ຫວຽດນາມ ນັບມື້ນັບມີຄວາມເຊື່ອໝັ້ນບົນເວທີສາກົນ. ນີ້ແມ່ນຄຳຢືນຢັນຂອງທ່ານ Carl Thayer, ນັກຊ່ຽວຊານຄົ້ນຄວ້າກ່ຽວກັບ ຫວຽດນາມ, ວິທະຍາຄານປ້ອງກັນຊາດ ອົດສະຕາລີ, ມະຫາວິທະຍາໄລ New South Wales, ໃນການຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ, ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນຊາດ ຫວຽດນາມ (02 ກັນຍາ 1945 – 02 ກັນຍາ 2025).

ຕາມທ່ານແລ້ວ, ໃນໄລຍະທາງ 80 ປີຜ່ານມາ, ຫວຽດນາມ ນັບມື້ນັບມີຄວາມເຊື່ອໝັ້ນຕໍ່ການຊຸກຍູ້ລັດທິຫຼາຍຝ່າຍກວ່າ, ສ້າງຕັ້ງບັນດາການພົວພັນຄູ່ຮ່ວມມືຍຸດທະສາດ ແລະ ປະຈຸບັນແມ່ນນັບທັງການພົວພັນຄູ່ຮ່ວມມືຍຸດທະສາດຮອບດ້ານ. ນອກນັ້ນ, ຫວຽດນາມ ກໍ່ເຂົ້າຮ່ວມ ແລະ ມີບັນດາການປະກອບສ່ວນຫຼາຍພໍສົນຄວນໃນບັນດາລະບອບລະບຽບການສາກົນ, ໃນນັ້ນມີເລື່ອງ 2 ຄັ້ງໄດ້ຮັບການເລືອກຕັ້ງເປັນສະມາຊິກຖາວອນຂອງສະພາຄວາມໝັ້ນຄົງ, ຍາມໃດກໍ່ມານະພະຍາຍາມຮັກສາຄວາມເປັນເອກະພາບໃນ ອາຊຽນ ແລະ ກາຍເປັນສຽງເວົ້າທີ່ພົ້ນເດັ່ນຂອງຂົ້ວໂລກໃຕ້.

ທ່ານສາດສະດາຈານ ໄດ້ຢ້ຳຄືນວ່າ, ກ່ອນນີ້ປະທານ ໂຮ່ຈີມິນ ໄດ້ຍົກອອກເຂັ້ມຊີ້ທິດໃຫ້ແກ່ ຫວຽດນາມ ແມ່ນຕ້ອງເຂັ້ມແຂງດ້ວຍຕົນເອງ ແລະ ເປັນເພື່ອນກັບທຸກໆປະເທດ. ໃນໄລຍະ 80 ປີຜ່ານມາ, ຍາມໃດ ຫວຽດນາມ ກໍ່ປະຕິບັດຕາມສິ່ງນັ້ນ ແລະ ບັນລຸຜົນສຳເລັດຫຼາຍຢ່າງ, ກາຍເປັນຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈ ແລະ ມີລັກສະນະສ້າງສັນບົນເວທີສາກົນ.