 ທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ແລະ ພັນລະຍາ(ພາບ: TTXVN)
|
ຕອນຄ່ຳວັນທີ 13 ສິງຫາ, ເຮືອບິນນຳສົ່ງທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເດີນທາງມາຮອດ ຮ່າໂນ້ຍ, ສິ້ນສຸດການຢ້ຽມຢາມ ສ.ເກົາຫຼີ ທາງລັດຖະກິດ, ແຕ່ວັນທີ 10 – 13 ສິງຫາ, ຕາມຄຳເຊີນຂອງທ່ານ Lee Jae Myung, ປະທານາທິບໍດີ ສ.ເກົາຫຼີ.
ໃນການຢ້ຽມຢາມ 4 ວັນຢູ່ ສ.ເກົາຫຼີ, ທ່ານເລຂາທິການໃຫຍ່ ໂຕເລິມ ໄດ້ມີລາຍການເຮັດວຽກທີ່ອຸດົມສົມບູນ, ຫຼາຍຮູບຫຼາຍແບບ ດ້ວຍບັນດາການພົບປະເຈລະຈາ, ສົນທະນາ, ພົບປະກັບການນຳຂັ້ນສູງ ສ.ເກົາຫຼີ, ວົງການນັກການເມືອງ, ອົງການຈັດຕັ້ງເສດຖະກິດ, ວັດທະນະທຳ…
ໃນຂອບເຂດການຢ້ຽມຢາມຂອງທ່ານເລຂາທິການໃຫຍ່ ໂຕເລິມ, 2 ຝ່າຍໄດ້ລົງນາມເອກະສານຮ່ວມມື 50 ສະບັບລະຫວ່າງບັນດາກະຊວງ, ຂະແໜງການ, ອົງການ, ວິສາຫະກິດ ແລະ ທ້ອງຖິ່ນຂອງ 2 ປະເທດ ກ່ຽວກັບການຮ່ວມມືໃນຂົງເຂດພະລັງງານ, ອຸດສາຫະກຳ, ພື້ນຖານໂຄງລ່າງດີຈີຕອນ, ການຫັນເປັນດີຈີຕອນ, ການເງິນ, ທະນາຄານ, ການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ ແລະ ເພີ່ມທະວີການຮ່ວມມືລະຫວ່າງທ້ອງຖິ່ນຂອງ ຫວຽດນາມ ແລະ ວິສາຫະກິດ ສ.ເກົາຫຼີ.
