ເຂດທ່ອງທ່ຽວວັດທະນະທຳ ຊວຍຕຽນ ຢູ່ ນະຄອນ ໂຮ່ຈິມີນ

(vovworld)- ໂດຍຕັ້ງຢູ່ ບໍລິເວນທີ່ກວ້າງໃຫຍ່ ຂຶ້ນກັບເມືອງ 9, ຫ່າງຈາກໃຈກາງນະຄອນໂຮ່ຈິມີນ ປະມານກວ່າ 16 ກິໂລແມັດ

(vovworld)- ໂດຍຕັ້ງຢູ່ ບໍລິເວນທີ່ກວ້າງໃຫຍ່ ຂຶ້ນກັບເມືອງ 9, ຫ່າງຈາກໃຈກາງນະຄອນໂຮ່ຈິມີນ ປະມານກວ່າ 16 ກິໂລແມັດ, ແຕ່ລະປີ ເຂດທ່ອງທ່ຽວ ຊວຍຕຽນ ດຶງດູດນັກທ່ອງທ່ຽວມາຢ້ຽມຢາມນັບລ້ານໆເທື່ອຄົນ. ດ້ວຍກິດຈະກຳລະຫລິ້ນ ບັນເທີງກວ່າ 150 ແຫ່ງ ຊື່ງໄດ້ວາດພາບເຖິງບັນດາເທບນິຍາຍ, ຮ່ອງຮອຍປະຫວັດສາດວັດທະນະທຳ, ເຂດທ່ອງທ່ຽວ ຊວຍຕຽນ ກາຍເປັນຫໍພິພິດທະພັນທຳມະຊາດ, ບ່ອນລະຫລິ້ນບັນເທິງ, ສະຖານທີ່ທ່ອງທ່ຽວທີ່ດູດດື່ມສຳລັບນັກທ່ອງທ່ຽວ ພາຍຫລັງຊຸມມື້ເຮັດວຽກຢ່າງອິດເມື່ອຍ.ບົດຂຽນຂອງນັກຂ່າວ ໂຕຕວນທີ່ມີຫົວຂໍ້ວ່າ: ເຂດທ່ອງທ່ຽວວັດທະນະທຳ ຊວຍຕຽນ ຢູ່ ນະຄອນ ໂຮ່ຈິມີນ.

ເຂດທ່ອງທ່ຽວຊວຍຕຽນ
ພາບ:tourdulich.org.vn

ຊວຍຕຽນ ກ່ອນນີ້ ແມ່ນເຂດດິນເປົ່າຫວ່າງ ດ້ວຍ ນ້ຳຫ້ວຍນອ້ຍລຳຫນຶ່ງທີ່ໄຫລຜ່ານເຂດດິນທຳມະຊາດທີ່ເປົ່າຫວ່າງ. ຕົ້ນປີ 1992, ອຳນາດການປົກຄອງນະຄອນໂຮ່ຈິມີນ ຕົກລົງກໍ່ສ້າງເຂດນີ້ ໃຫ້ກາຍເປັນເຂດທ່ອງທ່ຽວທັນສະໄຫມເພື່ອຮັບໃຊ້ຊີວິດ ວັດທະນະທຳທາງດ້ານຈິດໃຈຂອງປະຊາຊົນນະຄອນໂຮ່ຈິມີນ. ໃນໄລຍະກວ່າ 20 ປີແຫ່ງການກໍ່ສ້າງ ແລະ ພັດທະນາ ດ້ວຍຫົວເລື່ອງ “ກັບຄືນເມືອຫາກົກເຄົ້າເຫງົ້າກໍວັດທະນະທຳຂອງຊາດ”, ຊວຍຕຽນ ປະຈຸບັນ ແມ່ນເຂດທ່ອງທ່ຽວບັນເທິງອັນດັບຕົ້ນຂອງທົ່ວປະເທດ ດ້ວຍ ກວ່າ 150 ກິດຈະກຳ, ມີຮູບແບບລະຫລິ້ນບັນເທິງທີ່ອຸດົມສົມບູນ ມີຫລາຍຮູບຫລາຍແບບ ຕິດພັນກັບບັນດາຮູບພາບປະຫວັດສາດ ແລະ ເລື່ອງລາວສືບມາແຕ່ບູຮານນະການກ່ຽວກັບກົກເຄົ້າເຫງົ້າກໍຂອງຊາດຫວຽດນາມຄື: ລາກລອງກວັນ, ເອົາເກີ, ເຈົ້າຊີວິດຮຸ່ງ, ເຊີນຕິງຖູຍຕີງ.. . ມາແຫ່ງນີ້ ນັກທ່ອງທ່ຽວຍັງໄດ້ຮັບຊົມທິວທັດທຳມະຊາດທີ່ສວຍງາມ ດ້ວຍນ້ຳຫ້ວຍໄຫລ, ປ່າໄມ້ຂຽວສົດງົດງາມ, ຫນອງປາ… ຖືກກໍ່ສ້າງໃນບໍລິເວນກວ້າງໃຫຍ່ ທີ່ສ້າງຄວາມປະທັບໃຈ. ທ່ານ ຫລາກວກແຄງ, ຮອງຫົວຫນ້າ ພະແນກວັດທະນະທຳກິລາ ແລະ ທ່ອງທ່ຽວ ນະຄອນໂຮ່ຈິມີນ ໃຫ້ຮູ້ວ່າ:

“ພວກເຮົາຄວນຂຸດຄົ້ນບັນດາຄຸນຄ່າທຳມະຊາດ, ຄຸນຄ່າມໍລະດົກວັດທະນະທຳ. ເພາະ ສິ່ງນີ້ໄດ້ສ້າງຄວາມດູດດື່ມກ່ຽວກັບທ່ອງທ່ຽວ. ນັກທ່ອງທ່ຽວມາແຫ່ງນີ້ ມີເງື່ອນໄຂຊອກຮູ້ກ່ຽວກັບປະຫວັດສາດວັດທະນະທຳຂອງຊາດ, ເຂົ້າຮ່ວມບັນດາລາຍການທ່ອງທ່ຽວທີ່ຈັບອົກຈັບໃຈ, ຈາກນັ້ນ ນັກທ່ອງທ່ຽວມີຄວາມເຂົ້າໃຈຕື່ມອີກກ່ຽວກັບບັນດາຮູບການ, ບໍລິການທ່ອງທ່ຽວຢູ່ທີ່ນີ້.”

ໃນສອງທົດສະວັດຜ່ານມາ, ເມື່ອບຸນປີໃຫມ່ປະຈຳຊາດ, ລະດູບານໃຫມ່ວຽນມາ ຫລືໃນໂອກາດວັນພັກການ, ເຂດທ່ອງທ່ຽວວັດທະນະທຳຊວຍຕຽນ ໄດ້ສ້າງຮູບການລະຫລິ້ນບັນເທີງໃຫມ່ຕື່ມອີກ ເພື່ອຮັບໃຊ້ນັກທ່ອງທ່ຽວ. ເຂດທ່ອງທ່ຽວຊວຍຕຽນ ແມ່ນກຸ່ມບໍລິການດຸດດື່ມ, ທັນສະໄຫມ ແລະເຂັ້ມຂົ້ນໄປດ້ວຍສີສັນປະຫວັດສາດວັດທະນະທຳຂອງຊາດຫວຽດນາມ. ເຂດທ່ອງທ່ຽວ ຊວຍຕຽນ ສະຫງວນເນື້ອທີ່ດິນກວ່າ 15.000 ຕາແມັດ ເພື່ອກໍ່ສ້າງເຂດລະຫລິ້ນບັນເທິງສະເພາະໃຫ້ລຸ້ນຫນຸ່ມ. ແຕ່ລະມື້ເຂດນີ້ໄດ້ຕ້ອນຮັບ 30.000 ເທື່ອຄົນ. ເອື້ອຍ ຫງວຽນທິແທງງາ ຢູ່ ເມືອງ 1 ນະຄອນ ໂຮ່ຈິມີນ ໃຫ້ຮູ້ວ່າ:

“ຄອບຄົວຂ້າພະເຈົ້າຍາດເວລາພາພວກຫລານໄປຢ້ຽມຢາມ ເຂດທ່ອງທ່ຽວຊວຍຕຽນ. ເຖິງວ່າ ພວກຫລານຍັງນ້ອຍ ແຕ່ເມື່ອມານີ້ ພວກຫລານເຂົ້າໃຈຕື່ມອີກກ່ຽວກັບໂລກ, ສະພາບແວດລ້ອມ ເປັນຕົ້ນ ພວກຂ້າພະເຈົ້າມີເວລາພັກຜ່ອນຢ່ອນອາລົມພາຍຫລັງຊຸມມື້ເຮັດວຽກຢ່າງອິດເມື່ອຍ.”

ວັນບຸນໝາກໄມ້ພາກໃຕ້ຈັດຂຶ້ນຢູ່ ຊວຍຕຽນ
ພາບ:dulichbamien.vn

ໃນເຂດທ່ອງທ່ຽວວັດທະນະທຳຊວຍຕຽນ ຍັງມີເຂດຫນຶ່ງສະຫງວນໃຫ້ຊາວຫນຸ່ມ, ເຍົາວະຊົນ ຊື່ງປະກອບດ້ວຍການລະຫລິ້ນ 100 ຢ່າງ. ຢູ່ອ້ອມແອ້ມແມ່ນເຂດອາຫານການກິນ ດ້ວຍອາຫານທີ່ແຊບນົວຫລາຍເຍື່ອງຂອງພາກເຫນືອ, ພາກກາງ ແລະ ພາກໃຕ້ ຫວຽດນາມ. ນອກນັ້ນຍັງມີຮ້ານຂາຍເຄື່ອງທີ່ລະນຶກ ດ້ວຍຮ້ານຄ້າທັນສະໄຫມ 50 ຮ້ານ.

ແຕ່ລະປີ, ຢູ່ເຂດທ່ອງທ່ຽວທຳມະຊາດຊວຍຕຽນ ດຳເນີນຫລາຍເຫດການວັດທະນະທຳໃຫຍ່, ໃນນັ້ນ ພົ້ນເດັ່ນແມ່ນວັນບຸນໄຫວ້ບູຊາເຈົ້າຊີວິດຮຸ່ງ ໃນວັນທີ 10 ເດືອນ 3 ໄລ່ຕາມຈັນທະປະຕິທິນ ແລະ ວັນບຸນໝາກໄມ້ພາກໃຕ້ ໃນຕົ້ນເດືອນ 6 ປະຈຳປີ ລ້ວນແຕ່ໄດ້ຮັບການຈັດຂຶ້ນດ້ວຍຂອບຂະຫນາດໃຫຍ່ ອັນໄດ້ດຶງດູດນັກທ່ອງທ່ຽວພາຍໃນ ແລະ ຕ່າງປະເທດມາຢ້ຽມຢາມເປັນຈຳນວນຫລວງຫລາຍ. ທີ່ວັນບຸນໝາກໄມ້ພາກໃຕ້ ຍັງມີລາຍການ canaval ຖະຫນົນ ຂອງບັນດາກອງສິລະປະຫວຽດນາມ, ສເກົາຫລີ, ມາເລເຊຍ, ອິນໂດເນເຊຍ, ອິນເດຍ, ລາວ, ກຳປູເຈຍ ແລະ ໄທ. ໃນໂອກາດນີ້ ນັກທ່ອງທ່ຽວໄດ້ຊີມໝາກໄມ້ພິເສດເກືອບ 50 ຊະນິດ ຂອງ 21 ແຂວງ ພາກໃຕ້ຫວຽດນາມ ແລະ ບັນດາທ້ອງຖິ່ນໃນທົ່ວປະເທດອີກດ້ວຍ.