 ທ່ານ ເລມິນຮືງ, ຫົວໜ້າຄະນະຈັດຕັ້ງສູນກາງ, ມອບຂອງຂວັນໃຫ້ຍາດຕິພີ່ນ້ອງນັກຮົບເສຍສະຫຼະຊີວິດເພື່ອຊາດ(ພາບ: TTXVN)
|
ເນື່ອງໃນໂອກາດສະເຫຼີມສະຫຼອງ 78 ປີແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ (27 ກໍລະກົດ 1947 – 27 ກໍລະກົດ 2025), ວັນທີ 20 ກໍລະກົດ, ຄະນະປະຕິບັດງານຂອງສູນກາງ ໂດຍທ່ານ ເລມິນຮືງ, ຫົວໜ້າຄະນະຈັດຕັ້ງສູນກາງ, ນຳໜ້າ, ໄດ້ໄປຖະຫວາຍທູບທຽນ, ດອກໄມ້ອາໄລຫາບັນດານັກຮົບເສຍສະຫຼະຊີວິດເພື່ອຊາດ ແລະ ຢື້ຢາມຖາມຂ່າວ, ມອບຂອງຂວັນໃຫ້ຍາດຕິພີ່ນ້ອງນັກຮົບເສຍສະຫຼະຊີວິດເພື່ອຊາດ, ແມ່ ຫວຽດນາມ ວິລະຊົນ ຢູ່ແຂວງ ຮ່າຕິ້ງ.
ໃນວັນດຽວກັນ, ທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ, ໄດ້ໄປຖະຫວາຍທູບທຽນ, ດອກໄມ້ອາໄລຫາບັນດານັກຮົບເສຍສະຫຼະຊີວິດເພື່ອຊາດຢູ່ເຂດສຸສານນັກຮົບເສຍສະຫຼະຊີວິດເພື່ອຊາດແຂວງ ດັກລັກ; ມອບຂອງຂວັນ 55 ພູດໃຫ້ຄອບຄົວນະໂຍບາຍ ແລະ ຜູ້ມີຄຸນງາມຄວາມດີຕໍ່ການປະຕິວັດຂອງແຂວງ ດັກລັກ .
ຕອນບ່າຍວັນທີ 20 ກໍລະກົດ, ຢູ່ເຂດສຸສານນັກຮົບເສຍສະຫຼະຊີວິດເພື່ອຊາດແຂວງ ຕວຽນກວາງ, ຕາແສງ ມິນຊວັນ (ຕວຽນກວາງ), ຄະນະບໍລິຫານງານພຸດທະສາສະໜາ ຫວຽດນາມ ແຂວງ ຕວຽນກວາງ ໄດ້ຈັດພິທີອາຫາໄລບັນດານັກຮົບວິລະຊົນ, ນັກຮົບເສຍສະຫຼະຊີວິດເພື່ອຊາດ ແລະ ຜູ້ມີຄຸນງາມຄວາມດີຕໍ່ການປະຕິວັດ. ເນື່ອງໃນໂອກາດນີ້, ສະມາຄົມພຸດທະສາສະໜາແຂວງ ຕວຽນກວາງ ໄດ້ມອບຂອງຂວັນ 20 ພູດໃຫ້ແກ່ບັນດາຄອບຄົວທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ ແລະ ຜູ້ມີຄຸນງາມຄວາມດີຕໍ່ການປະຕິວັດ.
