ບັນດາຮ້ານກາເຟ ຢູ່ ເມືອງເອກແຫ່ງກາເຟ ຫວຽດນາມ

(vovworld)- ບວນມາທວດ ແມ່ນນະຄອນໃຫຍ່ຢູ່ ດັກລັກ ຊື່ງໄດ້ຮັບການຮູ້ຈັກເຖິງດ້ວຍເມືອງ ເອກແຫ່ງ ກາເຟ ຢູ່ ຫວຽດນາມ

(vovworld)- ບວນມາທວດ ແມ່ນນະຄອນໃຫຍ່ຢູ່ ດັກລັກ ຊື່ງໄດ້ຮັບການຮູ້ຈັກເຖິງດ້ວຍເມືອງ ເອກແຫ່ງ ກາເຟ ຢູ່ ຫວຽດນາມ. ຢູ່ທີ່ນີ້ ປະຊາຊົນ ບໍ່ພຽງແຕ່ປູກ ແລະ ປຸງແຕ່ງກາເຟ ເທົ່ານັ້ນ ຫາກຍັງດື່ມກາເຟທຸກມື້ອີກດ້ວຍ. ສະນັ້ນ ໄລ່ສະເພາະໃນເຂດຕົວເມືອງ, ມີຮ້ານກາເຟເຖິງ 300 ກວ່າຮ້ານ. ບັນດາຮ້ານກາເຟ ຢູ່ ບວນມາທວດ ລ້ວນແຕ່ມີສີສັນສະເພາະ.

ໝູ່ບ້ານ ກາເຟ ຈູງງວຽນ
ພາບ:internet

ຢູ່ຖະຫນົນສາຍຕ່າງໆ ຂອງນະຄອນບວນມາທວດ ກໍ່ມີຮ້ານກາເຟ. ບັນດາຮ້ານກາເຟເຫລົ່ານັ້ນ ໄດ້ຕັ້ງຊື່ມ່ວນທີ່ສຸດຄື: ມີໂມຢາ, ແອງຈັງ (ແສງພະຈັນ).. ມີບາງຮ້ານກາເຟຕັ້ງຢູ່ກາງສວນຕົ້ນໄມ້ຂຽວ ເພື່ອສະຫງວນໃຫ້ຜູ້ມັກນຶກຄິດ ແລະ ມັກຄວາມສະຫງົບງຽບດ້ວຍຊື່ລຽບງ່າຍທີ່ວ່າ: ເຊືອ ວ່າ ໄນ (ອະດີດຕະການ ແລະ ປະຈຸບັນ) ແລະ ບາງຮ້ານສະຫງວນໃຫ້ແກ່ໄວຫນຸ່ມທີ່ໃສ່ຊື່ວ່າ: Rock, Melody.. ບັນດາຮ້ານກາເຟນີ້ຍາມໃດກໍຟົດຟື້ນມ່ວນຊື່ນດ້ວຍສຽງດົນຕີ ແລະ ແສງດອກໄຟນາໆສີ

ຢູ່ໃຈກາງນະຄອນບວນມາທວດ ມີສະຖານທີ່ແຫ່ງຫນຶ່ງ, ຊື່ງບໍ່ວ່າຜູ້ໃດມາຢ້ຽມຢາມນະຄອນກໍມັກແວ່ຢາມ, ນັ້ນແມ່ນໝູ່ບ້ານກາເຟ ຈູງງວຽນ. ໝູ່ບ້ານກາເຟ ຈູງງວຽນ ແມ່ນກຸ່ມກິດຈະກຳສະຖາປັດຕະຍະກຳທີ່ມີເນື້ອທີ່ກວ້າງປະມານ 20.000 ຕາລາງແມັດ, ຕັ້ງຢູ່ທາງທິດຕາເວັນຕົກສ່ຽງເຫນືອນະຄອນບວນມາທວດ. ນີ້ແມ່ນສະຖານທີ່ທ່ອງທ່ຽວລືຊື່ ຢູ່ ໄຕງວຽນ ດ້ວຍສະຖາປັດຕະຍະກຳທີ່ເປັນເອກະລັກສະເພາະ ແລະ ເຂັ້ມຂົ້ນໄປດ້ວຍສີສັນຊາດ. ໝູ່ບ້ານ ກາເຟ ຈູງງວຽນ ໄດ້ຮັບການອອກແບບຄືຫໍພິພິດທະພັນທີ່ມີຊີວິດຊີວາກ່ຽວກັບປະຫວັດແຫ່ງການພັດທະນາຂອງຕົ້ນກາເຟຢູ່ ໂລກ ແລະ ຢູ່ ຫວຽດນາມ. ມາຢ້ຽມຢາມແຫ່ງນີ້ ນັກທ່ອງທ່ຽວມີໂອກາດໄດ້ຊອກຮູ້ກ່ຽວກັບ ກາເຟຢູ່ໂລກ ແລະ ກາເຟຫວຽດນາມ. ໂດຍໄດ້ຮັບການກໍ່ສ້າງເປັນ “ເຂດສະຫງວນສະເພາະໃຫ້ແກ່ກາເຟ, ໝູ່ບ້ານກາເຟ ຈູງງວຽນ ແມ່ນແຫ່ງເພື່ອໃຫ້ນັກທ່ອງທ່ຽວສາມາດຊີມລົດຊາດບັນດາຈອກກາເຟແຊບທີ່ສຸດ, ນັບແຕ່ຈອກກາເຟພື້ນເມືອງຂອງ ຫວຽດນາມ ຕະຫລອດຮອດກາເຟແບບທັນສະໄຫມຄື: capuchino, Latte, L’mour, Mother Land, Red Rose ແລະ ສິ່ງທີ່ສ້າງຄວາມປະທັບໃຈກວ່າ ນັ້ນແມ່ນນັກທ່ອງທ່ຽວຈະໄດ້ຮັບການແນະນຳກ່ຽວກັບບັນດາພື້ນຖານວັດທະນະທຳກາເຟ ທີ່ເປັນເອກະລັກສະເພາະຂອງໂລກຄື: Ethiopia, ຕວກກີ, Syphon, ອີຕາລີ… ໃນນັ້ນ ກາເຟ ຫວຽດນາມ, ກາເຟ ຈູງງວຽນ ລວມມີບັນດາປະເພດຄື: Weasel, ກາເຟຈົນ (ກາເຟເຫງັນ), Legendee, ຮ່ວຽນທ້ວຍ (ເທບນິຍາຍ), ຊາງຕ້າວ (ຫົວຄິດປະດິດສ້າງ), ກາເຟ G7, Passiona, ກາເຟສົດ. ນອກນັ້ນ ນັກທ່ອງທ່ຽວຈະໄດ້ຮັບແນະນຳກ່ຽວກັບວິທີປຸງແຕ່ງ ກາເຟ ແລະ ຊີມກາເຟພິເສດສະເພາະຂອງຊາວຊົນເຜົ່າຢູ່ ໄຕງວຽນ. ເອື້ອຍ ເຮີແທນກະເບີນ (H’thanh K pon) ຊາວເຜົ່າ ເອເດ ຜູ້ນຳທ່ຽວໝູ່ບ້ານ ກາເຟ ຈູງງວຽນ ໃຫ້ຮູ້ວ່າ:

“ຢູ່ບ້ານພວກນ້ອງ ເມື່ອເກັບກູ້ ກາເຟ ສຳເລັດແລ້ວ, ຈະຕາກແດດໃຫ້ແຫ້ງ ແລ້ວ ຕຳດ້ວຍມື. ພາຍຫລັງຕຳໃຫ້ເປືອກອອກແລ້ວ, ເອົາແກ່ນມາຂົ້ວແລ້ວຕຳອີກໃຫ້ເປັນແປ້ງກາເຟ ເຊິ່ງເອີ້ນວ່າກາເຟສົດ”

ຮ້ານກາເຟ ຢູ່ ໝູ່ບ້ານກາເຟ ຈູງງວຽນ
ພາບ:trungnguyen.com.vn

ຊາວທ້ອງຖິ່ນມັກດື່ມກາເຟ ໂດຍຕົນເອງປຸງແຕ່ງ, ນັບແຕ່ຂັ້ນຕອນຄັດເລືອກເມັດກາເຟ ຕະຫລອດຮອດການປຸງແຕ່ງ ຕ້ອງເຮັດແນວໃດເພື່ອໃຫ້ກາເຟມີລົດແຊບນົວ. ໂດຍຕອບສະຫນອງຄວາມນິຍົມດັ່ງກ່າວ, ເຈົ້າຂອງຮ້ານການເຟຫລາຍຄົນຢູ່ ບວນທາທວດ ໄດ້ຂົ້ວ, ຕຳກາເຟຢູ່ກັບທີ່, ເພື່ອຮັບໃຊ້ນັກທ່ອງທ່ຽວຜູ້ທີ່ມັກດື່ມກາເຟສົດຂອງເຂດພູຜາປ່າໄມ້ ໄຕງວຽນ. ອ້າຍ ຫວູວັນດຽບຜູ້ເຄີຍດື່ມກາເຟໃນຮ້ານກາເຟ “ມົກ” ຢູ່ ໃຈກາງນະຄອນ ໃຫ້ຮູ້ວ່າ:

“ເພື່ອຮັບຮູ້ໄດ້ລົດຊາດແທ້ຂອງກາເຟ ເຂົາເຈົ້າເຄີຍດື່ມກາເຟສົດ. ກາເຟສົດ ຍາມໃດກໍມີກີ່ນຫອມ ແລະ ຂົມຫນ້ອຍຫນຶ່ງ. ເມື່ອດື່ມກາເຟແບບນີ້ ຮູ້ສຶກສະຫວາດສະເຫວີຍກວ່າ ແລະ ແຊບກວ່າ.”

ນັບແຕ່ຮຸ່ງເຊົ້າ, ບັນດາຮ້ານກາເຟ ຢູ່ ບວນມາທວດ ເກືອບທັງໝົດລ້ວນແຕ່ມີ ແຂກມາດື່ມເຕັມ. ເພາະວ່າ ດື່ມກາເຟໃນຍາມເຊົ້າໄດ້ກາຍເປັນຄວາມນິຍົມຂອງຊາວ ບວນມາທວດມາແຕ່ດົນແລ້ວ.