ພົບປະ,ອວຍພອນບຸນເຕັດຜູ້ມີຍົດຖາບັນດາສັກ,ສາສະໜາຕ່າງໆແລະຊາວຫວຽດນາມອາໄສຢູ່ຕ່າງປະເທດ

ພົບປະ,ອວຍພອນບຸນເຕັດຜູ້ມີຍົດຖາບັນດາສັກ,
ສາສະໜາຕ່າງໆແລະຊາວຫວຽດນາມອາໄສຢູ່ຕ່າງປະເທດ
(ພາບ: TTXVN)

(vovworld) – ວັນທີ 02/02, ຄະນະກຳມະການແນວໂຮມປະເທດຊາດຫວຽດນາມ ນະຄອນເກີນເທີ ໄດ້ຈັດງານພົບປະສ້າງສັນກັບຜູ້ແທນ 120 ຄົນ ເຊິ່ງແມ່ນຜູ້ທີ່ມີຍົດຖາບັນດາສັກ, ທີ່ຕາງໜ້າໃຫ້ສາສະໜາຕ່າງໆໃນບໍລິເວນ ເນື່ອງໃນໂອກາດບຸນເຕັດປີວອກ 2016. ທີ່ງານພົບປະ, ທ່ານນາງຮອງປະທານຄະນະກຳມະການປະຊາຊົນນະຄອນເກີນເທີ ຫວໍທິຮົ່ງແອງ ໃຫ້ຮູ້ວ່າ, ປີ 2015, ດ້ວຍຄວາມມານະພະຍາມຂອງບັນດາຂະແໜງການ, ທຸກຂັ້ນ, ບັນດາວິສາຫະກິດ, ກໍຄືການປະກອບສ່ວນຂອງປະຊາຊົນ, ໃນນັ້ນມີຜູ້ເຊື່ອຖືສາສະໜາ. ນະຄອນ ເກີນເທີ ໄດ້ປະຕິບັດສຳເລັດ 15/16 ມາດຖານທີ່ໄດ້ວາງອອກ; ຮັກສາລະດັບເຕີບໂຕເສດຖະກິດ ກໍຄືດັດຊະນີຄວາມສາມາດແກ່ງແຍ່ງ ເຊິ່ງໄດ້ຮັບການຕີລາຄາວ່າແມ່ນບັນດາຄວາມມານະພະຍາຍາມກະໂດດຂັ້ນ. ອັດຕາສ່ວນຄອບຄົວທຸກຍາກຫຼຸດລົງສະເລ່ຍ 1,3%/ປີ, ຊີວິດການເປັນຢູ່ຂອງຜູ້ເຊື່ອຖືສາສະໜາຊົນເຜົ່າໄດ້ຮັບການຍົກສູງຂຶ້ນຢ່າງເຫັນໄດ້ຊັດ. ບັນດາຜູ້ມີຍົດຖາບັນດາສັກ ໄດ້ຂອບອົກຂອບໃຈນະຄອນເກີນເທີ ໃນໄລຍະຜ່ານມາ ໄດ້ປະຕິບັດວຽກງານເບິ່ງແຍງດູແລຊີວິດການເປັນຢູ່ທັງທາງດ້ານວັດຖຸ, ຈິດໃຈໃຫ້ພຸດທະສາສະນິກະຊົນ, ຊາວເຜົ່າຂະແມ ໃນບໍລິເວນນະຄອນ.

ທີ່ງານພົບປະກັບພໍ່ແມ່ປະຊາຊົນອາໄສຢູ່ຕ່າງປະເທດ ທີ່ກັບເມືອບ້ານເກີດເມືອງນອນຕ້ອນຮັບບຸນເຕັດປີວອກ 2016, ວັນທີ 02/02, ຄະນະກຳມະການປະຊາຊົນແຂວງ ເຮົ້າຢາງ ໄດ້ມອບໃບຍ້ອງຍໍໃຫ້ຊາວຫວຽດນາມ ອາໄສຢູ່ຕ່າງປະເທດ 11 ຄົນ ທີ່ໄດ້ປະກອບສ່ວນໃຫ້ວຽກງານຮັບປະກັນຊີວິດສັງຄົມ. ໃນຊຸມປີຜ່ານມາ, ພໍ່ແມ່ປະຊາຊົນຊາວຫວຽດນາມອາໄສຢູ່ຕ່າງປະເທດ ແຂວງເຮົ້າຢາງ ໄດ້ສະແດງໃຫ້ເຫັນກຳລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດທີ່ສະໜິດຕິດພັນກັບບ້ານເກີດເມືອງນອນ, ປະເທດຊາດ, ໜູນຊ່ວຍຍາດຕິພີ່ນ້ອງພາຍໃນປະເທດມີເງື່ອນໄຂພັດທະນາເສດຖະກິດ.

ແລະກໍໃນວັນດຽວກັນ, ແຂວງ ກຽນຢາງ ໄດ້ຈັດຕັ້ງງານພົບປະສ້າງສັນກັບຊາວຫວຽດນາມ ອາໄສຢູ່ຕ່າງປະເທດ ແລະ ຍາດຕິພີ່ນ້ອງຊາວຫວຽດນາມ ອາໄສຢູ່ຕ່າງປະເທດປະມານ 400 ຄົນ ເນື່ອງໃນໂອກາດບຸນເຕັດປີວອກ 2016. ແຂວງກຽນຢາງ ມີຊາວຫວຽດນາມ ອາໄສຢູ່ຕ່າງປະເທດຫຼາຍຄົນກັບເມືອປະເທດ ເພື່ອຮ່ວມມືລົງທຶນ, ຜະລິດດຳເນີນທຸລະກິດໃນຫຼາຍຂົງເຂດ. ການປະກອບສ່ວນ ແລະ ການໜູນຊ່ວຍຂອງຊາວຫວຽດນາມ ອາໄສຢູ່ຕ່າງປະເທດ ໄດ້ປະກອບສ່ວນຢ່າງແທດຈິງ ເຂົ້າໃນການແກ້ໄຂຄວາມຫຍຸ້ງຍາກຢູ່ບາງເຂດ, ໂດຍສະເພາະແມ່ນເຂດຫ່າງໄກຊອກຫີິຼກ, ເຂດຊົນເຜົ່າທີ່ປະສົບກັບຄວາມຫຍຸ້ງຍາກຫຼາຍຢ່າງ.