ກຸຍບາ ແລະ ລາວ ເຫັນດີເປັນເອກະພາບຈະເພີ່ມທະວີການພົວພັນຖານອ້າຍນ້ອງ ແລະ ການຮ່ວມມື ໃນການພົບປະລະຫວ່າງທ່ານ Manuel Marrero Cruz, ນາຍົກລັດຖະມົນຕີ ກຸຍບາ ແລະ ທ່ານ ທອງລຸນ ສີສຸລິດ, ເລຂາທິການໃຫຍ່, ປະທານປະເທດ ແຫ່ງ ສປປ ລາວ. ຢູ່ນະຄອນຫຼວງ ລາຮາວານ, ປະເທດ ກຸຍບາ, ໃນການພົບປະເມື່ອວັນທີ 13 ກັນຍາ, ສອງຝ່າຍຢັ້ງຢືນຜົນປະໂຫຍດລວມໃນການເພີ່ມທະວີການຮ່ວມມືໃນຂົງເຂດທີ່ຕ່າງຝ່າຍຕ່າງມີຄວາມສົນໃຈຄື: ການເມືອງ, ເສດຖະກິດ, ການຄ້າ, ກະສິກຳ, ສາທາລະນະສຸກ ແລະ ກິລາ.

        ທ່ານນາຍົກລັດຖະມົນຕີ Manuel Marrero Cruz ໄດ້ຊີ້ແຈ້ງນ້ຳໃຈມິດຕະພາບລະຫວ່າງສອງປະເທດ ນັບແຕ່ເວລາສອງປະເທດສ້າງການພົວພັນທາງການທູດ ໃນປີ 1974. ສ່ວນ ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ກໍ່ເນັ້ນໜັກເຖິງຄວາມສຳຄັນຂອງການຢ້ຽມຢາມຂອງທ່ານນາຍົກລັດຖະມົນຕີ Manuel Marrero Cruz ຢູ່ ສປປ ລາວ ໃນເດືອນ ຕຸລາ 2022 ໃນການເພີ່ມທະວີການພົວພັນສອງຝ່າຍ.

        ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ພວມມີໜ້າຢູ່ ກຸຍບາ ເພື່ອເຂົ້າຮ່ວມກອງປະຊຸມສຸດຍອດກຸ່ມບັນດາປະເທດພວມພັດທະນາຢູ່ ອາຊີ, ອາບຟຣີກາ, ອາບຟຣີກາ ກາງ ແລະ ອາບຟຣີກາ ໃຕ້ (G77) ແລະ ຈີນ, ເຊິ່ງຈະໄດ້ຈັດຂຶ້ນໃນລະຫວ່າງວັນທີ 15 – 16 ກັນຍາ ຢູ່ນະຄອນຫຼວງ ລາຮາວານ.