|
ໃນສະພາບສັນຍາການຄ້າເສລີ ຫວຽດນາມ - ສະຫະພາບເອີຣົບ (EVFTA) ພວມໄດ້ຮັບການເສີມຂະຫຍາຍປະສິດທິຜົນຢ່າງແຮງ, ສະມາຄົມວິສາຫະກິດໜຸ່ມ ຫວຽດນາມ ຢູ່ລາຊະອານາຈັກ ແບນຊິກ (VBAB) ແລະ ສະຫະພັນ ຫວຽດ - ແບນຊິກ (BVA) ໄດ້ຈັດການໂອ້ລົມສົນທະນາເຊື່ອມຕໍ່ວິສາຫະກິດ ຫວຽດນາມ ແລະ ແບນຊິກ ຢູ່ ແບນຊິກ ສຳເລັດຢ່າງຈົບງາມ.
ໃນການໂອ້ລົມສົນທະນາ, ບັນດາວິສາຫະກິດ ຫວຽດນາມ ໄດ້ສະແດງໃຫ້ເຫັນຄວາມຂະຫຍັນຂັນເຄື່ອນ, ຫົວຄິດປະດິດສ້າງ ແລະ ຄວາມຄາດຫວັງບືນຕົວຂຶ້ນສູ່ລະດັບສາກົນ. ທ່ານປະທານ VBAB ຫງວຽນແທັ່ງວິງ ໃຫ້ຮູ້ວ່າ:
“ການໂອ້ລົມສົນທະນາແມ່ນໂອກາດເພື່ອໃຫ້ບັນດາວິສາຫະກິດຮັບຟັງການແບ່ງປັນຂອງນັກຊ່ຽວຊານ ກ່ຽວກັບຄວາມມານະພະຍາຍາມຂອງລັດໃນການເຈລະຈາເພື່ອບັນລຸໄດ້ຄວາມກ້າວໜ້າກວ່າ ໃນບັນດາສັນຍາການຄ້າທີ່ມີປະໂຫຍດໃຫ້ແກ່ບັນດາວິສາຫະກິດສົ່ງອອກ ຫວຽດນາມ”.
ບໍ່ພຽງແຕ່ວິສາຫະກິດ ຫວຽດນາມ ພວມມານະພະຍາຍາມພິຊິດຕະຫຼາດ ແບນຊິກ ແລະ ເອີຣົບ ເທົ່ານັ້ນ, ຫາກຍັງມີວິສາຫະກິດ ແບນຊິກ ນັບມື້ນັບຫຼາຍກໍຮອງຮັບວ່າ ຫວຽດນາມ ແມ່ນຕະຫຼາດທີ່ເຕັມໄປດ້ວຍຄວາມສາມາດບົ່ມຊ້ອນ, ໝັ້ນໝາຍຈະນຳມາເຊິ່ງກາລະໂອກາດອັນດູດດື່ມຫຼາຍຢ່າງ.
