ການສະເຫຼີມສະຫຼອງ40ປີແຫ່ງວັນປົດປ່ອຍພາກໃຕ້ຢ່າງສົມບູນ,ໂຮມປະເທດຊາດເປັນເອກະພາບຢູ່ຕ່າງປະເທດ
ສະມາຄົມ ຊາວ ຫວຽດນາມ ອາໄສຢູ່ຕ່າງປະເທດ ໄດ້ຈັດຕັ້ງການສະ
ເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດ
ຊາດເປັນເອກະພາບ
(ພາບປະກອບຈາກ Lê Hoàng/Vietnam+)
|
(vovworld) – ເພື່ອເປັນການສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບ, ວັນທີ 27/4, ຫ້ອງການທູດການທະຫານ ຫວຽດນາມ ປະຈຳ ກູບາ ແລະ ກະຊວງບັນດາກຳລັງປະກອບອາວຸດປະຕິວັດ ກູບາ ໄດ້ຈັດຕັ້ງງານວາງສະແດງຮູບຖ່າຍ ກ່ຽວກັບວິວັດການສ້າງສາ ແລະ ພັດທະນາຂອງກອງທັບປະຊາຊົນ ຫວຽດນາມ. ຮູບຖ່າຍເກືອບ 100 ແຜ່ນທີ່ນຳມາວາງສະແດງ ໄດ້ສ່ອງແສງຢ່າງມີຊີວິດຊີວາກ່ຽວກັບປະຫວັດສາດອັນສະຫງ່າລາສີຂອງກອງທັບປະຊາຊົນ ຫວຽດນາມ ໃນການຕໍ່ສູ້ຕ້ານສັດຕູຜູ້ຮຸກຮານຍາດເອົາເອກະລາດມາໃຫ້ປະເທດຊາດ.
ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບ, ສະຖານທູດ ຫວຽດນາມ ປະຈຳ Bucarest ສົມທົບກັບສະມາຄົມຊາວ ຫວຽດນາມ ປະຈຳ ຮຸມມານີ ໄດ້ຈັດຕັ້ງພິທີໂຮມຊຸມນຸມມິດຕິງ ແລະ ການເຄື່ອນໄຫວກິລາສະເຫຼີມສະຫຼອງເຫດການນີ້.
ເນື່ອງໃນໂອກາດນີ້, ຢູ່ນະຄອນ Rome, ປະເທດ ອີຕາລີ, ສະມາຄົມນັກສຶກສາ ຫວຽດນາມ ຢູ່ ອີຕາລີ ກໍ່ໄດ້ຈັດຕັ້ງ ພິທີໂຮມຊຸມນຸມມິດຕິງ ສະເຫຼີມສະຫຼອງ 40 ປີແຫ່ງໄຊຊະນະ 30/4, ໂຮມປະເທດຊາດເປັນເອກະພາບ ແລະ ປົກປັກຮັກສາຜືນແຜ່ນດິນອັນຄົບຖ້ວນຂອງປະເທດຊາດ.
ວັນທີ 27/4, ໂຮງຮຽນມັດທະຍົມຕອນປາຍ 282 ຢູ່ນະຄອນຫຼວງ ມົດສກູ, ສະຫະພັນ ລັດເຊຍ ໄດ້ຈັດຕັ້ງພິທີສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບ. ທ່ານເອກອັກຄະລັດຖະທູດ ຫວຽດນາມ ປະຈຳ ສະຫະພັນ ລັດເຊຍ ຫງວຽນແທງເຊີນ ໄດ້ເຂົ້າຮ່ວມ ແລະ ກ່່າວຄຳເຫັນທີ່ພິທີ.