 ພາບປະກອບ: IRNA/TTXVN |
ກອງປະຊຸມສຸດຍອດ ສະຫະພາບ ເອີລົບ (EU) ໄດ້ດຳເນີນແຕ່ວັນທີ 20 – 21 ມີນາຢູ່ນະຄອນ Brussels ປະເທດແບນຊິກ, ດ້ວຍໂຄງການດຳເນີນງານທີ່ສຸມໃສ່ການປັບປຸງຄວາມສາມາດດ້ານແກ້ງແຍ້ງຂອງ EU, ເພີ່ມທະວີການປ້ອງກັນຊາດ ແລະ ປຶກສາຫາລືກ່ຽວກັບອະນາຄົດດ້ານການເງິນຂອງກຸ່ມ. ຄວາມສາມາດໃນການແກ້ງແຍ້ງຂອງ EU ຈະແມ່ນຫົວຂໍ້ຈຸດສຸມຂອງກອງປະຊຸມສຸດຍອດ. ໃນສະພາບການພື້ນຖານເສດຖະກິດທົ່ວໂລກເຕັມໄປດ້ວຍການຜັນແປ, ບັນດາການນຳ EU ຈະຊອກຫາວິທີການເພີ່ມທະວີຖານະຕຳແໜ່ງຂອງສະຫະພາບບົນເວທີສາກົນ. ສາມຂົງເຂດບຸລິມະສິດຫຼັກແມ່ນ: ຫັນບັນດາລະບຽບການເປັນງ່າຍດາຍ, ຮັບປະກັນແຫຼ່ງສະໜອງພະລັງງານເປັນປົກກະຕິ ແລະ ພັດທະນາສະຫະພາບປະຢັດ ແລະ ການລົງທຶນ. ກອງປະຊຸມກໍ່ຈະສຸມໃສ່ສະພາບການຢູແກຼນແລະ ບາດກ້າວຕໍ່ໄປຂອງການປ້ອງກັນຊາດ. ບັນດາການນຳ EU ຈະພິຈາລະນາປຶ້ມປົກຂາວກ່ຽວກັບອະນາຄົດຂອງການປ້ອງກັນຊາດເອີລົບເພື່ອແນໃສ່ກຳນົດບັນດານະໂຍບາຍປ້ອງກັນຊາດທີ່ຍາວນານຂອງສະຫະພາບ.
