແຫ່ງຊາດ ແລະ ບັນດາອົງການຜູ້ແທນລາດຊະດອນໃນການພັດທະນາປະເທດຊາດ.

ສ່ວນທ່ານປະທານສະພາສູງສະວິດ Andrea Caroni ໄດ້ເນັ້ນໜັກເຖິງຄວາມຈຳເປັນຂອງການຮ່ວມມື ແລະ ແລກປ່ຽນປະສົບການໃນການສ້າງ ແລະ ປັບປຸງລະບົບກົດໝາຍໃຫ້ສົມບູນແບບ ເພື່ອສ້າງລະບອບລະບຽບການໃຫ້ສອດຄ່ອງກັບທ່າອ່ຽງຂອງໂລກໃນປະຈຸບັນ; ຫວັງວ່າສອງປະເທດຈະແລກປ່ຽນສັນຍາການຄ້າເສລີສອງຝ່າຍໂດຍໄວ.
ກໍໃນ ຕອນເຊົ້າວັນດຽວກັນນີ້, ກ່າວຄຳເຫັນທີ່ການພົບປະກັບທ່ານນາງ Maja Riniker ປະທານສະພາຕ່ຳສະວິດ, ທ່ານປະທານສະພາແຫ່ງຊາດ ເຈີ່ນແທງເໝີນ ປາດຖະໜາວ່າ 2 ຝ່າຍຈະເຈລະຈາ ແລະ ເຊັນສັນຍາປົກປ້ອງການລົງທຶນ ຫວຽດນາມ - ສະວິດ ແລະ ສັນຍາພາສີອາກອນສອງຝ່າຍ ໂດຍໄວ , ເຊື່ອມຕໍ່ໍ່ການເຈລະຈາສັນຍາການຄ້າເສລີສອງຝ່າຍ; ແລະ ຮຽກຮ້ອງສະວິດ ໜູນຊ່ວຍ ຫວຽດນາມ ບຳລຸງສ້າງນັກວິສະວະກອນ ຂະແໜງເຄີ່ງຊັກນຳໄຟຟ້າ, ເພີ່ມທະວີການປຶກສາຫາລືຢູ່ບັນດາເວທີປາໄສລັດຖະສະພາຫຼາຍຝ່າຍ ແລະ ພາກພື້ນ.