 ທ່ານເລຂາທິການໃຫຍ່ ໂຕເລິມ ພົບປະກັບຜູ້ມີສິດເລືອກຕັ້ງ ຢູ່ຮ່າໂນ້ຍ |
ຕອນເຊົ້າວັນທີ 17 ເມສາ, ຢູ່ຮ່າໂນ້ຍ, ທ່ານເລຂາທິການໃຫຍ່ ໂຕເລິມ ແລະ ຄະນະສະມາຊິກສະພາແຫ່ງຊາດນະຄອນ ຮ່າໂນ້ຍ, ຫົວໜ່ວຍເລືອກຕັ້ງເລກ 1 ໄດ້ພົບປະກັບຜູ້ມີສິດເລືອກຕັ້ງບັນດາເມືອງ: ບາດິ່ງ, ຮາຍບ່າຈຶງ, ດົ່ງດາ ກ່ອນທີ່ຈະກອງປະຊຸມຄັ້ງທີ 9 ຂອງ ສະພາແຫ່ງຊາດຊຸດທີ XV.
ພາຍຫຼັງຮັບຟັງຄຳເຫັນຂອງບັນດາຜູ້ມີສິດເລືອກຕັ້ງ, ທ່ານເລຂາທິການໃຫຍ່ ໂຕເລິມແບ່ງປັນວ່າ ໃນສະພາບການໂລກ, ພາກພື້ນພວມມີການຜັນແປທີ່ສັບສົນ, ຫວ່າງແລ້ວນີ້ແມ່ນຜົນກະທົບຢ່າງແຮງຂອງນະໂຍບາຍພາສີອາກອນໃຫຍ່ຂອງອາເມລິກາ ໄດ້ວາງອອກສິ່ງທາທາຍໃໝ່ຫຼາຍຢ່າງ. ເຖິງວ່າປະສົບກັບຄວາມຫຍຸ້ງຍາກຫຼາຍຢ່າງກໍຕາມ, ແຕ່ ຫວຽດນາມຢຶດໝັ້ນກັບເປົ້າໝາຍການເຕີບໂຕເສດຖະກິດທີ່ໄດ້ວາງອອກ.
ກ່ຽວກັບການສັບຊ້ອນຫົວໜ່ວຍບໍລິຫານແລະ ຈັດຕັ້ງອຳນາດການປົກຄອງສອງຂັ້ນ. ທ່ານເລຂາທິການໃຫຍ່ ໃຫ້ຮູ້ວ່າ ທຸກວຽກງານທີ່ກ່ຽວຂ້ອງພວມໄດ້ຮັບການປະຕິບັດຢ່າງຮີບດ່ວນ, ບໍ່ປະໃຫ້ຊັກຊ້າ, ການກວດກາ, ຄວບຄຸມຄວາມຄືບໜ້າໄດ້ປະຕິບັດແຕ່ລະວັນ.
