Mercosurເພີ່ມທະວີການແລກປ່ຽນການຄ້າແລະການລົງທຶນກັບຫວຽດນາມ
ທ່ານ Rodolfo Caffaro Kramer, ປະທານຫ້ອງການການຄ້າ
ກຸ່ມຕະຫຼາດລວມອາເມລິກາໃຕ້ (Mercosur) - ອາຊຽນ
(ພາບປະກອບ: MACC - Mercosur ASEAN)
(vovworld) - ວັນທີ 08/10, ທ່ານປະທານຫ້ອງການການຄ້າກຸ່ມຕະຫຼາດລວມອາເມລິກາໃຕ້ (Mercosur) - ອາຊຽນ Rodolfo Caffaro Kramer ໃຫ້ຮູ້ວ່າ, ມີຄະນະຜູ້ຕາງໜ້າເຊິ່ງລວມມີເຈົ້າໜ້າທີ່, ນັກທຸລະກິດອາກຊັງຕິນ, ປາຣາກວາຍ ແລະ ອູຣູກວາຍ ຈະມີການຢ້ຽມຢາມຫວຽດນາມ, ສິງກະໂປ ແລະ ອີນໂດເນເຊຍ ໃນລະຫວ່າງວັນທີ 10 – 23/10 ຈະມາເຖິງ. ທ່ານ Kramer ໃຫ້ຮູ້ວ່າ, ຈະເຮັດວຽກກັບບັນດາຄູ່ຮ່ວມມືຫວຽດນາມ ມາເປັນເວລາອາທິດໜຶ່ງ ເພື່ອແນໃສ່ຊຸກຍູ້ການແລກປ່ຽນດ້ານການຄ້າ ແລະ ການລົງທຶນລະຫວ່າງບັນດາປະເທດສະມາຊິກ Mercosur ກັບຫວຽດນາມ. ທ່ານຕີລາຄາສູງຄວາມສາມາດບົ່ມຊ້ອນພັດທະນາເສດຖະກິດ, ກໍຄືບັນດາຜົນງານດ້ານເສດຖະກິດ, ສັງຄົມຂອງຫວຽດນາມ ໃນຊຸມປີມໍ່ໆມານີ້. ທ່ານກໍໃຫ້ຮູ້ຈຸດປະສົງຂອງການຢ້ຽມຢາມຄັ້ງນີິ້ແມ່ນເພື່ອສ້າງຕັ້ງການພົວພັນໂດຍກົງລະຫວ່າງບັນດາວິສາຫະກິດ ອາກຊັງຕິນ, ປາຣາກວາຍ ແລະ ອູຣູກວາຍ ກັບຫວຽດນາມ.
ຕາມທ່ານ Kramer ແລ້ວ, ຫວຽດນາມ ແມ່ນຕະຫຼາດມີຄວາມຕ້ອງການສູງກ່ຽວກັບບັນດາຜະລິດຕະພັນຊີ້, ໝາກໄມ້, ເຫຼົ້າແວງ, ການຢາຂອງອາກຊັງຕິນ. ໃນຂະນະນັ້ນ, ວິສາຫະກິດອາກຊັງຕິນ ເອົາໃຈໃສ່ນຳເຂົ້າກາເຟຈາກຫວຽດນາມ.