ທ່ານເລຂາທິການໃຫຍ່ ຫງວຽນຟູຈ້ອງ ອວຍພອນບຸນເຕັດການນຳພັກ
ລັດ, ສະພາແຫ່ງຊາດ
ພາບ:internet
|
(vovworld)- ຕອນເຊົ້າວັນທີ 6/2 ຢູ່ ຮ່າໂນ້ຍ, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ພົບປະ ແລະ ອວຍພອນບຸນເຕັດກົມການເມືອງ, ຄະນະເລຂາສູນກາງພັກ, ບັນດາການນຳ ແລະ ອະດີດການນຳພັກ, ລັດ, ແນວໂຮມປະເທດຊາດຫວຽດນາມ, ນັກປະຕິວັດອະວຸໂສ. ນະທີ່ນີ້, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ຊີ້ແຈງວ່າ: ໃນປີຜ່ານມາ ຫວຽດນາມ ບັນລຸໄດ້ບັນດາຜົນງານພົ້ນເດັ່ນ ກ່ຽວກັບເສດຖະກິດສັງຄົມ. ທ່ານເນັ້ນຫນັກວ່າ: ປີ 2013 ຄາດຄະເນວ່າສະພາບການໂລກກໍຄືພາຍໃນປະເທດ ສືບຕໍ່ປະສົບກັບຄວາມຫຍຸ້ງຍາກ, ສະນັ້ນ ທົ່ວພັກ, ທົ່ວປວງຊົນ ແລະ ທົ່ວກອງທັບ ຫວຽດນາມ ຄວນເສີມຂະຫຍາຍທຸກຄວາມສາມາດບົ່ມຊ້ອນ, ທ່າໄດ້ປຽບ, ປະຕິບັດບັນດາມາດຕະການຢ່າງຄົບຊຸດເພື່ອພັດທະນາເສດຖະກິດຢ່າງວ່ອງ ໄວ, ໝັ້ນຄົງ, ຮັບປະກັນຊີວິດສັງຄົມ, ເປັນເຈົ້າການໃນການເຊື້ອມໂຍງເຂົ້າກັບສາກົນ ແລະ ຍົກສູງປະສິດທິຜົນການຮ່ວມມືເສດຖະກິດກັບໂລກ, ຮັກສາຄວາມສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ຮັບປະກັນດ້ານປ້ອງກັນຊາດ ປ້ອງກັນຄວາມສະຫງົບ, ຍົກສູງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນ. ທ່ານເລຂາທິການໃຫຍ່ ຫງວຽນຟູຈ້ອງ ກ່າວວ່າ: “ທົ່ວ ພັກ, ທົ່ວປວງຊົນ ແລະ ທົ່ວກອງທັບ ຕ້ອງຮ່ວມແຮງຮ່ວມໃຈ ແລະ ຕັດສິນໃຈ ນຳປະເທດຊາດຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ສືບຕໍ່ບາດກ້າວພັດທະນາຢ່າງໝັ້ນແກ່ນ, ບັນລຸຜົນງານດີເດັ່ນໃນປີໃຫມ່.”