 (“ໄຊຊະນະອະມະຕະ” ແມ່ນຈຸດພົ້ນເດັ່ນໃນບັນດາເຫດການທີ່ວິທະຍຸກະຈາຍສຽງ ຫວຽດນາມ ຈັດຂຶ້ນ) |
“ໄຊຊະນະອະມະຕະ” ແມ່ນຈຸດພົ້ນເດັ່ນໃນບັນດາເຫດການທີ່ວິທະຍຸກະຈາຍສຽງ ຫວຽດນາມ (VOV) ຈັດຂຶ້ນເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30 ເມສາ 1945 – 30 ເມສາ 2025), ມຸ່ງໄປເຖິງພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງວິທະຍຸກະຈາຍສຽງ ຫວຽດນາມ (07 ກັນຍາ 1945 – 07 ກັນຍາ 2025).
ລາຍການແມ່ນໂອກາດເພື່ອໃຫ້ບັນດາຕົວພະຍານຫຼັກຖານປະຫວັດສາດ, ອະດີດນັກຮົບ, ນັກວັນນະຄະດີສິລະປິນ, ນັກຂ່າວອາວຸໂສທີ່ເຄີຍເຫັນປະຈັກຕາ ຫຼື ເຂົ້າຮ່ວມຈຸດເວລາວັນທີ 30 ເມສາ 1975, ມີໂອກາດແບ່ງປັນຄວາມຊົງຈຳຜ່ານບັນດາບົດສາລະຄະດີ, ຊ່ວຍໃຫ້ຜູ້ຊົມມີຄວາມເຂົ້າໃຈຄຸນຄ່າຂອງສັນຕິພາບ, ເອກະລາດ, ເສລີພາບ. ທ່ານ ໂງທ້ຽວຟອງ, ຫົວໜ້າບັນນາທິການໃຫຍ່ໜັງສືພິມເອເລັກໂຕນິກ VOV, ໃຫ້ຮູ້ວ່າ:
“ໃນລາຍການ “ໄຊຊະນະອະມະຕະ”, ພວກຂ້າພະເຈົ້າຢາກສ້າງບັນຍາກາດຂອງວັນທີ 30 ເມສາ 1975 ຢູ່ VOV ຄືນໃໝ່, ພິເສດແມ່ນຢູ່ຫ້ອງອັດສຽງກັບໂຄສົກ, ບັນດາຜູ້ທຳອິດອ່ານຂ່າວກ່ຽວກັບໄຊຊະນະວັນທີ 30 ເມສາ 1975. ບັນດາຜູ້ທຳອິດໄດ້ຮັບແຫຼ່ງຂ່າວ, ບັນດາຜູ້ມີກຽດໄດ້ນຳເອົາຂໍ້ມູນຂອງຕົນມາສູ່ມະຫາຊົນ, ໃຫ້ແກ່ພໍ່ແມ່ປະຊາຊົນໃນທົ່ວປະເທດ ແລະ ໃນໂລກ, ແຈ້ງເຫດການທີ່ຍິ່ງໃຫຍ່ຂອງຊາດ ແມ່ນ “ຫວຽດນາມ ໄດ້ທ້ອນໂຮມປະເທດຊາດເປັນເອກະພາບຢ່າງສົມບູນ”.
