ໃນການເຂົ້າຢ້ຽມຂ່ຳນັບທ່ານຮອງນາຍົກລັດຖະມົນຕີ, ລັດຖະມົນຕີກະຊວງພາຍໃນກຳປູເຈຍ Samdech Sar Kheng, ທ່ານຮອງລັດຖະມົນຕີ ບຸຍວັນນາມ ຢືນຢັນວ່າ, ກະຊວງຕຳຫຼວດຫວຽດນາມ ຈະເຮັດຈົນສຸດຄວາມສາມາດຂອງຕົນ, ສືບຕໍ່ຊ່ວຍເຫຼືອ, ສົມທົບກັບກະຊວງພາຍໃນກຳປູເຈຍ ໃນວຽກງານຮັບປະກັນຄວາມໝັ້ນຄົງຂອງ 2 ປະເທດ, ບໍ່ປະໃຫ້ບັນດາກຳລັງທີ່ເປັນປໍລະປັກນຳໃຊ້ດິນແດນຂອງປະເທດນີ້ິ້ເພື່ອຕ້ານຄືນປະເທດອື່ນ, ສືບຕໍ່ຮ່ວມມືບຳລຸງສ້າງພະນັກງານ… ຢ່າງມີປະສິດທິຜົນ.

        ທີ່ການເຈລະຈາກັບທ່ານລັດຖະມົນຕີ Sok Phal ແລະ ທ່ານລັດຖະມົນຕີ Mao Chandara, 2 ຝ່າຍໄດ້ຕີລາຄາວ່າ ວຽກງານຮ່ວມມືລະຫວ່າງ 2 ກະຊວງໃນໄລຍະຜ່ານມາ ໄດ້ບັນລຸໝາກຜົນດີງາມຫຼາຍຢ່າງ, ປະກອບສ່ວນຮັບປະກັນຄວາມເປັນລະບຽບຮຽບຮ້ອຍຢູ່ແຕ່ລະປະເທດ.