(vovworld) - ຕອນເຊົ້າວັນທີ 29/07, ຢູ່ຮ່າໂນ້ຍ, ກະຊວງຕຳຫຼວດ ໄດ້ຈັດຕັ້ງກອງປະຊຸມຜັນຂະຫຍາຍວຽກງານອະໄພຍະໂທດປີ 2013 ແລະ ສະຫຼຸບ 1 ປີແຫ່ງການຜັນຂະຫຍາຍມະຕິຂອງລັດຖະບານກ່ຽວກັບການສະຫຼຸບວຽການສືບສວນ, ກວດກາສະພາບຜູ້ປະຕິບັດສຳເລັດຄຳຕັດສິນຂອງສານທີ່ກັບເມືອບ້ານອາໄສຢູ່ທ້ອງຖີ່ນ. ສະຫຼຸບກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸ໋ກ, ປະທານສະພາປຶກສາອະໄພຍະໂທດປີ 2013 ຖືວ່າ, ໃນຊຸມປີຜ່ານມາ ພວກເຮົາໄດ້ຊາບຊືມ ແລະ ຜັນຂະຫຍາຍວຽກງານອະໄພຍະໂທດເປັນຢ່າງດີ, ຖືກຕາມຂັ້ນຕອນ ຮັບປະກັນລັກສະນະເປີດເຜີຍ ແລະ ຖືກກັບເປົ້າໝາຍ. ຜ່ານການອະໄພຍະໂທດ, ສົ່ງເສີມບັນດານັກໂທດຮໍ່າຮຽນ, ອອກແຮງງານ, ປະຕິບັດຂໍ້ກຳນົດຂອງຄຸກເປັນຢ່າງດີ ເພື່ອໄດ້ຮັບອະໄພຍະໂທດກັບເມື່ອເຊື່ອມໂຍງເຂົ້າກັບປະຊາຄົມໂດຍໄວ. ທ່ານຮອງນາຍົກລັດຖະມົນຕີ ເນັ້ນໜັກວ່າ ຄຸກຕ້ອງມີປະຊາທິປະໄຕ, ເປີດເຜີຍ ໂປ່ງໃສ, ປະຕິບັດການອະໄພຍະໂທດໃຫ້ຖືກຕາມຂໍ້ກຳນົດ; ຮັບປະກັນໃຫ້ບັນດານັກໂທດມີເງື່ອນໄຂຢ່າງພຽງພໍຈະໄດ້ຮັບການອະໄພຍະໂທດ. ທ່ານຮອງນາຍົກລັດຖະມົນຕີ ຫງວຽນຊວນຟຸ໋ກ ສະເໜີວ່າ.
“ບັນດາກະຊວງ, ທ້ອງຖິ່ນ ອີງໃສ່ກົດໝາຍ ແລະ ບັນດາຂໍ້ຕົກລົງຂອງແຕ່ລະຂະແໜງ, ແຕ່ລະທ້ອງຖິ່ນເພືອປະຕິບັດຢ່າງເຂັ້ມງວດ. ຕຳຫຼວດເຮັດວຽກງານເປັນເສນາທິການໃຫ້ເປັນຢ່າງດີ ໂດຍອີ່ງໃສ່ພາລະໜ້າທີ່ຂອງຕົນ; ຊາບຊືມໃຫ້ທົ່ວຂະແໜງກ່ຽວກັບຂໍ້ຕົກລົງອະໄພຍະໂທດຂອງປະທານປະເທດ; ຫ້າມທຸກການກະທຳແຊກແຊງໃນການອະໄພຍະໂທດຄັ້ງນີ້. ຖ້າຫາກພົບເຫັນບ່ອນໃດລະເມີດຈະລົງໂທດຢ່າງເຂັ້ມງວດ...”