 ພາບປະກອບ: THX/TTXVN |
ວັນທີ 19 ມີນາ, ຜູ້ນຳຫ້ອງການ ການບໍລິຫານໂຄງການ ສປຊ (UNOPS) ໄດ້ຍົກອອກປະຕິກິລະຍາກ່ຽວກັບເຫດບຸກໂຈມຕີເລັງໃສ່ສຳນັກງານຂອງອົງການນີ້ຢູ່ນະຄອນ Deir el-Balah ຂອງ ເຂດກາຊາດເຮັດໃຫ້ພະນັກງານໜຶ່ງຄົນເສຍຊີວິດ. ທ່ານ Jorge Moreira da Silva ຜູ້ອຳນວຍການຝ່າຍບໍລິຫານ UNOPS ຖືວ່ານີ້ບໍ່ແມ່ນອຸບັດຕິເຫດ, ພ້ອມທັງສະແດງຄວາມເສົ້າສະຫຼົດໃຈ ຕໍ່ວິນາດຕະກຳນີ້. ສ່ວນກອງທັບອິດສະລາແອັນ ໄດ້ປະຕິເສດການບຸກໂຈມຕີທຳນຽບຂອງສປຊ ຢູ່ ເຂດກາຊາ. ໃນວັນທີ 18 ມີນາ ຜ່ານມາ, ກອງທັບ ອິດສະລາແອັນ ໄດ້ດຳເນີນບັນດາບັ້ນບຸກໂຈມຕີຂະໜາດໃຫຍ່ເລັງໃສ່ຫຼາຍເປົ້າໝາຍຂອງຂະບວນການອິດສະລາມ Hamas ຢູ່ເຂດກາຊາ. ຫ້ອງການນາຍົກລັດຖະມົນຕີ ອິດສະລາແອັນ ໄດ້ປະກາດວ່າ ນີ້ແມ່ນການກະທຳເພື່ອແນໃສ່ໂຕ້ຕອບເລື່ອງ ຮາມາດປະຕິເສດການປ່ອຍຕົວປະກັນ.
