 ທ່ານປະທານາທິບໍດີ ລັດເຊຍ Vladimir Putin(ພາບ: THX/TTXVN)
|
ໃນສານທີ່ສົ່ງເຖິງທ່ານປະທານາທິບໍດີຊົ່ວຄາວ ຊີຣີ Ahmed al-Sharaa, ໃນວັນທີ 20 ມີນາ, ທ່ານປະທານາທິບໍດີ ລັດເຊຍ Vladimir Putin ສະແດງການສະໜັບສະໜູນຕໍ່ບັນດາຄວາມມານະພະຍາຍາມປົກປັກຮັກສາຜືນແຜ່ນດິນອັນຄົບຖ້ວນຂອງປະເທດເຂດຕາເວັນອອກກາງນີ້. ສານດັ່ງກ່າວໂດຍການນຳ ລັດເຊຍ ຍົກອອກມາໃນສະພາບທີ່ ຊີຣີ ພວມມານະພະຍາຍາມຊຸກຍູ້ວິວັດການຂ້າມຜ່ານຢ່າງຮອບດ້ານ ແລະ ກວມລວມ ດ້ວຍການໜູນຊ່ວຍຂອງປະຊາຄົມສາກົນ, ເພື່ອນຳການຟື້ນຟູເສດຖະກິດ ກໍຄືສ້າງສາປະເທດໃຫ້ມີສະຖຽນລະພາບ ພາຍຫຼັງເກີດການປະທະກັນ ເປັນເວລາ 14 ປີ ແລະ ການລົ້ມລະລາຍຂອງອຳນາດການປົກຄອງປະທານາທິບໍດີ Bashar al-Assad ໃນວັນທີ 08 ທັນວາ 2024.
ໂຄສົກວັງ Kremlin, ທ່ານ Dmitry Peskov, ໃຫ້ຮູ້ວ່າ ທ່ານປະທານາທິບໍດີ Putin ກໍ່ຢືນຢັນວ່າ ລັດເຊຍ ພ້ອມແລ້ວທີ່ຈະຮ່ວມມື 2 ຝ່າຍກັບ ຊີຣີ ໃນທຸກຂົງເຂດ, ເພື່ອແນໃສ່ປັບປຸງສາຍພົວພັນມິດຕະພາບທີ່ເປັນມູນເຊື້ອລະຫວ່າງ ລັດເຊຍ - ຊີຣີ.
